2 Tim 1:6 - Naaŋmen Nɔpaalaa Gane

⁶ A ŋaa zuiŋ, N leɛ-teɛrɛ fo la ka fo leɛ seŋ a Naaŋmen kyɔɔtaa naŋ be fo zie a yi a n nuuri N naŋ da de dɔgle fo zu kyɛ puori ko fo;

2 Tim 1:6 ပူးပေါင်းရင်းမြစ်များ

Luka 19:13

O da boɔle la o gbaŋgbaare pie, a ko ba kanzaa warbi-yeni yeni, kyɛ yeli ko ba, ‘Yɛ de te yɛrɛ ne te ta saŋ na N naŋ na leɛ wa.’

Toma 19:6

A Pɔɔl naŋ da wa de o nuuri pare ba zuri, a Vooroŋ Soŋ da wa la ba zie, ka ba da yele kɔkɔsaama ane Ŋmen-yelmanna yelyelii.

Toma 6:6

Ba da eɛɛ la ka ba da wa are a apostoliimine niŋesogɔ, ka ba da de ba nuuri pare ba zuri kyɛ puori ko ba.

I Tesa 5:19

Yɛ ta kpinni a Vooroŋ Soŋ vũũ bare.

1 Tim 4:14

Ta wa bara a Naaŋmen kyɔɔtaa na fo naŋ da nyɛ yi a Ŋmen-yelmanna yelyelii zie ane a puoruu laŋne nembɛrɛ naŋ da de ba nuuri pare fo zu kyɛ puori ko fo.

1 Tim 4:6

Ka fooŋ wa wuli a yɔɔmine ane a yɔɔpuuli a yɛlɛ ama, fo na waa la a Kirista Yeezu tontombi-meŋɛ ba naŋ guoli ne a yeldeebo yelbie ka fo tuuro a wulsoŋ.

2 Tim 2:14

Leɛ-teɛre ba a yeli ŋa kyɛ kpãã ba a Naaŋmen niŋesogɔ ka ba bare nɔkpeɛne ŋmeɛbo yelbie naŋ ba waana ne sommo zaa ka sããmo yoŋ naane ko a banaŋ naŋ kyɛllɛ wono a.

2 Tim 4:2

moɔlɔ a Naaŋmen yelbiri; ka a naŋ waa wola zaa, kpimare moɔlɔ; a erɛ ka ba sagra derɛ, a kpaana ba kyɛ yele yɛlɛ teɛrɛ ba ne kannyiri kpoŋ a fo wuluu poɔ.

Hiburu 6:2

wuluu naŋ kyaare ne suobu deebo yɛlɛ, nuuri paroo yɛlɛ, kuuni leɛ-iruu ane sɛrɛɛdiibu naŋ ba taa baaraa yɛlɛ.

2 Pit 1:12

Azuiŋ, N boɔrɔ la ka N leɛ-teɛrɛ yɛ a yɛlɛ ama tegitegilɛ, aneazaa ka yɛ daŋ baŋ a la, kyɛ are a yelmeŋɛ ba naŋ yeli ko yɛ poɔ kpeɛŋaa.

2 Pit 3:1

N poyɛŋ noba, a gama ayi soba la a ŋa N naŋ sɛgrɛ korɔ yɛ pampana. A zaa ayi poɔ, N boɔrɔ la ka N seŋ a yɛ teɛroŋ naŋ ba taa faaloŋ zaa a leɛ-teɛre yɛ

Gyud 1:5

Pampana, N boɔrɔ la ka N leɛ-teɛre yɛ, aneazaa ka yɛ baŋ la yɛlɛ ka a ta, ka a Daana naŋ da faa a noba baare dayenaa lɛ yi a Igyipiti teŋɛ poɔ, kyɛ a lɛ puoriŋ, O da ko la a banaŋ naŋ da ba sage de a O yɛlɛ.