1 Tim 6:3 - Naaŋmen Nɔpaalaa Gane

³ Neɛzaa naŋ kanna yelyuo, a ba sage a te Daana Yeezu Kirista yelbi-menne ane kannoo na naŋ kyaare ne a Naaŋmennoŋ yɛlɛ,

1 Tim 6:3 ပူးပေါင်းရင်းမြစ်များ

Matio Gane 22:21

Ka ba yeli sɔge, “A Naa Siiza la.” Ka a Yeezu pãã yeli ko ba, “Yɛ de boma naŋ e a Naa Siiza soobo a ko a Naa Siiza, kyɛ de boma naŋ e Naaŋmen soobo meŋ ko Naaŋmen.”

Matio Gane 28:20

a wullo ba ka ba tuuro a yɛlɛ na zaa N naŋ ko yɛ noɔre. Kyɛ yɛ baŋ ne a, N be la yɛ zie tegitegilɛ, a na te ta a teŋɛ baaroo saŋ.”

Urom 16:17

N sɔrɔ yɛ la n yɔɔmine ane n yɔɔpuuli, ka yɛ baŋ ne a banaŋ naŋ maŋ waana ne wɛltaa kyɛ dɔɔnɔ noba suuri, a zɔɔrɔ ne a Naaŋmen yɛlɛ yɛ naŋ da zanne; yɛ tage yɛmenne yi ba zie.

I Tesa 4:8

Azuiŋ, soba na zaa naŋ zagra a wuluu ama ba zagra nensaalba yɛlɛ bara kyɛ a Naaŋmen naŋ maŋ ko yɛ a Vooroŋ Soŋ meŋ yɛlɛ la ka yɛ zagra.

1 Tim 1:10

a bebe ko a banaŋ naŋ tonɔ peɛ̃mo toma, dɔbɔ naŋ maŋ gana ne ba dɔɔ taaba, a bebe ko noba naŋ koɔrɔ gbaŋgbaare, a bebe ko a zirŋmaareba, a bebe ko a banaŋ naŋ maŋ pɔ kyɛ ŋmaara zirii ane yelzaa naŋ ba tu a kannoo naŋ tori,

1 Tim 1:3

N kpaana fo la aŋa lɛ N naŋ da yeli a saŋ N naŋ da gɛrɛ Masedoniya paaloŋ, ka fo be a Efesu teŋɛ poɔ ka lɛ vɛŋ ka fo kanne a noba mine, ka ba ta wullo wuluu zaa naŋ e o toɔraa,

1 Tim 1:6

A noba mine bare la a yɛlɛ ama kyɛ leɛ yele yelfoglo,

2 Tim 1:13

Nyɔge kyɛ tuuro a kannoo naŋ waa meŋɛ fo naŋ da woŋ yi n zie ne yeldeebo ane nɔmmo naŋ be a Kirista Yeezu poɔ.

2 Tim 4:3

Bonso, a saŋ waana la ka noba koŋ la derɛ wulsonne. Kyɛ ba naŋ taa tobo naŋ noma yɛlɛ wommu eŋɛ, ba na bɔ la wulwulibo ko bamenne ka ba yele yɛlɛ ba naŋ boɔrɔ ka ba woŋ,

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

TITU 1:9

A seŋ ka o e neɛ naŋ baŋ a yelbiri naŋ seŋ ne dɛloo ka a ta aŋa lɛ a kannoo naŋ wuli, ka ka o na toɔ̃ wullo wuluu naŋ soma kyɛ toɔ̃ yeli lɔɔ a banaŋ naŋ tullo a yelmeŋɛ.

TITU 3:8

A yeluu ŋa e la yelmeŋɛ. N boɔrɔ la ka fo maaleŋ yele a yɛlɛ ama, ka a banaŋ naŋ wa sage de a Naaŋmen yɛlɛ e noba naŋ na kpimare tonsonne tommo eŋɛ. A yɛlɛ ama veɛlɛ la kyɛ taa tɔnɔ ko neɛzaa.