2 Pit 1:8 - Naaŋmen Nɔpaalaa Gane

⁸ Bonso, ka a yɛlɛ ama wa erɛ yɛ poɔ a gɛrɛ niŋe, a na e la ka yɛ toɔnɔ tonɔ tonveɛle a te Daana Yeezu Kirista bammo yɛ naŋ taa eŋɛ.

2 Pit 1:8 ပူးပေါင်းရင်းမြစ်များ

Matio Gane 13:22

A bombie na ba naŋ da bore goore poɔ, la soba na naŋ woŋ a yelbiri, kyɛ ka a teŋɛzu yeltarre ane bombɔ nɔmmo maŋ fogle a yelbiri taa ka o koŋ wɔŋ bonzaa.

Matio Gane 20:3

O naŋ da wa leɛ yi gbelli awae saŋ, o da te nyɛ la ba mine ka ba are a daa poɔ weɛlɛ,

Matio Gane 20:6

Kyɛ aŋa zimaane gbelli anuu saŋ, o da yi te nyɛ la ba mine ka ba are; ka o soore ba, ‘Bonso ka yɛ are a kyɛ a zenɛ zaa weɛlɛ?’

Matio Gane 25:26

Ka a o daana leɛ yeli sɔge, ‘Fõõ gbaŋgba-faa, ane entuo soba! Fo yeli ka fo baŋ ka N maŋ kyɛ la boma zie na N naŋ ba bore, a kaale wuo boma, zie na N naŋ ba yaare?

Gyɔɔn 15:2

O maŋ kyɛ la ulee na zaa naŋ be N eŋɛ kyɛ ba wɔnɔ wɔmɔ bare. Ulee na zaa naŋ wɔnɔ wɔmɔ, O maŋ gbɛnne o la ka o na wɔŋ yaga.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 5:42

Kyɛ N baŋ ka yɛ ba taa Naaŋmen nɔmmo yɛ sukyie poore.

Urom 12:11

Yɛ vɛŋ ka yɛ enne kyerɛ ne a toma; yɛ taa nimizeɛ ne a seeloŋ poɔ yɛlɛ, a tonɔ a Daana toma.

1 Kor 15:58

Azuiŋ, n poyɛŋ noba, yɛ are kpeɛŋaa, a ta wa leɛrɛ puori. Yɛ tonɔ a Daana toma tegitegilɛ a gɛrɛ nimitɔɔre kyɛ baŋ ka a yɛ toma koŋ waa weɛlɛ a Daana eŋɛ.

Korinti 13:5

Yɛ gyɛle yɛmenne nyɛ ka yɛ be la a yeldeebo poɔ be? Yɛ tegre yɛmenne nyɛ. Yɛ ba baŋ ka a Kirista be la a yɛ poɔ be? Ka lɛ naane a wuli ka yɛ e kpaaɛ la!

Korinti 8:2

Bonso a saŋ na ba naŋ da be dɔgroŋ kpoŋ poɔ, a ba kyelloo naŋ e kpoŋ kyɛ ka ba da ba taa ka a seŋ, ba da naŋ yuo la ba nuuri a tere kyɔɔtaare yaga.

Korinti 8:7

Pampana ŋa, yɛ naŋ duoro zu yelzaa poɔ: yeldeebo poɔ, yɛlɛ yeluu poɔ, yelbammo poɔ ane a yɛ enne naŋ kyerɛ yaga zaa ane a nɔmmo yɛ naŋ taa ne te. Lɛnso ka te boɔrɔ ka yɛ meŋ duoro zu a nɔmmo toma ŋa poɔ.

Korinti 9:14

kyɛ ka ba taa yɛ vɔlaa a puoro korɔ yɛ, a Naaŋmen garaaseɛ O naŋ ko yɛ ka o waa kpoŋ zuiŋ.

Filipai Deme Gane 1:9

A n puoruu la ŋa, ka ka a yɛ nɔmmo la maaleŋ baara yaga yaga zaa kyɛ paale ne yelbammo ane yɛlɛ tɛgɛ bammo,

Filipai Deme Gane 2:5

Yɛ vɛŋ ka a teɛroŋ na naŋ da be a Kirista Yeezu zie ne o zu be yɛ zie,

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

KOLO 1:10

ka ka yɛ na taa yɛ nyɔvoɛ a seŋ lɛ a Daana naŋ boɔrɔ, ka a sereŋ pɛllɛ O poɔ, ka yɛ wɔnɔ wɔmɔ tonveɛle zaa poɔ kyɛ baara a Naaŋmen bammo poɔ.

KOLO 2:7

a tɛ nyaga kyɛ baa do O eŋɛ a are kpeɛŋaa a yeldeebo poɔ, aŋa lɛ ba naŋ da wuli yɛ, ka a yɛ bareka puoruu duoro zu.

KOLO 3:16

Yɛ vɛŋ ka a Kirista yelbiri be yɛ poɔ yaga zaa; ka yɛ kanna kyɛ yele yɛlɛ teɛrɛ taa ne yɛŋ zaa ane bareka puoruu yɛ sukyie poore, a yiele yiele, puubu yiele ane seeloŋ yiele korɔ Naaŋmen.

I Tesa 3:12

Ka a Daana e ka yɛ nɔmmo yɛ naŋ taa ne taa ane noba zaa duoro zu a gɛrɛ niŋe aŋa lɛ te naŋ nɔŋ yɛ.

I Tesa 4:1

A baaraa zaa, te yɔɔmine ane te yɔɔpuuli, te sɔrɔ yɛ la kyɛ yele korɔ yɛ a Daana Yeezu eŋɛ ka yɛ naŋ da zanne yi te zie lɛ, a naŋ seŋ ka yɛ taa yɛ nyɔvoɛ ka a pɛllɛ Naaŋmen poɔ (aŋa lɛ yɛ naŋ sereŋ erɛ), yɛ erɛ ka a gaŋ a lɛ.

II Tesa 1:3

Te yɔɔmine ane te yɔɔpuuli, aŋa a naŋ seŋ lɛ, a ferɛɛ la ka te maŋ puoro Naaŋmen bareka tegitegilɛ a yɛ zuiŋ, bonso, a yɛ yeldeebo baara duoro la yaga zaa, ka a nɔmmo yɛ naŋ taa ne taa meŋ yɛllɛ.

1 Tim 5:13

A yi a lɛ puoriŋ, ba maŋ zeŋ la weɛlɛ, a yɔ yoɔrɔ a noba yie poore. A deɛ ba e ka ba maŋ zeŋ la weɛlɛ yoŋ kyɛ ba meŋ maŋ zuuro la noba poe, a de ba nuuri eŋnɛ noba yɛlɛ poɔ kyɛ yele yɛlɛ a naŋ ba seŋ ka ba yeli.

TITU 3:14

Vɛŋ ka a noba zanne ka ba kpimare tonsonne tommo, a maŋ toɔ̃ soŋ a banaŋ a naŋ wono ka ka ba ta wa e noba naŋ ba taa tɔnɔ.

Filimɔn 1:6

N puoro la ka ka a fo yeldeebo fo naŋ wullo kyɛnɛ velaa ka fooŋ wa teɛrɛ a tonsonne zaa te naŋ na toɔ̃ toŋ ko a Kirista.

Hiburu 6:12

ka ka entuo ta wa kpɛ yɛ. Kyɛ yɛ tɔglɔ banaŋ naŋ tu ba yeldeebo ane kannyiri diibu a di a gbandiruŋ na ba naŋ eŋ noɔre ko ba.

2 Pit 1:2

Ka Naaŋmen garaaseɛ ane maaroŋ be yɛ zie yaga lɛ a yi a bammo yɛ naŋ taa a Naaŋmen ane a te Daana Yeezu Kirista eŋɛ.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 2:20

Bonso, banaŋ naŋ zo yi a teŋɛzu yelfaare poɔ, ba naŋ wa baŋ a te Daana ane a te Faara Yeezu Kirista zuiŋ, kyɛ wa leɛ gaa te kpɛ a poɔ, ka a toɔ̃ ba, a na waa la faa yaga ko ba gaŋ a dɛndɛŋ na.

2 Pit 3:18

Kyɛ yɛ baara a te Daana ane a te Faara Yeezu Kirista garaaseɛ ane O bammo poɔ. Ona la so puubu pampana a kyɛ gɛrɛ tegitegilɛ. Ameena.