2 Tim 1:5 - Naaŋmen Nɔpaalaa Gane

⁵ N leɛ-teɛre la a fo yeldeebo naŋ e meŋɛ yɛlɛ. A yeldeebo ŋa la ka fo makoma Lowesi ane fo ma Yunisi da daŋ taa, kyɛ pampana ŋa, N baŋ la velaa ka fo meŋ taa o la.

2 Tim 1:5 ပူးပေါင်းရင်းမြစ်များ

Gyɔɔn 1:47

A Yeezu naŋ da wa nyɛ Nataneɛl ka o waana O zie la ka O da yeli, “Izerayɛl bie sereŋ la a ŋa, ka bonnoo zaa ba kye o zie!”

Toma 16:1

A Pɔɔl da gaa la Dɛɛbe meŋ a yi be gaa Lisitera. A Yeezu potuuro kaŋ da be la a Lisitera teŋɛ poɔ ka o yuori di Timoti. O ma da waa la Gyuumine pɔgeyaa naŋ sage de a Yeezu yɛlɛ, kyɛ ka o saa da waa Giriki neɛ.

Toma 26:26

Serɛzaa, a naa baŋ la a yɛlɛ ama kyɛ ona la ka N yele a yɛlɛ korɔ a ba zoro dabeɛ̃, bonso N baŋ ka a yɛlɛ ama kanzaa ba bale o bammo, bonso a yɛlɛ ama naŋ e ba sɔgle.

Urom 14:14

N baŋɛɛ la kyɛ sage de ka a Daana Yeezu meŋ are ko ma la ka bonzaa ba e dɛgre o meŋɛŋ; kyɛ o maŋ e la bondɛgre a ko banaŋ naŋ teɛrɛ ka o e la bondɛgre.

Urom 14:5

A noba mine maŋ de la a bebiri kaŋ ka o seɛ kaŋ, kyɛ ka ba mine de a bebie zaa ka a waa yeni. Yɛ kanzaa ta vɛŋ ka bonnoo be o teɛroŋ poɔ.

Urom 15:14

N yɔɔmine ane n yɔɔpuuli, maa meŋɛ ba taa bonnoo a kyaare ne yɛ, ka yɛ paale ne la yelveɛle, a paale ne yelbammo zaa kyɛ maŋ toɔ̃ wullo taa.

Urom 4:21

O da sereŋ baŋ ka Naaŋmen na toɔ̃ e la bonna O naŋ da eŋ noɔre ka O na e la.

Urom 8:38

Bonso, N baŋ taɛ la ka kũũ bee nyɔvore, bee malekere, bee namine, bee boma naŋ bebe a zenɛ, bee boma naŋ na wa, bee kpeɛ̃õ deme,

Korinti 6:6

te sonnoŋ poɔ, te yelbammo poɔ, te kannyiri poɔ, te nimibaaloŋ poɔ, a te seere sonnoŋ poɔ ane nɔmmo naŋ waa meŋɛ poɔ.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Tim 4:6

Ka fooŋ wa wuli a yɔɔmine ane a yɔɔpuuli a yɛlɛ ama, fo na waa la a Kirista Yeezu tontombi-meŋɛ ba naŋ guoli ne a yeldeebo yelbie ka fo tuuro a wulsoŋ.

2 Tim 1:12

kyɛ a ŋaa zuiŋ la ka N wono a tuo ŋa N naŋ wono. Kyɛ vi ba kpeɛrɛ ma, bonso, N baŋ la neɛ na N naŋ dɛle. N sereŋ baŋɛɛ la ka O na toɔ̃ gu la bonna N naŋ de ko O te ta a bebiri na daare.

2 Tim 3:15

A yi a fo biiluŋ saŋ, fo baŋ la a gansoŋ poɔ yɛlɛ naŋ na toɔ̃ wuli fo ka fo nyɛ faabo naŋ yi a yeldeebo naŋ be a Kirista Yeezu eŋɛ.

Hiburu 11:13

A noba bama zaa da be la a yeldeebo poɔ kyɛ te kpi kyɛ da ba nyɛ a yɛlɛ Naaŋmen naŋ da yeli ka O na e ko ba la. Ba da nyɛ a la ba teɛroŋ poɔ ka a be tɔɔre zaa a waana, ka ba tuori de a. Ba da sagɛɛ la ka ba waa la saama ane nɔɔre a teŋɛzu kyɛ.

Hiburu 6:9

Te poyɛŋ noba, aneazaa ka te yelee yɛlɛ a ŋaa, te taa la bambaare ka yɛ taa la yɛlɛ naŋ na ko yɛ faabo.

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.