2 Pit 2:14 - Naaŋmen Nɔpaalaa Gane

¹⁴ Ba eŋ la peɛ̃mo toma nimie, a ba bala yelbieri eebo. Ba maŋ bɛlle nyɔge la banaŋ yeldeebo naŋ ba e kpeɛŋaa. Ba milli ne la bombɔ-gaŋne. Ba waa la noba ba naŋ kaa-eŋ!

2 Pit 2:14 ပူးပေါင်းရင်းမြစ်များ

Matio Gane 12:34

Yɛnee dompane boorɔ ŋa! Yɛ naŋ waa nenfaare, wola ka yɛ na toɔ̃ yeli yelsonne? Bonso, bonna naŋ be a sukyiri poɔ la ka a noɔre maŋ yele.

Matio Gane 23:14

[Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Yɛ maŋ fa la pɔg-kɔbɔ yie wieouŋ lɛ, kyɛ maŋ puori kɔɔre yaga zaa, ka noba nyɛ a na teɛrɛ ka yɛ waa la nemmenne. A ŋaa zuiŋ yɛ dɔgroŋ na waa la kpoŋ.]

Matio Gane 25:41

Kyɛ O pãã na yeli ko la a O nugɔɔ deme meŋ, ‘Yɛ sɛre yi be N zie, yɛnee neŋkaa-enne. Yɛ gaa te kpɛ a vũũ na poɔ ba naŋ nare bare a Setaana ne o malekefaare ka a ba kpiire;

Matio Gane 5:28

Kyɛ maa yele korɔ yɛ la, ka neɛzaa wa kaa pɔge ne peɛ̃mo vɔlaa, o soba gaŋ ne o la o sukyiri poɔ.

Marko Gane 13:22

Kaŋwaa mɛzaaya mine ane kaŋwaa Ŋmen-yelmanneba na wa la, a erɛ yelwulii kyɛ tonɔ toŋkpeɛne ka ba bɛlle noba ka ba tuli, ka ba naŋ na toɔ̃, ba na e la ka a neŋkaa-irri meŋ gba tuli.

Gyɔɔn 5:44

Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen?

Urom 16:18

Bonso, a noba bama taaba ba tonɔ a te Daana Kirista toma, kyɛ bamenne vɔlaa yɛlɛ la ka ba tuuro, a maŋ de nɔnoɔ ane bɛllɛ sobie a bɛllɛ ne banaŋ naŋ ba kyele ba teɛroŋ poɔ.

1 Kor 11:19

Serɛzaa, a seŋɛɛ la ka wɛltaa be yɛ poɔ, bonso a lɛ yoŋ zie la ka a yelmenne deme na daa yi ka ba baŋ ba.

EFESU 2:3

Te zaa da poɔ la a poɔ, a be a te eŋgane vɔlfaare poɔ, a tuuro a te enne ane te yɛŋ yelboɔre, kyɛ da waa supuriyaaraa biiri a te nensaaloŋ poɔ, aŋa lɛ neɛzaa naŋ da waa.

EFESU 4:14

A ba la seŋ ka te naŋ waa bibiiri ka noba daara te viire ne ba wuluu sobie saseɛ zaa naŋ fuuro, ane ba nyaayɛlɛ a yi ba bɛlbɛl-sobie.

KOLO 2:18

Yɛ ta vɛŋ ka neɛzaa yeli ka yɛ ba seŋ ne a, kyɛ yele o naŋ gaŋ yɛ, a nyɛrɛ nyaabo kyɛ puoro malekere, a wullo o meŋɛ ka a ba tu sori ne nensaalba teɛroŋ,

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

2 Pit 2:3

A ba bombɔ-gaŋne poɔ, ba na neɛ yɛ la ne ba bɛllɛ yelbie. Naaŋmen di la ba sɛrɛɛ sanzaa, ka ba dɔgroŋ ane ba sããmo peɛle.

2 Pit 3:16

O yele la a yeli ŋa aŋa lɛ o naŋ yeli a o gama zaa poɔ. A yɛlɛ mine be la a o gama poɔ ka a tɛgɛ bammo waa tuo, ka a banaŋ naŋ ba baŋ ane banaŋ naŋ ba are kpeɛŋaa maŋ nyɔge leɛ ka a e bamenne weɛbo aŋa lɛ ba naŋ maŋ e ne a gansoŋ sɛgre mine.

1 Gyn 2:16

bonso, a boma na zaa naŋ be a teŋɛzu (a eŋgane yelboɔre, boma nimie naŋ nɔŋ ka a nyɛrɛ, bondaanoŋ pɔloo) kanzaa ba yi a Saa zie, kyɛ a yi la a teŋɛzu.

Gyud 1:11

Ba yuori la we! Bonso, ba tu la a Keein sori na, a bare bamenne ko Balaam tuluu tɔnɔ ba naŋ boɔrɔ zuiŋ. Ba wɛ la a Koora koŋwoŋwuluu poɔ.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.