2 Pit 3:14 - Naaŋmen Nɔpaalaa Gane

¹⁴ Azuiŋ, N poyɛŋ noba, yɛ naŋ kyɛllɛ a yɛlɛ ama, yɛ mɔ ka O wa nyɛ yɛ ka yɛ taa emmaaroŋ, kyɛ ta taa dɛgre bee saanaa zaa.

2 Pit 3:14 ပူးပေါင်းရင်းမြစ်များ

Matio Gane 24:26

A lɛ zuiŋ ka ba naŋ wa yeli ko yɛ, ‘Nyɛ! O be la wɛgyɛŋ poɔ,’ yɛ ta wa yire be, bee ka ba yeli, ‘Nyɛ! O be la a dikpaareŋ,’ yɛ ta sage de.

Matio Gane 25:7

Lɛ la ka a pɔgzeŋguribo pie na zaa vaa-iri a de ba fentelɛ, a maale a eŋ ka a nyɛrɛ.

Luka 12:43

A gbaŋgbaa na o daana naŋ na leɛ kulo waana a wa nyɛ o ka o tonɔ nyɛ la maaloo.

Luka 2:29

“Daana, ŋaa fo pãã bara la a fo tontonɔ ka o gɛrɛ ne emmaaroŋ, a seŋ fo yelbiri naŋ yeli;

1 Kor 1:8

Ona meŋ la na e ka yɛ taa faŋ a te ta a baaraa, ka yɛ koŋ taa saanaa a te Daana Yeezu Kirista waabo bebiri daare.

1 Kor 15:58

Azuiŋ, n poyɛŋ noba, yɛ are kpeɛŋaa, a ta wa leɛrɛ puori. Yɛ tonɔ a Daana toma tegitegilɛ a gɛrɛ nimitɔɔre kyɛ baŋ ka a yɛ toma koŋ waa weɛlɛ a Daana eŋɛ.

Filipai Deme Gane 1:10

ka a soŋ yɛ ka yɛ maŋ toɔ̃ kaa-iri yeli naŋ soma, ka a Kirista waabo daare ka yɛ e noba naŋ waa soŋ a ba taa saanaa zaa,

Filipai Deme Gane 2:15

ka yɛ na e noba naŋ ba taa saanaa zaa a e noba naŋ ba baŋ yelzaa, a waa Naaŋmen biiri naŋ ba taa saanaa zaa yɛ naŋ kpeɛrɛ neŋgoloŋ-goloŋ ane noba naŋ tuli a ba derɛ Naaŋmen yɛlɛ poɔŋ. Ba poɔŋ la ka yɛ nyegrɛ aŋa ŋmarbie a tendaa zu.

Filipai Deme Gane 3:20

Kyɛ tenee e la a tenvelaa biiri, a be la ka te kyɛllɛ a Faara, a Daana Yeezu Kirista ka O yi be leɛ wa.

I Tesa 3:13

Ka O ko yɛ sukyie faŋ, ka yɛ e soŋ, a ta taa faaloŋ zaa a te Saa Naaŋmen niŋesogɔ ane a te Daana Yeezu ane a O nensonne zaa waabo daare.

I Tesa 5:23

Ka a emmaaroŋ Naaŋmen meŋɛ pɛge yɛ zaa ka yɛ yi, kyɛ ka a yɛ vooroŋ ane yɛ seere ane yɛ enne be laafeeloŋ poɔ, a ta taa faaloŋ zaa a te Daana Yeezu Kirista waabo saŋ.

1 Tim 6:14

ka fo taa a Naaŋmen noɔre ka o ta mɔge dɛgre zaa bee a taa yelsaana zaa te ta a daare na a te Daana Yeezu Kirista naŋ na de O meŋɛ wuli.

Hiburu 9:28

lɛ la ka Kirista da de O meŋɛ maale bagre dayeni yoŋ ka O de neŋyaga yelbebe bare. O na la leɛ wa la a boyi soba kyɛ a koŋ e yelbebe zuiŋ, kyɛ O na wa la ka O faa banaŋ naŋ eŋ faŋ a kyɛllɛ O.

Gyimisi 1:27

Puoruu naŋ veɛlɛ, ka dɛgre zaa ba kye o poɔ a Saa Naaŋmen zie la ŋa: kaara bikpeere ane pɔg-kɔbɔ zu a ba woore poɔ, kyɛ gu fo meŋɛ, a ta mɔge faaloŋ a teŋɛzu.

1 Pit 1:7

A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

2 Pit 3:1

N poyɛŋ noba, a gama ayi soba la a ŋa N naŋ sɛgrɛ korɔ yɛ pampana. A zaa ayi poɔ, N boɔrɔ la ka N seŋ a yɛ teɛroŋ naŋ ba taa faaloŋ zaa a leɛ-teɛre yɛ

2 Pit 3:16

O yele la a yeli ŋa aŋa lɛ o naŋ yeli a o gama zaa poɔ. A yɛlɛ mine be la a o gama poɔ ka a tɛgɛ bammo waa tuo, ka a banaŋ naŋ ba baŋ ane banaŋ naŋ ba are kpeɛŋaa maŋ nyɔge leɛ ka a e bamenne weɛbo aŋa lɛ ba naŋ maŋ e ne a gansoŋ sɛgre mine.

1 Gyn 3:3

Banaŋ zaa naŋ taa a teɛretɔroo ŋa a Kirista poɔ maŋ pɛge la bamenne, aŋa O naŋ pɛge yi lɛ.