2 Tim 1:3 - Naaŋmen Nɔpaalaa Gane

³ N puoro la Naaŋmen bareka yaga zaa (Ona la ka N puoro ne teɛroŋ soŋ aŋa n sããkommine naŋ da e lɛ) ka maa wa leɛ-teɛre fo yɛlɛ tegitegilɛ a n puoruu poɔ ŋmenaa ane tensogɔ.

2 Tim 1:3 ပူးပေါင်းရင်းမြစ်များ

Luka 2:37

Lɛ la ka o da leɛ pɔgekoɔre te ta yuomo lezaanaare ne anaare. O da ba yire a Naaŋmen die poɔ, kyɛ da maŋ leŋ noɔre, a puoro Naaŋmen ŋmenaa ane tensogɔ.

Toma 22:3

“N waa la Gyuu neɛ, ka ba dɔge ma Taasu naŋ be Selusiya paaloŋ poɔ. Kyɛ a teŋkpoŋ ŋa poɔ la ka N baa a Gamaleɛ nuuri poɔ, ka ba wuli ma a te sããkommine begɛ yɛlɛ zaa kyeretete. N eŋɛ da kyerɛ la ne a Naaŋmen yɛlɛ a seŋ yɛ zaa naŋ waa lɛ a zenɛ bebiri.

Toma 23:1

A Pɔɔl da kaara la a sɛrediribe polipoli kyɛ yeli, “N yɔɔmine, N toŋ la a Naaŋmen toma ne teɛroŋ velaa a wa tɔ a zenɛ bebiri.”

Toma 24:14

Kyɛ N sagɛɛ la ko yɛ kyaare ne a Sori na ba naŋ boɔlɔ laŋne. N puoro la a te sããkommine Naaŋmen, a sage de a yɛlɛ na zaa a Naaŋmen nɔɛ naŋ biŋ bee a anaŋ a Ŋmen-yelmanneba naŋ sɛge.

Toma 24:16

Azuiŋ, N erɛ la aneɛ ka N taa teɛroŋ soŋ Naaŋmen zie ane nensaalba zaa zie.

Toma 26:4

“A Gyuumine zaa baŋ la n nyɔvore yɛlɛ a yi n biiluŋ saŋ, N naŋ da laŋ kpɛ ne maa meŋɛ noba a Gyɛruzɛlɛm poɔ, a yi a piiluu saŋ.

Toma 27:23

Bonso, a tensogɔ naŋ tɔle, a Naaŋmen na naŋ so ma, ka N puoro O maleke da wa are la n zie,

Urom 9:1

N yele la a yelmeŋɛ a Kirista eŋɛ, N ba ŋmaara zirii. N zoma di la danseɛ a Vooroŋ Soŋ eŋɛ.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Galesiya 1:14

N da zanne do la zu a Gyuumine puoruu poɔ a gaŋ n pɔltaaba zaa a n noba poɔ, bonso N da e la eŋnyagroŋ soba kyaare ne a n sããkommine yelwulii.

EFESU 1:16

N ba nagra ka N puori Naaŋmen bareka a yɛ zuiŋ, N naŋ maŋ wa teɛre yɛ yɛlɛ n puoruu poɔ.

I Tesa 3:10

Te puoro la nimizeɛ zaa tensogɔ ane ŋmenaa ka ka te na toɔ̃ nyɛ taa nimisogre bebiri kaŋ ka te maale a yɛlɛ na zaa naŋ kyɛre a yɛ yeldeebo poɔ eŋ.

1 Tim 1:19

a taa yeldeebo ane teɛroŋ soŋ. A noba mine naŋ da zagre a teɛroŋ soŋ ŋa bare zuiŋ, a ba yeldeebo da lee la.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Tim 5:5

Pɔgekoɔre na naŋ sereŋ e pɔgekoɔre, a kpeɛrɛ o yoŋ tɛge, a ba taa neɛzaa naŋ kaara o zu, maŋ de la o teɛretɔroo eŋ Naaŋmen, a sɔrɔ O kyɛ puoro tegitegilɛ ŋmenaa ane tensogɔ.

2 Tim 1:5

N leɛ-teɛre la a fo yeldeebo naŋ e meŋɛ yɛlɛ. A yeldeebo ŋa la ka fo makoma Lowesi ane fo ma Yunisi da daŋ taa, kyɛ pampana ŋa, N baŋ la velaa ka fo meŋ taa o la.

2 Tim 3:15

A yi a fo biiluŋ saŋ, fo baŋ la a gansoŋ poɔ yɛlɛ naŋ na toɔ̃ wuli fo ka fo nyɛ faabo naŋ yi a yeldeebo naŋ be a Kirista Yeezu eŋɛ.

Hiburu 13:8

A Yeezu Kirista waa la lɛ O naŋ waa zããmeŋ, zenɛ kyɛ na waa lɛ tegitegilɛ.