1 Tim 6:4 - Naaŋmen Nɔpaalaa Gane

⁴ waa la pɔloo soba, a ba baŋ yelzaa, a nɔŋ ka o waana ne buriburi kyɛ maŋ ŋmeɛrɛ nɔkpeɛne ne yɛlɛ. A yɛlɛ ama la waana ne nyuuri, wɛltaa, yosãã, teɛroŋ faare naŋ kyaare ne fo tɔ,

1 Tim 6:4 ပူးပေါင်းရင်းမြစ်များ

Toma 15:2

A yeli ŋa da wa ne la tage taa, ka nɔkpeɛne da kpɛ a Pɔɔl ane Banabase ane a noba na sogɔŋ. Lɛ la ka ba da iri Pɔɔl ane Banabase ane a noba na mine ka ba gaa Gyɛruzɛlɛm a te nyɛ a apostoliimine ane a nembɛrɛ ka ba gyɛle a yeli ŋa.

Toma 18:15

kyɛ anaŋ waa nɔkpeɛne a kyaare ne yelbie ane yoe ane yɛmenne begɛ yɛlɛ, yɛ taa yɛ yɛlɛ. Maa eŋ ba boɔrɔ ka N di a yɛlɛ ama sɛrɛɛ.”

Toma 8:9

Dɔɔ kaŋ yuori naŋ da di Saamon da daŋ erɛ la yelbeere a teŋkpoŋ poɔ, ka a Samareya teŋɛ noba nɔɛ da maa, kyɛ ka o da yele ka o waa la gandaa.

Urom 12:16

Yɛ taa noɔre yeni ne taa, a ta erɛ pɔloo, kyɛ laŋna ne banaŋ naŋ ba e yuori noba, a ta wullo ka yɛ baŋ la yɛŋ zuo lɛ yɛ naŋ baŋ.

Urom 13:13

Yɛ vɛŋ ka te taa gyeremɛ aŋa noba naŋ be veɛloŋ poɔ, kyɛ bare yeldɛgɛ ane daanyukuoli, a bare vɔlfaare ane nenfa-yɛlɛ, a bare zɔɔre ane nyuuri.

Urom 14:1

Yɛ tuori de banaŋ naŋ ba taa faŋ ba yeldeebo poɔ, kyɛ ka a ta waa ka yɛ boɔrɔ la ka yɛ ŋmɛ nɔkpeɛne ne ba kyaare ne lɛ ba naŋ teɛrɛ.

Urom 2:8

kyɛ banaŋ naŋ boɔrɔ bamenne yɛlɛ, a ba sagra a yelmeŋɛ kyɛ erɛ potuyɛlɛ na nyɛ la supuriyaaraa ane sutoloŋ.

1 Kor 11:16

Kyɛ ka neɛzaa wa boɔrɔ ka o ŋmɛ nɔkpeɛne; tenee bee a Naaŋmen puoruu laŋne ba la taa yeltuuraa zaa.

1 Kor 11:18

A yeli dɛndɛŋ soba la ŋa, ba yeli ko ma la ka yɛ naŋ maŋ wa lantaa aŋa puoruu deme, ka wɛltaa maŋ be la yɛ poɔ; kyɛ N deɛ la ka yelmeŋɛ belaa be la a poɔ.

1 Kor 3:18

Yɛ ta bɛllɛ yɛmenne. Ka yɛnee wa teɛrɛ ka yɛ taa la yɛŋ a teŋɛzu kyɛ, a seŋ ka yɛ leɛ dambolo, lɛ la ka yɛ na toɔ̃ leɛ yɛmbaŋnema.

1 Kor 3:3

bonso, yɛ naŋ be la a eŋgannoŋ poɔ. Nyuuri ane zɔɔtaa naŋ naŋ be yɛ poɔ zuiŋ, yɛ ba be a eŋgannoŋ poɔ yoŋ kyɛ erɛ yɛlɛ ne nensaaloŋ be?

Korinti 11:20

Bonso, yɛ maŋ di la kannyiri ka ba naŋ wa de yɛ leɛ gbaŋgbaare, bee a dire yɛ, bee a boɔrɔ tonɔ yɛ zu, bee a duoro bamenne yɛ zie, bee a fale yɛ niŋe.

Galesiya 5:15

Kyɛ ka yɛneŋ wa donɔ taa, a nyɔgrɔ taa vɔlɔ, yɛ gu velaa a ta wa sãã taa bare.

Galesiya 5:26

Yɛ ta vɛŋ ka te wullo temenne, a erɛ yɛlɛ belɛ taa, a erɛ nyuuri ne taa.

Galesiya 6:3

Bonso, ka a banaŋ naŋ ba waa bonzaa kyɛ teɛrɛ ka ba waa la bonkaŋ, bɛllɛ la bamenne.

Filipai Deme Gane 1:15

A noba mine moɔlɔ la a Kirista yɛlɛ ne nyuuri ane yentaaloŋ, kyɛ ka ba mine moɔlɔ ne teɛroŋ soŋ.

Filipai Deme Gane 2:14

Yɛ erɛ yelzaa kyɛ ta ŋmoonɔ yɛlɛ bee a ŋmeɛrɛ nɔkpeɛne,

Filipai Deme Gane 2:3

Yɛ ta e yelzaa yɛmenne bombɔ-faare bee pɔloo zuiŋ, kyɛ meŋɛ sigruu poɔ, yɛ maŋ kaa yɛ taaba ka ba seɛ yɛmenne.

KOLO 2:18

Yɛ ta vɛŋ ka neɛzaa yeli ka yɛ ba seŋ ne a, kyɛ yele o naŋ gaŋ yɛ, a nyɛrɛ nyaabo kyɛ puoro malekere, a wullo o meŋɛ ka a ba tu sori ne nensaalba teɛroŋ,

II Tesa 2:4

O maŋ zɔɔrɔ la kyɛ duoro o meŋɛ gaŋ kaŋwaa ŋmen bee bonzaa ba naŋ puoro, ka ka o na zeŋ o dakogi zu a Naaŋmen die poɔ kyɛ boɔlɔ o meŋɛ Naaŋmen.

1 Tim 1:4

a ta de ba teɛroŋ zaa eŋ sensellɛ ane a sããkommine dɔge-tu-taa yoe naŋ ba taa baaroo, a ba taa tɛgɛ kyɛ waana ne nɔkpeɛne a gaŋ a Naaŋmen wuluu naŋ be yeldeebo poɔ.

1 Tim 1:7

a boɔrɔ ka ba e a Naaŋmen bege wulwulibo kyɛ ba baŋ bon ba naŋ yele tɛgɛ bee a baŋ a bonna eŋɛ ba naŋ yele a yɛlɛ ama.

1 Tim 3:6

A ba seŋ ka o e Kiristabi-paalaa, ka lɛ naane, o na baŋ paale ne la pɔloo a le a sebɛlbɛllɛ dɔgroŋ poɔ.

2 Tim 2:14

Leɛ-teɛre ba a yeli ŋa kyɛ kpãã ba a Naaŋmen niŋesogɔ ka ba bare nɔkpeɛne ŋmeɛbo yelbie naŋ ba waana ne sommo zaa ka sããmo yoŋ naane ko a banaŋ naŋ kyɛllɛ wono a.

2 Tim 2:23

Ta taa yelzaa ne damboluŋ ane nɔkpeɛn-weere naŋ ba taa tɛgɛ. Fo baŋ ka a lɛ maŋ waana ne la zɔɔre.

2 Tim 3:4

a e nenfaare, a e noba naŋ maŋ erɛ yɛlɛ kyɛ ba teɛrɛ, a paale ne pɔloo, a nɔŋ a eŋɛ noɔ yɛlɛ gaŋ Naaŋmen.

TITU 3:9

Kyɛ bare dambol-nɔkpeɛne ŋmeɛbo, sããkommine dɔge-tu-taa yoe yɛlɛ, wɛltaa ane zɔɔre naŋ kyaare ne a bege, bonso, a ba taa tɛgɛ ane tɔnɔ zaa.

Gyimisi 1:19

N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

2 Pit 2:12

Kyɛ a noba bama waa ŋa donne naŋ ba taa teɛroŋ, a maŋ bonnɔ erɛ yɛlɛ, ka ba dɔge a na nyɔge ko. Ba maŋ toorɔ la zoma yɛlɛ ba naŋ ba baŋ a tɛgɛ, kyɛ ka ba naŋ wa sãã a bon-iri na, ba meŋ na sãã la,

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

Gyud 1:10

Kyɛ a noba bama eŋ maŋ sãã la bonzaa yuori ba naŋ ba baŋ o tɛgɛ, kyɛ ka a yɛlɛ ama maŋ sãã ba bare aŋa donne naŋ ba taa teɛrɛ, kyɛ maŋ baŋ yɛlɛ ne a zomɔ.

Gyud 1:16

Ba waa la noba naŋ ŋmoonɔ yɛlɛ, a waa noba naŋ taa posaanaa, kyɛ maŋ tuuro bamenne vɔlfaare; a maŋ yele yelbɛrɛ, a puuro noba ne nɔnoɔ ka ba toɔ̃ nyɛ ba yelboɔre.

Yel-iriwulaa Gane 3:17

Bonso, fo yelee la, ‘N waa la bondaana, a kpɛ naaloŋ poɔ, ka bonzaa ba fãã ma.’ Fo ba baŋ ka fo zage la fo zaa, a seŋ ne nembaaloŋ zoobu, a waa nandaana, a zɔŋ, a taa eŋkpoŋkpoli.