2 Pit 2:2 - Naaŋmen Nɔpaalaa Gane

² Kyɛ anealɛzaa, noba yaga na tu la a ba yelfaare sobie, ka noba erɛ a yelmeŋɛ sori laara a ba zirii kannoo zuiŋ.

2 Pit 2:2 ပူးပေါင်းရင်းမြစ်များ

Matio Gane 22:16

Azuiŋ, ba da toŋ la ba potuuribo ane Hɛrɔde noba mine a Yeezu zie a yele, “Wulwullo, te baŋ ka fo waa la nemmeŋɛ, a wullo a Naaŋmen sori ne yelmeŋɛ, a ba zoro neɛ kanzaa bonso, fo ba ogro.

Matio Gane 24:24

Kaŋwaa mɛzaaya mine ane kaŋwaa Ŋmen-yelmanneba na wa la, a wa erɛ yelwulii kyɛ tonɔ toŋkpeɛne, ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Matio Gane 7:14

Kyɛ a nyɔvore dendɔre waa la fogloo, ka o tuubu waa tuo, ka noba fẽẽ tuuro o.

Marko Gane 12:14

Ka ba da wa soore O, “Wulwullo, te baŋ ka fo waa la nemmeŋɛ, a ba zoro neɛzaa, bonso, fo ba ogro; kyɛ kanna a noba Naaŋmen sori ne yelmeŋɛ. A tu la sori ka te yɔɔrɔ te zuyɔɔ korɔ a Naa Siiza bee a ba seŋ?

Marko Gane 13:22

Kaŋwaa mɛzaaya mine ane kaŋwaa Ŋmen-yelmanneba na wa la, a erɛ yelwulii kyɛ tonɔ toŋkpeɛne ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Toma 13:10

kyɛ yeli, “Fõõ sebɛlbɛllɛ bie, mennoŋ zaa dɔndɔmɔ, fo paale ne la bɛllɛ kyɛ e golgole soba. Fo koŋ bare a Daana sobie naŋ tori gɔŋbaroo be?

Toma 14:2

Kyɛ a Gyuumine banaŋ naŋ da ba sage de a Yeezu yɛlɛ da tɔ la a Nemboore-yobo eŋ, a sãã ba teɛroŋ ka ba zɔɔrɔ ne a yɔɔmine.

Toma 16:17

O naŋ da tuuro te ane a Pɔɔl, a da ŋmeɛrɛ kpɛlle yele, “A noba bama waa la a Kpeɛ̃õ Zaa Naaŋmen gbaŋgbaare naŋ wa ka ba moɔle a faabo yɛlɛ ko yɛ.”

Toma 18:26

O da piili yele la a yɛlɛ a ba zoro dabeɛ̃ a puoruudie poɔ; kyɛ Peresela ane Akuyɛla naŋ da wa woŋ o yelyelii, ba da taa o la yi ne ba yoŋ zie a te maaleŋ wuli o a Naaŋmen Sori yɛlɛ velaa.

Toma 19:9

Kyɛ ba mine naŋ da e zukpeɛ-yɛlɛ a da ba sage de a Yeezu yɛlɛ, kyɛ da yele yɛlɛ saana a Daana Sori yɛlɛ a laŋne deme niŋesogɔ zuiŋ, a Pɔɔl da ŋmaa la ba yɛlɛ bare, kyɛ bebiri zaa o da maŋ taa la a potuuribo kpɛ ne a Tirano kannoo die poɔ a te ŋmɛ nɔkpeɛne ne a Tirano kannoo die deme.

Toma 22:4

N da dɔgre la noba naŋ tu a Sori ŋa ka ba te tɔgle kũũ, a da maŋ leŋ dɔbɔ ane pɔgeba a taa te eŋ nempagdie poɔ,

Toma 24:14

Kyɛ N sagɛɛ la ko yɛ kyaare ne a Sori na ba naŋ boɔlɔ laŋne. N puoro la a te sããkommine Naaŋmen, a sage de a yɛlɛ na zaa a Naaŋmen nɔɛ naŋ biŋ bee a anaŋ a Ŋmen-yelmanneba naŋ sɛge.

Urom 2:24

Bonso, ba da sɛgɛɛ la, “Ba to la Naaŋmen zone a Nemboore-yobo poɔ yɛ zuiŋ.”

1 Tim 5:14

Azuiŋ, N na boɔrɔ la ka pɔg-kɔbɔ naŋ ba kore kuli serebɛ, a dɔge biiri a kyɛ kaara ba yie, ka a dɔndɔmɔ ta nyɛ sori to te zoma.

TITU 2:5

Ba baŋ bamenne taabo, a ta waa pɔgeba naŋ sãã, kyɛ e noba naŋ kaara ba yie zu velaa, a taa nimimaaroŋ, kyɛ sigre bamenne korɔ ba serebɛ, ka lɛ vɛŋ ka a Naaŋmen yelbiri ta wa taa yofaa.

TITU 2:8

ka a fo yelyelii waa soŋ ka neɛzaa ta nyɛ fo yelfaa zaa yeli; a lɛ la ka banaŋ naŋ zɔɔrɔ ne te na di vi, ba naŋ koŋ nyɛ yelfaa zaa a na yeli kyaare ne te zuiŋ.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

2 Pit 2:12

Kyɛ a noba bama waa ŋa donne naŋ ba taa teɛroŋ, a maŋ bonnɔ erɛ yɛlɛ, ka ba dɔge a na nyɔge ko. Ba maŋ toorɔ la zoma yɛlɛ ba naŋ ba baŋ a tɛgɛ, kyɛ ka ba naŋ wa sãã a bon-iri na, ba meŋ na sãã la,

2 Pit 2:15

Ba bare la a sobiri naŋ tori kyɛ bɔre tu a Bɔsɔ bidɔɔ Balaam sobiri. Ona la nɔŋ san-yɔɔ naŋ yi yelfaare toma tommo eŋɛ.

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

2 Pit 2:21

Ka ba naŋ da ba daŋ baŋ a mennoŋ sori togitogi zaa, a da na seɛ ko ba la a gaŋ ba naŋ wa baŋ a yelmeŋɛ sori kyɛ leɛ puori a bare a Naaŋmen nɔsoŋ ba naŋ da de ko ba.

2 Pit 2:7

Naaŋmen da faa la Lɔte naŋ da e nemmeŋɛ, a Lɔte poɔ naŋ da sãã ne a tookoŋwoŋyɛlɛ deme nemboŋyɛlɛ

Gyud 1:10

Kyɛ a noba bama eŋ maŋ sãã la bonzaa yuori ba naŋ ba baŋ o tɛgɛ, kyɛ ka a yɛlɛ ama maŋ sãã ba bare aŋa donne naŋ ba taa teɛrɛ, kyɛ maŋ baŋ yɛlɛ ne a zomɔ.

Gyud 1:15

ka O wa di a noba zaa sɛrɛɛ. O na ko la neɛzaa eroŋ naŋ ba tu Naaŋmen puoruu sori ane a yelfaare na zaa a yelbe-erebɛ naŋ da yele saanaa ne a Daana yuori.”

Gyud 1:4

Bonso, nenfaare mine sɔgle kpɛ la yɛ poɔ, a leɛre a te Naaŋmen garaaseɛ ka o waa nemboŋyɛlɛ, kyɛ ka ba zagre a te Neŋkpoŋ yeni yoŋ ane a te Daana Yeezu Kirista bare. Saŋ zaa ka ba da nare ba biŋ kyɛllɛ ne a saamo ŋa aŋa noba naŋ ba baŋ Naaŋmen.

Gyud 1:7

A lɛ ne o zu ka Sodom ane Gomora ane a teŋkponni naŋ da peɛle da tonɔ peɛ̃mo toma kyɛ boɔrɔ sɛŋgaabo yɛlɛ naŋ ba tu sori aŋa a malekere bama. Ba da nyɛ la dɔgroŋ ne vũũ naŋ ba taa kpinnuu ka a e mannoo ko a noba zaa.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.

Yel-iriwulaa Gane 13:14

Kyɛ a sori ba naŋ da ko o ka o are a dɛndɛŋ wɛdoŋɔ gbɛbogriŋ a erɛ a yelwulii da eɛɛ la ka o da bɛllɛ a noba naŋ be a teŋɛzu, a yele korɔ ba ka ba mɛ teebo ko a dɛndɛŋ wɛdoŋɔ ba naŋ da de zɔɔzɔɔ-soɔ pere ne kyɛ ka o naŋ voorɔ.

Yel-iriwulaa Gane 13:8

ka a noba zaa naŋ be a teŋɛzu na puoro o, neɛzaa yuori ba naŋ da ba sɛge eŋ a Pilee ba naŋ da ko nyɔvore gane poɔ a yi a tendaa piiluu saŋ.