2 Pit 3:18 - Naaŋmen Nɔpaalaa Gane

¹⁸ Kyɛ yɛ baara a te Daana ane a te Faara Yeezu Kirista garaaseɛ ane O bammo poɔ. Ona la so puubu pampana a kyɛ gɛrɛ tegitegilɛ. Ameena.

2 Pit 3:18 ပူးပေါင်းရင်းမြစ်များ

Matio Gane 28:20

a wullo ba ka ba tuuro a yɛlɛ na zaa N naŋ ko yɛ noɔre. Kyɛ yɛ baŋ ne a, N be la yɛ zie tegitegilɛ, a na te ta a teŋɛ baaroo saŋ.”

Matio Gane 6:13

Ta e ka te kpɛ enyaabo poɔ, kyɛ faa te yi ne a nenfaa nuuri poɔ.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 5:23

ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ.

Urom 11:36

Bonso, a O zie la ka boma zaa yi, a O zie la ka boma zaa tu kyɛ wa, a O zie la ka a boma zaa be. Ona la seŋ ne puubu tegitegilɛ. Ameena.

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

EFESU 4:15

Kyɛ a seŋ ka te yele a yelmeŋɛ ne nɔmmo, a baara yelzaa poɔ, a te waa ŋa a soba na naŋ e a te zu soba, Ona la a Kirista.

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

KOLO 1:10

ka ka yɛ na taa yɛ nyɔvoɛ a seŋ lɛ a Daana naŋ boɔrɔ, ka a sereŋ pɛllɛ O poɔ, ka yɛ wɔnɔ wɔmɔ tonveɛle zaa poɔ kyɛ baara a Naaŋmen bammo poɔ.

KOLO 3:10

kyɛ pilli yɛmenne ne a nensaal-paalaa aŋa wagyɛ. Ona la ka ba e ka o leɛ e paalaa yelbammo poɔ a taa a neɛ naŋ iri o waaloŋ.

II Tesa 1:3

Te yɔɔmine ane te yɔɔpuuli, aŋa a naŋ seŋ lɛ, a ferɛɛ la ka te maŋ puoro Naaŋmen bareka tegitegilɛ a yɛ zuiŋ, bonso, a yɛ yeldeebo baara duoro la yaga zaa, ka a nɔmmo yɛ naŋ taa ne taa meŋ yɛllɛ.

2 Tim 4:18

A Daana na faa ma la yi yelfaa zaa poɔ, a faa ma a O tenvelaa naaloŋ zuiŋ. Ona la so a puubu tegitegilɛ. Ameena.

1 Pit 2:2

Yɛ maŋ boɔrɔ a Naaŋmen yelbiri berekoɔ̃ aŋa bilɛɛre ka ka yɛ na nyu a baa, a kpɛ faabo poɔ,

2 Pit 1:11

A ŋaa poɔ la ka yɛ na nyɛ a sori kpɛ a te Daana ane te Faara Yeezu Kirista naaloŋ naŋ ba taa baaraa poɔ.

2 Pit 1:2

Ka Naaŋmen garaaseɛ ane maaroŋ be yɛ zie yaga lɛ a yi a bammo yɛ naŋ taa a Naaŋmen ane a te Daana Yeezu Kirista eŋɛ.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 1:8

Bonso, ka a yɛlɛ ama wa erɛ yɛ poɔ a gɛrɛ niŋe, a na e la ka yɛ toɔnɔ tonɔ tonveɛle a te Daana Yeezu Kirista bammo yɛ naŋ taa eŋɛ.

2 Pit 2:20

Bonso, banaŋ naŋ zo yi a teŋɛzu yelfaare poɔ, ba naŋ wa baŋ a te Daana ane a te Faara Yeezu Kirista zuiŋ, kyɛ wa leɛ gaa te kpɛ a poɔ, ka a toɔ̃ ba, a na waa la faa yaga ko ba gaŋ a dɛndɛŋ na.

Gyud 1:25

ka a Naaŋmen yeni, a te Faara tu a te Daana Yeezu Kirista zie nyɛ puubu, gandaaloŋ, kpeɛ̃õ ane naaloŋ wagre zaa, pampana ane tegitegilɛ. Ameena.

Yel-iriwulaa Gane 1:6

a kyɛ e ka te waa namine boorɔ, Naaŋmen bagmaale wederebɛ, a tonɔ korɔ a O Naaŋmen ane a O Saa nyɛ puubu ane kpeɛ̃õ tegitegilɛ. Ameena.