2 Pit 1:3 - Naaŋmen Nɔpaalaa Gane

³ A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

2 Pit 1:3 ပူးပေါင်းရင်းမြစ်များ

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Urom 8:32

Soba na naŋ da ba zagre ka O de O meŋɛ Bidɔɔ tere te zaa zuiŋ, O koŋ ko te bonzaa a laŋ ne a O Bidɔɔ be?

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

1 Kor 1:9

Naaŋmen e la yelmeŋɛ soba. Ona la boɔle yɛ kpɛ ne a O Bie te Daana Yeezu Kirista laŋne poɔ.

Korinti 12:9

kyɛ ka a Daana da yeli ko ma, “A N garaaseɛ seŋɛɛ la ko fo, bonso, bambaaloŋ poɔ la ka N kpeɛ̃õ maŋ sãã.” Azuiŋ, N na maaleŋ duoro la n meŋɛ yaga zaa ane n bambaaloŋ ka ka a Kirista kpeɛ̃õ na be n zie.

EFESU 4:1

Maa naŋ waa nempɔgraa a Daana eŋɛ, sɔrɔ yɛ la ka yɛ taa a yɛ nyɔvoɛ a seŋ ne a boɔlɔ na eŋɛ ba naŋ da boɔle yɛ.

EFESU 4:4

Eŋgan-yeni ane Vooroŋ Soŋ yeni la bebe, aŋa lɛ ba naŋ da boɔle yɛ eŋ teɛretɔroo yeni boɔlaa poɔ,

Filipai Deme Gane 3:8

A gaŋ a lɛ, N de la bonzaa ka a e zaglaa lɛ, bonso, a Kirista Yeezu N naŋ baŋ ka O waa n Daana seɛ la yaga zaa a gaŋ a anaŋ zaa N naŋ da taa. A Kirista zuiŋ N kɔŋ la bonzaa, a nyɛ ka a ba taa tɔnɔ ka ka N na toɔ̃ de a Kirista yɛlɛ,

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

KOLO 1:16

Bonso, O zie la ka Naaŋmen tu iri boma zaa, boma naŋ be sazu ane a tendaa zu, boma te naŋ nyɛrɛ ane boma te naŋ ba nyɛrɛ, ka nakogri la bee ka naaloŋ kpeɛ̃õ la, bee ka zukaareba bee ka kpeɛ̃õ deme la; Naaŋmen tu la O zie kyɛ iri a boma zaa a O zuiŋ.

I Tesa 2:12

Te da kpaala yɛ la kyɛ yele yɛlɛ teɛrɛ yɛ, a sɔrɔ ka yɛ taa a yɛ nyɔvoɛ ka a seŋ ne a Naaŋmen naŋ boɔrɔ lɛ. Ona la boɔle yɛ eŋ a O meŋɛ naaloŋ ane a O puubu poɔ.

I Tesa 4:7

Bonso, Naaŋmen ba boɔle te eŋ yeldɛgɛ poɔ, kyɛ sonnoŋ poɔ la ka O boɔle te eŋ.

II Tesa 2:14

A yeli ŋa zuiŋ la ka Naaŋmen tu a yelnoore te naŋ moɔlɔ zie a boɔle yɛ ka ka yɛ na toɔ̃ nyɛ a te Daana Yeezu Kirista puubu.

1 Tim 4:8

aneazaa ka tɔnɔ belaa be la yelzaa neɛ naŋ maŋ e a dɔ̃ɔ̃ o kɔbɔ, kyɛ Naaŋmennoŋ taa la tɔnɔ yelzaa poɔ, a terɛ nyɔvore pampana ane a nendaare kaŋ nyɔvore naŋ na wa.

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

1 Pit 1:15

Kyɛ aŋa lɛ a soba na naŋ boɔle yɛ naŋ waa soŋ, yɛ meŋ waa soŋ yɛ yel-erre zaa poɔ.

1 Pit 1:5

A Naaŋmen kpeɛ̃õ zuiŋ, yeldeebo gu yɛ la taa ka yɛ na nyɛ faabo ba naŋ nare biŋ ka o na wa sãã a baaraa saŋ.

1 Pit 2:21

A ŋaa zuiŋ la ka ba boɔle yɛ, bonso, a Kirista meŋ da di la dɔgɛɛ a yɛ zuiŋ, a bare yelwulaa ko yɛ, ka ka yɛ na tuuro a O gbɛbogri.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 3:9

Yɛ ta leɛ yɔɔ neɛ naŋ e yɛ faa ne faaloŋ bee a leɛ to neɛ naŋ to yɛ, kyɛ yɛ maŋ leɛ yɔɔ neɛ naŋ sãã yɛ ne maaloo. A ŋaa eŋɛ la ka Naaŋmen da boɔle yɛ ka ka yɛ na di O maaloo gbandiruŋ.

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

2 Pit 1:10

Azuiŋ, n yɔɔmine ane n yɔɔpuuli, yɛ eŋ faŋ yaga zaa ka yɛ wuli a yɛ boɔlaa ane ba naŋ kaa-iri yɛ. Bonso, ka yɛnee wa erɛ a ŋaa, yɛ daŋ koŋ baŋ ŋmɛ gbɛre le.

2 Pit 1:2

Ka Naaŋmen garaaseɛ ane maaroŋ be yɛ zie yaga lɛ a yi a bammo yɛ naŋ taa a Naaŋmen ane a te Daana Yeezu Kirista eŋɛ.

2 Pit 1:5

A yeli ŋa zuiŋ, yɛ mɔ yɛ moɔbo zaa a de yelveɛle eebo teɛ ne a yɛ yeldeebo, a de a yɛ yelbammo teɛ ne a yɛ yelveɛle,

2 Pit 1:6

a de meŋɛ-bantaabo teɛ ne a yelbammo, a de kannyiri teɛ ne meŋɛ-bantaabo, a de kannyiri diibu teɛ ne Naaŋmennoŋ,

2 Pit 1:8

Bonso, ka a yɛlɛ ama wa erɛ yɛ poɔ a gɛrɛ niŋe, a na e la ka yɛ toɔnɔ tonɔ tonveɛle a te Daana Yeezu Kirista bammo yɛ naŋ taa eŋɛ.

2 Pit 2:20

Bonso, banaŋ naŋ zo yi a teŋɛzu yelfaare poɔ, ba naŋ wa baŋ a te Daana ane a te Faara Yeezu Kirista zuiŋ, kyɛ wa leɛ gaa te kpɛ a poɔ, ka a toɔ̃ ba, a na waa la faa yaga ko ba gaŋ a dɛndɛŋ na.

2 Pit 3:18

Kyɛ yɛ baara a te Daana ane a te Faara Yeezu Kirista garaaseɛ ane O bammo poɔ. Ona la so puubu pampana a kyɛ gɛrɛ tegitegilɛ. Ameena.