2 Pit 1:5 - Naaŋmen Nɔpaalaa Gane

⁵ A yeli ŋa zuiŋ, yɛ mɔ yɛ moɔbo zaa a de yelveɛle eebo teɛ ne a yɛ yeldeebo, a de a yɛ yelbammo teɛ ne a yɛ yelveɛle,

2 Pit 1:5 ပူးပေါင်းရင်းမြစ်များ

Luka 16:26

Kyɛ a lɛ meŋ yoŋ naane, te ne fo sogɔŋ, ba eŋ la bogzuluŋ kaŋ ka neɛzaa koŋ baŋ yi te zie a gaŋ wa yɛ zie, bee a yi yɛ zie a gaŋ wa te zie.’

Luka 24:21

Kyɛ te da teɛrɛ la ka Ona la na faa a Izerayɛl biiri. A beri ata la ŋaa a yɛlɛ ama naŋ e.

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

1 Kor 14:20

N yɔɔmine ane n yɔɔpuuli, yɛ ta taa bibil-yɛŋ yɛ teɛrɛ poɔ, kyɛ yɛ waa bilɛɛre faaloŋ eebo poɔ, kyɛ waa nembɛrɛ yɛ teɛrɛ poɔ.

EFESU 5:17

A lɛ zuiŋ, yɛ ta waa dambolo, kyɛ yɛ baŋ bon a Daana poboɔbo naŋ waa.

Filipai Deme Gane 1:9

A n puoruu la ŋa, ka ka a yɛ nɔmmo la maaleŋ baara yaga yaga zaa kyɛ paale ne yelbammo ane yɛlɛ tɛgɛ bammo,

Filipai Deme Gane 2:12

Azuiŋ n poyɛŋ noba, aŋa lɛ yɛ naŋ maŋ sagra n noɔre tegitegilɛ, ka a ba e ka a saŋ N naŋ maŋ be yɛ zie yoŋ la, kyɛ a gaŋ a zaa, saŋ na N naŋ ba maŋ wa be yɛ zie, yɛ tonɔ a yɛ faabo toma ane Naaŋmen emmo dabeɛ̃ ane miimu;

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

KOLO 1:9

A ŋaa zuiŋ, a yi a lɛ daare na te naŋ da woŋ a yɛ yɛlɛ, te daŋ ba nage a yɛ puori teroo, kyɛ sɔrɔ ka yɛ paale ne a Naaŋmen poboɔbo ane seeloŋ yɛŋ ane yɛlɛ bammo tɛgɛ zaa,

KOLO 2:3

A Kirista poɔŋ la ka yɛŋ ane yelbammo naboma zaa sɔgle.

Hiburu 11:6

Ka neɛŋ ba taa yeldeebo o daŋ koŋ baŋ pɛle Naaŋmen poɔ, bonso, neɛzaa naŋ waana O zie, a ferɛɛ la ka o soba sage de ka Naaŋmen bebe la, a maŋ yɔɔ banaŋ naŋ boɔrɔ O yɛlɛ.

Hiburu 12:15

Yɛ kaara velaa ka neɛzaa ta wa fãã a Naaŋmen garaaseɛ nyaabo, ka a lɛ vɛŋ ka yɛ kanzaa wa iri buli aŋa teɛ nyagre naŋ waa tuo a wa ne dɔɔne naŋ na dɛge yɛ noba yaga.

Hiburu 6:11

Kyɛ te boɔrɔ la ka yɛ yeni yeni zaa eŋ faŋ a lɛ ne o zu, ka yɛ na toɔ̃ taa bambaare teɛretɔroo te ta a baaraa,

1 Pit 3:7

Serebɛ, a lɛ ne o zu meŋ, yɛ kpeɛrɛ ne yɛ pɔgeba, a eŋnɛ ba, yɛ naŋ baŋ ka ba waa la bambaalba zuiŋ, bonso, ba meŋ waa la a Naaŋmen nyɔvore naŋ waa kyɔɔtaa gbandiribe. Lɛ la ka yelzaa koŋ pigi a yɛ puoruu.

2 Pit 1:10

Azuiŋ, n yɔɔmine ane n yɔɔpuuli, yɛ eŋ faŋ yaga zaa ka yɛ wuli a yɛ boɔlaa ane ba naŋ kaa-iri yɛ. Bonso, ka yɛnee wa erɛ a ŋaa, yɛ daŋ koŋ baŋ ŋmɛ gbɛre le.

2 Pit 1:11

A ŋaa poɔ la ka yɛ na nyɛ a sori kpɛ a te Daana ane te Faara Yeezu Kirista naaloŋ naŋ ba taa baaraa poɔ.

2 Pit 3:14

Azuiŋ, N poyɛŋ noba, yɛ naŋ kyɛllɛ a yɛlɛ ama, yɛ mɔ ka O wa nyɛ yɛ ka yɛ taa emmaaroŋ, kyɛ ta taa dɛgre bee saanaa zaa.

2 Pit 3:18

Kyɛ yɛ baara a te Daana ane a te Faara Yeezu Kirista garaaseɛ ane O bammo poɔ. Ona la so puubu pampana a kyɛ gɛrɛ tegitegilɛ. Ameena.