1 Tim 5:1 - Naaŋmen Nɔpaalaa Gane

¹ Ta wa yele yɛlɛ tanna dɔɔnyaŋaa, kyɛ maŋ yeli yɛlɛ ko o aŋa fo saa, a yele yɛlɛ korɔ a pɔlbilii fo naŋ kore aŋa fo yɔɔmine,

1 Tim 5:1 ပူးပေါင်းရင်းမြစ်များ

Matio Gane 23:8

Kyɛ a ba seŋ ka ba boɔlɔ yɛ “Wulwulibo” bonso, wulwullo yenaa la ka yɛ taa, kyɛ ka yɛ zaa waa zanzannema.

Toma 14:23

Ba naŋ da wa kaa-iri nembɛrɛ a puoruu laŋne yie zaa poore baare, ba pãã da leŋ la noɔre, a puori eŋ ba kyɛ de ba ko a Daana, a Onaŋ yɛlɛ ba naŋ da sage de.

Toma 15:4

Ba naŋ da wa ta Gyɛruzɛlɛm, a puoruu laŋne deme ane a apostoliimine ane a nembɛrɛ da de ba la saanoŋ. Ba da manne la a yɛlɛ na zaa Naaŋmen naŋ da tu ba zie a e.

Toma 15:6

A apostoliimine ane a nembɛrɛ da laŋ la taa ka ba kaa a yeli ŋa nyɛ.

Toma 20:17

Pɔɔl da be la a Miletu poɔ kyɛ toŋ boɔle a puoruu laŋne nembɛrɛ naŋ be a Efesu poɔ.

Urom 13:7

Yɛ yɔɔ bonna zaa naŋ seŋ ka yɛ yɔɔ ko ba. Yɛ yɔɔ a yɛ zuyɔɔ ko banaŋ zaa naŋ seŋ ka ba de a yɛ zuyɔɔ, a yɔɔrɔ a teŋɛ maaloo zuyɔɔ korɔ banaŋ a naŋ seŋ ka yɛ yɔɔ ko ba. Yɛ korɔ gyeremɛ banaŋ naŋ seŋ ka ba nyɛ gyeremɛ, kyɛ eŋnɛ banaŋ naŋ seŋ ka yɛ eŋnɛ ba.

Galesiya 6:1

N bamine, ka ba naŋ wa nyɔge yɛ kanzaa yelfaa poɔ, yɛ banaŋ naŋ taa a Vooroŋ Soŋ, yɛ maale a neɛ ŋa tɔ ne sumaaroŋ ka o leɛ are. Kyɛ yɛ gu yɛmenne velaa ka yɛ tɔɔ wa kpɛ enyaabo poɔ.

1 Tim 5:17

Yɛ vɛŋ ka a nembɛrɛ na naŋ kaara a noba zu velaa seŋ ne emmo gbɛre boyi, a gaŋ a zaa, a banaŋ naŋ moɔ nimiri moɔlɔ kyɛ kanna a Naaŋmen yelbiri.

1 Tim 5:2

a yele yɛlɛ korɔ a pɔgenyaŋne aŋa fo mamine, a yeli yɛlɛ ko a pɔgsarre fo naŋ kore aŋa fo yɔɔpuuli; erɛ a lɛ ne sukyirpelaa.

TITU 2:2

Yeli ko a dɔɔnyaŋne ka ba nyɔgrɔ bamenne, a taa nimizeɛ, a erɛ yɛlɛ ne yɛŋ, a taa yeldeebo naŋ e meŋɛ, a taa nɔmmo kyɛ e noba naŋ taa kannyiri.

TITU 2:6

A lɛ ne o zu, sɔre a bipɔlɔ ka ba baŋ bamenne taabo.

Gyimisi 3:17

Kyɛ yɛŋ naŋ yi Naaŋmen zie maŋ daŋ e la soŋ, a pãã terɛ maaroŋ, a e baaloŋ lɛ, a nare ka o sagra noɔre, a paale ne nembaalonzoe ane tonveɛle, ka nɔmboore bee bampuori-kombampoɔ yɛlɛ zaa ba kyebe.

Gyimisi 5:14

Ka neɛŋ wa be yɛ poɔ a beɛrɛ, a soba boɔle a puoruu laŋne nembɛrɛ ka ba wa puori ko o, a sɔ o kããsoŋ a Daana yuori eŋɛ.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

2 Gyn 1:1

Maa, a Neŋkpoŋ la sɛgrɛ a lɛtɛ ŋa korɔ a pɔge ba naŋ kaa-iri ane a o bibiiri N naŋ nɔŋ a yelmeŋɛ poɔ. N yoŋ naane nɔŋ ba, kyɛ a banaŋ zaa naŋ baŋ a yelmeŋɛ meŋ nɔŋ ba la,

3 Gyn 1:1

Maa, a Neŋkpoŋ la sɛgrɛ a lɛtɛ ŋa korɔ N poyɛŋ neɛ Gayose. O e la neɛ N naŋ nɔŋ yelmeŋɛ zaa.

Yel-iriwulaa Gane 4:4

Nakogri lezare ne anaare da biŋ gyeere la a nakogi na, ka nembɛrɛ lezare ne banaare naŋ da su kparpeɛle kyɛ vɔgle salema nazupile da zeŋ a nakogri zu.