2 Pit 1:6 - Naaŋmen Nɔpaalaa Gane

⁶ a de meŋɛ-bantaabo teɛ ne a yelbammo, a de kannyiri teɛ ne meŋɛ-bantaabo, a de kannyiri diibu teɛ ne Naaŋmennoŋ,

2 Pit 1:6 ပူးပေါင်းရင်းမြစ်များ

Luka 21:19

A yɛ kannyiri diibu zuiŋ, yɛ na nyɛ la nyɔvore.”

Luka 8:15

Kyɛ a bombie anaŋ naŋ le a tɛnnoɔ poɔ la a banaŋ naŋ maŋ woŋ a Naaŋmen yelbiri, a de eŋ ba sukyie poɔ, a wɔŋ wɔmɔ ba kannyiri zuiŋ.”

Toma 24:25

O naŋ da yele yelmennoŋ, meŋɛ bantaabo ane a sɛrɛɛdiibu naŋ waana yɛlɛ, dabeɛ̃ da kpɛ la a Fɛlise ka o yeli, “A naŋ ta ŋaa, gɛrɛ, kyɛ ka maa wa nyɛ vuo, N na leɛ boɔle fo la.”

Urom 15:4

Bonso, a yɛlɛ na zaa ba naŋ da sɛge a dakoroŋ saŋ, ba da sɛge a la ka a wuli te, ka ka a te kannyiri diibu ane yelteɛbo naŋ yi a gansoŋ poɔ na e ka te taa teɛretɔroo.

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

Urom 8:25

Kyɛ ka tenee taa teɛretɔroo bon te naŋ ba nyɛ eŋɛ, te na kyɛllɛ la ne kannyiri.

1 Kor 9:25

A zozoribo maŋ baŋ la bamenne taabo yelzaa poɔ. Ba maŋ erɛ la a lɛ a na de bon naŋ maŋ wɛ, kyɛ tenee deni ba weɛrɛ.

Korinti 6:4

kyɛ te naŋ waa Naaŋmen tontonema, te da ko la temenne garebanyɛ yelzaa poɔ: te kannyiri yaga diibu poɔ, te dɔgɛɛ poɔ, te yelwonni poɔ, te yelwolɔ poɔ,

Galesiya 5:23

sumaaroŋ ane meŋɛ bantaabo. Bege zaa kyebe naŋ ba are ko a yɛlɛ ama taaba.

KOLO 1:11

Ka Naaŋmen e ka yɛ e kpeɛne kyɛ taa faŋ zaa naŋ yi O puubu kpeɛ̃õ poɔ, kyɛ nare yɛ ka yɛ dire kannyiri yelzaa poɔ ne popeɛloŋ,

I Tesa 1:3

a maŋ teɛrɛ a yɛ yeldeebo toma, a yɛ nɔmmo toma ane a kannyiri yɛ naŋ taa ne a teɛretɔroo a te Daana Yeezu Kirista eŋɛ a te Saa Naaŋmen niŋesogɔ.

II Tesa 1:4

Azuiŋ temenne ŋmeɛrɛ la nyaa yɛ zuiŋ a Naaŋmen puoruu laŋne yie poore ne a yɛ kpimaroo ane yɛ yeldeebo a saŋ yɛ naŋ da dire dɔgɛɛ ane a woore zaa yɛ naŋ nyɛrɛ.

II Tesa 3:5

Ka a Daana e ka yɛ sukyie taa Naaŋmen nɔmmo ane a Kirista kannyiri diibu.

1 Tim 2:10

Kyɛ ba tonɔ tonsonne aŋa lɛ a naŋ seŋ ne pɔgeba naŋ eŋnɛ Naaŋmen.

1 Tim 2:2

Yɛ puoro korɔ namine ane neɛzaa naŋ e wederɛ, ka te na taa te nyɔvoɛ zomm ane emmaaroŋ, a taa o Naaŋmennoŋ ane gyeremɛ poɔ.

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

1 Tim 6:11

Kyɛ fõõ Naaŋmen neɛ, zo bale a yɛlɛ ama zaa bare; moɔ nimiri boɔrɔ mennoŋ, Naaŋmennoŋ, yeldeebo, nɔmmo, kannyiri diibu ane sumaaroŋ.

1 Tim 6:3

Neɛzaa naŋ kanna yelyuo, a ba sage a te Daana Yeezu Kirista yelbi-menne ane kannoo na naŋ kyaare ne a Naaŋmennoŋ yɛlɛ,

1 Tim 6:6

Serɛzaa, Naaŋmen puoruu taa la tɔnɔ yaga kyɛ maŋ vɛŋ ka neɛ niŋe paale ne bon o naŋ taa;

2 Tim 3:5

Ba maŋ erɛ ŋa ba naŋ puoro Naaŋmen kyɛ zagra a O kpeɛ̃õ. Ta laŋna ne ba!

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

TITU 1:8

kyɛ a fere ka o waa neɛ naŋ derɛ noba saanoŋ, a nɔŋ tonveɛle, a baŋ o meŋɛ taabo, a e neɛ naŋ tori, a e neɛ naŋ kpimare Naaŋmen puoruu kyɛ baŋ o meŋɛ nyɔgebo.

TITU 2:2

Yeli ko a dɔɔnyaŋne ka ba nyɔgrɔ bamenne, a taa nimizeɛ, a erɛ yɛlɛ ne yɛŋ, a taa yeldeebo naŋ e meŋɛ, a taa nɔmmo kyɛ e noba naŋ taa kannyiri.

Hiburu 10:36

Bonso, a seŋ ka yɛ taa kannyiri, ka ka yɛnee wa toŋ a Naaŋmen poboɔbo toma, ka yɛ toɔ̃ nyɛ a bon O naŋ da eŋ noɔre ko yɛ.

Hiburu 12:1

Azuiŋ, a dansediribe yaga naŋ seŋ ŋaa ŋmaagyili te, yɛ e ka te togi tuobu zaa ane a yelbieri na naŋ maŋ gbiŋ te taa bare. Yɛ e ka te zo a zogantaa zoobu na poɔ te naŋ be ne kannyiri,

Hiburu 6:12

ka ka entuo ta wa kpɛ yɛ. Kyɛ yɛ tɔglɔ banaŋ naŋ tu ba yeldeebo ane kannyiri diibu a di a gbandiruŋ na ba naŋ eŋ noɔre ko ba.

Hiburu 6:15

A Aboraham naŋ pãã da di kannyiri a kyɛlle, o da nyɛ la a noɔre paaloo.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 3:11

A boma ama zaa naŋ pãã na di vũũ moore ŋaa, nemboŋ boorɔ la ka a seŋ ka yɛ waa a yɛ sonnoŋ ane mennoŋ nyɔvore taabo poɔ,

Yel-iriwulaa Gane 1:9

Maa Gyɔɔn, a yɛ yɔɔ naŋ laŋ ne yɛ a Yeezu poɔ ka te zaa laŋ dire dɔgɛɛ, a laŋ naaloŋ, a laŋ dire kannyiri, da be la mandoba kaŋ naŋ be a mane sogɔŋ ka ba da boɔlɔ Patmɔse, a Naaŋmen yelbiri ane a Yeezu danseɛ zuiŋ.

Yel-iriwulaa Gane 13:10

Ka ba naŋ na nyɔge fo ka fo e gbaŋgbaa, gbaŋgbaaloŋ poɔ la ka fo na kpɛ; ka fõõ ko neɛ ne zɔɔzɔɔ-soɔ, zɔɔzɔɔ-soɔ la ka ba na ko ne fo. A nensonne kannyiri diibu ane yeldeebo boɔlɔ la a ŋa.

Yel-iriwulaa Gane 14:12

A nensonne, a banaŋ naŋ tuuro a Naaŋmen nɔɛ kyɛ kpimare a ba yeldeebo a Yeezu eŋɛ kannyiri diibu yelteɛbo la ŋa.

Yel-iriwulaa Gane 2:2

“N baŋ la a fo tontonne, a wale fo naŋ kyeenɛ ane fo kannyiri diibu. N baŋ ka fo kontoɔ̃ di kannyiri ne yelfa-erebɛ. A banaŋ naŋ boɔlɔ bamenne apostoliimine kyɛ ba waa lɛ, fo e ba la nyɛ ka ba waa zirŋmaareba.