2 Tim 1:1 - Naaŋmen Nɔpaalaa Gane

¹ Maa Pɔɔl, a naŋ e a Naaŋmen poboɔbo ka N waa a Kirista Yeezu apostolii, a noɔre O naŋ eŋ ka O na tere la nyɔvore naŋ be a Kirista Yeezu eŋɛ zuiŋ,

2 Tim 1:1 ပူးပေါင်းရင်းမြစ်များ

Gyɔɔn 10:28

N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Gyɔɔn 6:54

Banaŋ naŋ di N eŋɛ kyɛ nyu N zẽẽ taa la nyɔvore naŋ ba taa baaraa, kyɛ N na e la ka ba leɛ-iri a bebi-baaraa daare.

Urom 1:1

Maa Pɔɔl naŋ waa Yeezu Kirista tontonɔ, ba naŋ da boɔle ka N e apostolii, ka ba kaa-iri ka N moɔlɔ a Ŋmen-yelnoore.

Urom 5:21

ka aŋa lɛ yelbieri naŋ dire naaloŋ kũũ zu, a lɛ ka garaaseɛ meŋ na di naaloŋ mennoŋ zu, a waana ne nyɔvore naŋ ba taa baaraa a yi a Yeezu Kirista, te Daana zie.

Urom 6:23

Bonso, yelbieri san-yɔɔ la kũũ, kyɛ Naaŋmen kyɔɔtaa naŋ e weɛlɛ la nyɔvore naŋ ba taa baaroo a Kirista Yeezu te Daana poɔ.

1 Kor 1:1

Maa Pɔɔl, a naŋ e a Naaŋmen poboɔbo ka N waa a Kirista Yeezu apostolii, ane a te yɔɔ Sositene la sɛgrɛ korɔ

Korinti 1:1

Maa Pɔɔl, a naŋ e a Naaŋmen poboɔbo ka N waa a Kirista Yeezu apostolii ane a te yɔɔ Timoti la sɛgrɛ korɔ a puoruu laŋne noba naŋ be Korinti teŋɛ poɔ, a de ne a nensonne zaa naŋ be a Akaya poɔ:

Korinti 1:20

Bonso, a Yeezu Kirista poɔ la ka a Naaŋmen nɔ-eŋnee zaa nyɛ eebo. A ŋaa zuiŋ la ka te maŋ tu O zie kyɛ yeli, “Ka a e a lɛ,” ka Naaŋmen na nyɛ puubu.

Galesiya 3:26

bonso a Kirista Yeezu poɔ, yɛ zaa waa la Naaŋmen biiri a yi yeldeebo eŋɛ.

Galesiya 3:28

Azuiŋ te ba la taa Gyuu neɛ bee Giriki neɛ, a ba la taa gbaŋgbaare bee noba naŋ ba waa gbaŋgbaare, a ba la taa dɔɔ bee pɔge; bonso yɛ zaa waa la yeni a Kirista eŋɛ.

EFESU 3:6

A lɛ tɛgɛ la, a Nemboore-yobo meŋ leɛ la a te gbandi-taaba, a waa eŋgan-yeni nandaare, a waa noba naŋ poɔ a nɔ-eŋnaa naŋ be a Kirista Yeezu eŋɛ a yi a Ŋmen-yelnoore zuiŋ.

1 Tim 6:19

lɛ la ka ba na boɔrɔ naboma binne a gu ne nendaare kaŋ, ka lɛ vɛŋ ka ba na taa nyɔvore naŋ sereŋ e nyɔvore.

2 Tim 1:10

Kyɛ pampana ŋa, ba iri o la wuli te a yi a te Faara Kirista Yeezu waabo eŋɛ. Ona la da iri kũũ bare kyɛ e ka nyɔvore naŋ koŋ baŋ la kpi tu a Ŋmen-yelnoore zie sãã veɛloŋ poɔ.

2 Tim 1:13

Nyɔge kyɛ tuuro a kannoo naŋ waa meŋɛ fo naŋ da woŋ yi n zie ne yeldeebo ane nɔmmo naŋ be a Kirista Yeezu poɔ.

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

2 Tim 2:1

Azuiŋ n bie, are kpeɛŋaa a garaaseɛ naŋ be a Kirista Yeezu eŋɛ;

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

2 Tim 2:3

Meŋ poɔ wono a tuo aŋa a Kirista Yeezu sogyɛ meŋɛ.

2 Tim 3:15

A yi a fo biiluŋ saŋ, fo baŋ la a gansoŋ poɔ yɛlɛ naŋ na toɔ̃ wuli fo ka fo nyɛ faabo naŋ yi a yeldeebo naŋ be a Kirista Yeezu eŋɛ.

TITU 1:2

a nyɔvo-babaaraa teɛretɔroo a Naaŋmen naŋ ba ŋmaara zirii naŋ da eŋ noɔre tere sɛre kyɛ ka a andonɛɛ wa piili.

TITU 1:4

N sɛgrɛ la a lɛtɛ ŋa korɔ Tiitu naŋ e a n bi-meŋɛ a yeldeebo te naŋ laŋ poɔ: Ka a Saa Naaŋmen ane a te Faara Kirista Yeezu garaaseɛ ane maaroŋ be fo zie.

Hiburu 9:15

A yeli ŋa zuiŋ la so ka a Kirista e a nɔ-eŋ paalaa yelmaala, ka ka a banaŋ ba naŋ boɔle na toɔ̃ nyɛ a noɔre naŋ ba taa baaraa ba naŋ eŋ gbandiruŋ. Bonso, kũũ koɛ la a faa ba yi ne a dɛndɛŋ nɔ-eŋnaa yelfaare poɔ.

1 Gyn 2:25

A bon ŋa la ka a Kirista da eŋ noɔre ka o na ko te la: nyɔvore naŋ ba taa baaraa.