2 Pit 1:1 - Naaŋmen Nɔpaalaa Gane

¹ Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie:

2 Pit 1:1 ပူးပေါင်းရင်းမြစ်များ

Matio Gane 10:2

A apostoliimine pie ne bayi na yoe la ama: a dɛndɛŋ soba la Saamon, ka o yuori kaŋ di Piita ane o yɔɔ Anduru, Gyimisi ane o yɔɔ Gyɔɔn, a Zɛbɛdii bidɔbɔ;

Matio Gane 4:18

A Yeezu naŋ da kyɛnɛ a Galili mane noɔreŋ, O da nyɛ la yɔɔmine bayi, Saamon, ka o yuori kaŋ meŋ da di Piita ane o yɔɔ Anduru, ka ba lɔɔrɔ ba zonkyogri a mane poɔ, bonso, ba da waa la zonnyɔgrebɔ.

Luka 1:47

Kyɛ ka N seɛ taa kyelloo a n Faara Naaŋmen zie,

Luka 11:49

A lɛnso ka Naaŋmen yeli O yɛŋ poɔ, ‘N na toŋ la Ŋmen-yelmanneba ane apostoliimine ba zie, ka ba na ko ba mine kyɛ dɔgre ba mine.’

Gyɔɔn 1:42

A Anduru da taa la a Saamon wa ne a Yeezu zie, ka a Yeezu kaa o kyɛ yeli, “Fõõ la Saamon, a Gyɔɔn bidɔɔ. Ba na boɔle fo la Sefase” (a yuori tɛgɛ la Piita).

Gyɔɔn 12:26

Soba na zaa naŋ tonɔ korɔ ma, a ferɛɛ la ka o tuuro ma. Zie N naŋ be la ka N tontonɔ meŋ na be. Soba na zaa naŋ tonɔ korɔ ma, a N Saa na eŋ la o soba.”

Gyɔɔn 20:21

A Yeezu da laboreŋ yeli ko ba la, “Ka maaroŋ be yɛ zie. Aŋa lɛ N Saa naŋ da toŋ ma, lɛ la ka N meŋ tonɔ yɛ.”

Toma 15:14

Simeon da manne la lɛnɛɛ Naaŋmen naŋ da daŋ kaa a Nemboore-yobo ne nimimaaroŋ, a kaa-iri noba ba poɔ, a O yuori eŋɛ.

Urom 1:1

Maa Pɔɔl naŋ waa Yeezu Kirista tontonɔ, ba naŋ da boɔle ka N e apostolii, ka ba kaa-iri ka N moɔlɔ a Ŋmen-yelnoore.

Urom 1:12

bee ka te na toɔ̃ teɛ taa yeldeebo.

Urom 1:17

Bonso a Ŋmen-yelnoore poɔŋ la ka Naaŋmen maŋ iri O mennoŋ wuli a yi yeldeebo piiluu te ta yeldeebo baaraa; aŋa ba naŋ da sɛge a lɛ, “Soba na zaa naŋ e nemmeŋɛ, na taa la o nyɔvore ne yeldeebo.”

1 Kor 1:30

A Naaŋmen zie la ka a yɛ nyɔvore yi a Kirista Yeezu eŋɛ. Ona la da e a yɛŋ naŋ yi Naaŋmen zie ko te, ane mennoŋ ane pɛgeyiibu ane faabo,

1 Kor 15:9

Bonso, maa la a apostoliimine zaa poɔ bile soba, ka a da ba seŋ ka ba boɔlɔ ma apostolii, N naŋ da dɔgre a puoruu laŋne zuiŋ.

1 Kor 9:1

N ba so n meŋɛ be? N ba waa apostolii be? N ba nyɛ a te Daana Yeezu be? Yɛnee naane a toma N naŋ toŋ a Daana eŋɛ be?

Korinti 4:13

Kyɛ aŋa lɛ te naŋ taa a yeldeebo vooroŋ na ne o zu naŋ kyaare ne a gansoŋ yɛlɛ, “N da sage deɛ la, lɛnso ka N da yeli”; te meŋ sage deɛ la, lɛnso ka te meŋ da yeli,

Korinti 5:21

A te zuiŋ, Naaŋmen da eɛɛ la ka a Kirista naŋ da ba taa yelbieri, tuo a te yelbieri ka ka te na tu O zie a leɛ taa Naaŋmen mennoŋ.

Galesiya 2:8

(bonso, a soba na naŋ da tu a Piita zie toŋ toma a e ka o leɛ apostolii ko a banaŋ ba naŋ da iri ba dɛgre, ne O zu meŋ la tu n zie toŋ toma kyɛ toŋ ma a Nemboore-yobo zie),

EFESU 3:5

Ba da ba de a yelsɔgle ama wuli a dakoroŋ noba aŋa lɛ a Vooroŋ Soŋ naŋ de a wuli a O apostol-sonne ane a Ŋmen-yelmanneba pampana ŋa.

EFESU 4:11

A kyɔɔtaare O naŋ da tere da la ka ba mine na waa la apostoliimine, ka ba mine waa Ŋmen-yelmanneba, ka ba mine waa a yelbiri ŋmɛyaareba, ka ba mine waa noba naŋ kaara a yelderebɛ zu ane wulwulibo,

EFESU 4:5

ka Daana yeni, yeldeebo yeni, suobu yeni,

Filipai Deme Gane 1:1

Maa Pɔɔl ane Timoti naŋ e a Kirista Yeezu tontonema la sɛgrɛ a lɛtɛ korɔ a nensonne zaa naŋ be a Kirista Yeezu eŋɛ a de ne a besɔp mine ane a diikin mine naŋ be a Filipae teŋɛ poɔ:

Filipai Deme Gane 1:29

Bonso, O ko yɛ la sori ne O poɔ zaa, ka ka yɛ na ta sage de a Kirista yɛlɛ yoŋ, kyɛ yɛ na dire la dɔgɛɛ O zuiŋ meŋ;

Filipai Deme Gane 3:9

a be O eŋɛŋ a ta taa n meŋɛ mennoŋ naŋ yi a bege poɔ, kyɛ ka N taa mennoŋ naŋ yi a yeldeebo N naŋ taa a Kirista eŋɛ. A Naaŋmen mennoŋ naŋ yi yeldeebo eŋɛ.

2 Tim 1:5

N leɛ-teɛre la a fo yeldeebo naŋ e meŋɛ yɛlɛ. A yeldeebo ŋa la ka fo makoma Lowesi ane fo ma Yunisi da daŋ taa, kyɛ pampana ŋa, N baŋ la velaa ka fo meŋ taa o la.

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

TITU 1:4

N sɛgrɛ la a lɛtɛ ŋa korɔ Tiitu naŋ e a n bi-meŋɛ a yeldeebo te naŋ laŋ poɔ: Ka a Saa Naaŋmen ane a te Faara Kirista Yeezu garaaseɛ ane maaroŋ be fo zie.

TITU 2:13

kyɛ ka te naŋ kyɛllɛ a maaloo bebiri te naŋ taa teɛretɔroo kyaare ne ane a te Naaŋmen kpoŋ ane a te Faara Yeezu Kirista puubu naŋ na wa sãã.

Gyimisi 1:1

Maa Gyimisi naŋ waa Naaŋmen ane te Daana Yeezu Kirista tontonɔ la sɛgrɛ a lɛtɛ ŋa korɔ a Izerayɛl bale pie ne bayi naŋ yaare be a tendaa zaa poɔ: Yɛ yaane.

1 Pit 1:1

Maa Piita naŋ waa a Yeezu Kirista apostolii la sɛgrɛ a lɛtɛ ŋa korɔ a Naaŋmen Neŋkaa-irri naŋ yaare be Pɔntuse paaloŋ, Galesiya paaloŋ, Kapadosiya paaloŋ, Ezeya paaloŋ ane Bitiniya paaloŋ a waa saama.

1 Pit 1:7

A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

1 Pit 2:7

Yɛ banaŋ naŋ pãã sage de O yɛlɛ, O waa la emmo bon ko yɛ; kyɛ yɛ banaŋ naŋ ba de O yɛlɛ: “A kuuri na a mɛmeɛrebɛ naŋ da zagre bare, la leɛ a yiri pare kusi-yuori,”

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

2 Pit 1:4

A lɛ zuiŋ, O tu la a boma ama zie a eŋ noɔre naŋ taa yuori kyɛ e kpoŋ yaga ko te, ka ka yɛ tu a zie a zo yi a faaloŋ na naŋ be a teŋɛzu a vɔlfaare zuiŋ, a pãã toɔ̃ poɔ a Naaŋmen waaloŋ poɔ.

Gyud 1:1

Maa Gyud naŋ e a Yeezu Kirista tontonɔ kyɛ waa Gyimisi yɔɔ la sɛgrɛ a lɛtɛ korɔ a banaŋ a Saa Naaŋmen naŋ boɔle ka ba e O poyɛŋ noba, ka O gu ba taa velaa ko a Yeezu Kirista: