2 Pit 2:4 - Naaŋmen Nɔpaalaa Gane

⁴ Ka Naaŋmen da ba bare a malekere na naŋ da e yelbieri weɛlɛ, kyɛ da lɔɔ ba eŋ dazugovũũ poɔ, a leŋ ba ne banzɔlɔ biŋ ligruŋ kpoŋ poɔ a na te ta a sɛrɛɛdiibu saŋ,

2 Pit 2:4 ပူးပေါင်းရင်းမြစ်များ

Matio Gane 25:41

Kyɛ O pãã na yeli ko la a O nugɔɔ deme meŋ, ‘Yɛ sɛre yi be N zie, yɛnee neŋkaa-enne. Yɛ gaa te kpɛ a vũũ na poɔ ba naŋ nare bare a Setaana ne o malekefaare ka a ba kpiire;

Matio Gane 8:29

Tɔntɔbaalɛ ka ba kyeere ne kɔkɔkpeɛne a soorɔ, “Naaŋmen Bie, boŋ ka fo taa na e ne te? Fo mɔɔ wa la a kyɛ ka fo dɔgre te, kyɛ ka a saŋ naŋ ba ta be?”

Marko Gane 5:7

kyɛ kyeere ne kɔkɔkpeɛŋaa, “N ne fo meŋ boŋ, Yeezu, a Naaŋmen Kpeɛ̃õ Zaa Daana Bie? N de la Naaŋmen sɔrɔ fo, ta dɔgre ma.”

Luka 10:18

Ka O yeli ko ba, “N nyɛ la Setaana ka o yi sazu a le teŋɛ a ŋa saa naŋ nyegre.

Luka 8:31

A sefaare da sɔre la a Yeezu ka O ta digi a ka a leɛ gaa a bogzuluŋ na naŋ ba taa baaraa poɔ.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Urom 11:21

Ka Naaŋmen da ba bare a teɛ meŋɛ ulli, kaapɔge O koŋ bare yɛ meŋ.

Urom 8:32

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

2 Pit 2:11

kyɛ malekere naŋ waa kpoŋ a taa faŋ ane kpeɛ̃õ, da ba to a nenfaare yosãã zoma a Daana niŋesogɔ.

2 Pit 2:5

ka O naŋ da dɔgre a dakoroŋ saŋ teŋɛ, aneazaa ka O da faa la Nowa ane noba mine bayopoi, a mennoŋ yelmanna, a saŋ na Naaŋmen naŋ da e ka kɔmpiiri wa ŋmɛ a nenfaare teŋɛ;

2 Pit 2:9

lɛ la ka a Daana baŋ lɛ O naŋ na maŋ faa a nemmenne yi ba yelwonni poɔ kyɛ eŋ a nenfaare dɔgroŋ poɔ te ta a sɛrɛɛdiibu daare;

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

Gyud 1:13

Ba waa ŋa mane kɔmmie naŋ dɔɔnɔ, ka ba vi waa ŋa koɔ̃ fofoore naŋ foorɔ. Ba waa ŋa ŋmarbie naŋ yɔ dara a ba taa zie a naŋ gɛrɛ. Ba eŋɛ la ka ba bare a lige naŋ e zuluŋ kpoŋ tegitegilɛ.

Gyud 1:6

A malekere na naŋ da ba are a zie Naaŋmen naŋ da ko ba, kyɛ da bare a ba meŋɛ kpeɛbozie, Naaŋmen leŋ ba la biŋ ligruŋ kpoŋ poɔ ne banzɔlɔ tegitegilɛ a kyɛllɛ ne a Bebi-kpoŋ sɛrɛɛdiibu daare.

Yel-iriwulaa Gane 20:10

Kyɛ ka ba da de a sebɛlbɛllɛ naŋ da bɛlle ba lɔɔ eŋ baa vũũ ane gyirimuri poɔ. A be la ka a wɛdoŋɔ ane a kaŋwaa Ŋmen-yelmanna da be, ka ba na dɔgre ba ŋmenaa ane tensogɔ tegitegilɛ.