2 Pit 3:11 - Naaŋmen Nɔpaalaa Gane

¹¹ A boma ama zaa naŋ pãã na di vũũ moore ŋaa, nemboŋ boorɔ la ka a seŋ ka yɛ waa a yɛ sonnoŋ ane mennoŋ nyɔvore taabo poɔ,

2 Pit 3:11 ပူးပေါင်းရင်းမြစ်များ

Matio Gane 8:27

Ka a potuuribo nɔɛ da maa; ka ba yele, “Nemboŋ-tɔ la a dɔɔ ŋa, haali ka saseɛ ane mane zaa sagra O noɔre?”

Urom 13:11

A yi a yeli ŋa puoriŋ, yɛ baŋ la bonna saŋ naŋ la ŋaa, ka a saŋ taɛ la ka yɛ iri yɛ goɔŋ poɔ. Bonso, a faabo peɛle te la pampana ŋa a gaŋ saŋ na te naŋ da wa leɛ yelderebɛ.

Urom 13:12

A zie sɔgɛɛ la gaa tɔɔre yaga, ka zinyaane peɛle. Yɛ vɛŋ ka te pãã lɔɔ a ligruŋ toma bare, kyɛ de a veɛloŋ zɔɔre boma su.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Filipai Deme Gane 1:27

Yeli yoŋ naŋ ferɛ la ka yɛ taa a yɛ nyɔvoɛ ka a seŋ ne lɛ a Kirista yelnoore naŋ wullo, ka maa wa nyɛ yɛ bee ka maa ba wa, kyɛ woŋ yɛ yɛlɛ, N na baŋ ka yɛ are la kpeɛŋaa ne noɔre yeni, a laŋ moɔrɔ ne teɛroŋ yeni a kyaare ne a Ŋmen-yelnoore yeldeebo,

Filipai Deme Gane 3:20

Kyɛ tenee e la a tenvelaa biiri, a be la ka te kyɛllɛ a Faara, a Daana Yeezu Kirista ka O yi be leɛ wa.

I Tesa 1:5

bonso, a te Ŋmen-yelnoore duoro da ba wa a yɛ zie yelbiri yoŋ tɛgɛ, kyɛ o da wa la yɛ zie meŋ ne kpeɛ̃õ ane a Vooroŋ Soŋ ane yɛlɛ naŋ ba taa bonnoo zaa, aŋa lɛ yɛ naŋ baŋ noba na te naŋ da waa yɛ poɔ a yɛ zuiŋ.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

1 Tim 4:12

Ta vɛŋ ka neɛzaa taa kaabanyɛ ne fo naŋ waa baapaalaa zuiŋ, kyɛ waa neɛ a yelderebɛ naŋ na tɔglɔ, fo yɛlɛ yeluu poɔ, fo eroŋ poɔ, fo nɔmmo poɔ, fo yeldeebo ane fo sonnoŋ poɔ.

1 Tim 6:11

Kyɛ fõõ Naaŋmen neɛ, zo bale a yɛlɛ ama zaa bare; moɔ nimiri boɔrɔ mennoŋ, Naaŋmennoŋ, yeldeebo, nɔmmo, kannyiri diibu ane sumaaroŋ.

1 Tim 6:3

Neɛzaa naŋ kanna yelyuo, a ba sage a te Daana Yeezu Kirista yelbi-menne ane kannoo na naŋ kyaare ne a Naaŋmennoŋ yɛlɛ,

1 Tim 6:6

Serɛzaa, Naaŋmen puoruu taa la tɔnɔ yaga kyɛ maŋ vɛŋ ka neɛ niŋe paale ne bon o naŋ taa;

Hiburu 13:5

Yɛ gu yɛmenne yi libi-nɔŋ eŋɛ, kyɛ vɛŋ ka yɛ niŋe paale ne bon yɛ naŋ taa, bonso, Naaŋmen yelee la, “N daŋ koŋ bare yɛ zaa bee a gyɛ yɛ bare.”

Gyimisi 1:24

Ba maŋ kaa nyɛ la bamenne, kyɛ ba naŋ wa yi a kyaanaa zie gaa, a tɔntɔbaalɛ ka ba maŋ inni lɛ ba naŋ da waa.

Gyimisi 3:13

Aŋ la taa yɛŋ kyɛ baŋ yɛlɛ tɛgɛ yɛ poɔ? A soba o tu a o yelveɛle zie a wuli ka o tonɔ la a o tonveɛle ne Sigruumilluu ne yɛŋ.

1 Pit 1:15

Kyɛ aŋa lɛ a soba na naŋ boɔle yɛ naŋ waa soŋ, yɛ meŋ waa soŋ yɛ yel-erre zaa poɔ.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 1:6

a de meŋɛ-bantaabo teɛ ne a yelbammo, a de kannyiri teɛ ne meŋɛ-bantaabo, a de kannyiri diibu teɛ ne Naaŋmennoŋ,

2 Pit 3:10

A Daana waabo bebiri na waa ŋa nannyige naŋ maŋ wa lɛ. Lɛ la ka a saluoni pãã na wa tɔle gaa ne gɔmɔ yaga, ka vũũ di a boma zaa ka a moore, ka a teŋɛ ane yelzaa ba naŋ e o poɔ koŋ la bebe.

2 Pit 3:12

yɛ naŋ kyɛllɛ kyɛ boɔrɔ ka a Naaŋmen bebiri wa wieouŋ? Bonso, a lɛ daare ba na kyɔŋ la vũũ eŋ a saluoni ka o di vũũ moore, kyɛ ka a boma zaa di vũũ a nyɛle.