Ka kɔŋ wa kpɛ yɛ kanzaa, o maŋ di o yiri poɔ kyɛ waana, ka ka yɛnee wa lantaa ka a ta wa ne saanaa ko yɛ. A yɛlɛ na eŋ naŋ kyɛre, N na wuli yɛ la ka maa wa wa yɛ zie.
Kyɛ ta wa sɛgrɛ pɔg-kɔbɔ naŋ ba kore yoe poɔrɔ a pɔg-kɔbɔ yoe poɔ; bonso, ka a ba eŋɛ yelboɔre wa tage ba yi a Kirista zie, ba maŋ boɔrɔ la ka ba kuli serebɛ;
A yi a lɛ puoriŋ, ba maŋ zeŋ la weɛlɛ, a yɔ yoɔrɔ a noba yie poore. A deɛ ba e ka ba maŋ zeŋ la weɛlɛ yoŋ kyɛ ba meŋ maŋ zuuro la noba poe, a de ba nuuri eŋnɛ noba yɛlɛ poɔ kyɛ yele yɛlɛ a naŋ ba seŋ ka ba yeli.
N yɔɔmine ane n yɔɔpuuli, a ba seŋ ka yɛ yaga zie boɔrɔ ka yɛ waa wulwulibo, bonso, yɛ baŋ ka te banaŋ naŋ waa wulwulibo sɛrɛɛ la ka ba na di yaga gaŋ a noba zaa.
Bonso, a saŋ taɛ la ka sɛrɛɛdiibu na piili ne Naaŋmen yideme. Ka a sɛrɛɛdiibu pãã na piili ne te, wola ka a baaraa na waa ko banaŋ naŋ zagre a Ŋmen-yelnoore bare?