1 Tim 4:3 - Naaŋmen Nɔpaalaa Gane

³ A noba bama yeli ka kultaa e la kyiiruŋ kyɛ tere noɔre ka ba ta dire bondirii mine Naaŋmen naŋ iri ka a da seŋ ka a banaŋ naŋ sage de a Naaŋmen yɛlɛ kyɛ baŋ a yelmeŋɛ na dire kyɛ puoro O bareka.

1 Tim 4:3 ပူးပေါင်းရင်းမြစ်များ

Matio Gane 14:19

Lɛ la ka a Yeezu pãã da e ka a noba zeŋ a moɔ zu. O naŋ wa de a boroboro anuu ane a zombilii ayi, O da gbole kaa la sazu, a maale a boroboro, kyɛ nyɔge ŋmaa, a de ko a potuuribo, ka a potuuribo meŋ de poŋ ko a noba.

Matio Gane 15:11

a ba e bon naŋ kpɛ neɛ noɔre a sigi la maŋ dɛge a nensaala, kyɛ bon naŋ tu a noɔre yi la maŋ dɛge a nensaala.”

Matio Gane 15:36

O da de la a boroboro ayopoĩ ane a zombilii, a puori Naaŋmen bareka, kyɛ nyɔge ŋmaa a de ko a potuuribo ka ba meŋ de ko a noba.

Luka 24:30

O naŋ da wa zeŋ ne ba ka ba di diibu, O da de la boroboro, a puori maale, kyɛ nyɔge ŋmaa, a de ko ba.

Gyɔɔn 6:23

Lɛ la ka gboe mine da yi Tiberiya a wa are peɛle a zie na a Daana naŋ da de a boroboro a puori Naaŋmen bareka, kyɛ de ko ba ka ba di.

Toma 27:35

O naŋ da wa yeli a ŋaa baare, o da de la boroboro, a puori Naaŋmen ameseɛrɛ a ba zaa niŋesogɔ. A lɛ puoriŋ, o da ŋmaa la a boroboro a piili ɔɔrɔ.

Urom 14:17

Bonso, a Naaŋmen naaloŋ ba e bondirii ane bonnyuuri yɛlɛ, kyɛ o waa la mennoŋ, emmaaroŋ ane popeɛloŋ yɛlɛ a Vooroŋ Soŋ poɔ.

Urom 14:3

A banaŋ naŋ dire ta maŋ taa kaabanyɛ kyaare ne a banaŋ naŋ ba dire, ka banaŋ naŋ ba dire ta di banaŋ naŋ dire sɛrɛɛ, bonso, Naaŋmen tuori de ba la.

Urom 14:6

A banaŋ naŋ maŋ taa a bebiri kaŋ yɛlɛ, maŋ erɛ la lɛ a Daana emmo zuiŋ. A lɛ meŋ la ka banaŋ naŋ maŋ dire bonzaa, maŋ dire a Daana emmo zuiŋ, ba naŋ maŋ puori Naaŋmen bareka kyɛ di zuiŋ. Lɛ la ka banaŋ naŋ ba maŋ dire a boma zaa, ba maŋ di a Daana emmo zuiŋ, kyɛ maŋ puoro Naaŋmen bareka.

1 Kor 6:13

“Bondiraa waa la poɔ soobo, ka a poɔ waa a bondiraa soobo,” kyɛ Naaŋmen na sãã la a bondiraa ane a puori zaa bare. A eŋɛ ba e peɛ̃mo toma bon, a Daana bon la, a Daana la so a eŋɛ.

1 Kor 7:28

Kyɛ ka fõõ wa de pɔge, fo ba e yelbieri, ka bitoro wa kuli serɛ, o meŋ ba e yelbieri. Kyɛ a kultaa deme na nyɛ la a teŋɛzu yelwonni, kyɛ N ba boɔrɔ ka a yɛlɛ ama pɔge yɛ.

1 Kor 8:8

“Bondiraa koŋ baŋ tage te peɛle Naaŋmen.” Ka tenee ba di a, a koŋ seɛ te, ka tenee di meŋ a koŋ seɛ te.

KOLO 2:16

Azuiŋ, yɛ ta vɛŋ ka neɛzaa ko yɛ saanaa a yɛ bondirii ane bonnyuuri yɛlɛ, bee yɛ tige diibu, bee a kyuu paalaa tigri diibu bee a pɛnnoo bebiri daare yɛlɛ.

KOLO 3:17

Yelzaa yɛ naŋ yele bee a erɛ, yɛ erɛ a zaa a Daana Yeezu yuori eŋɛ, a tu O zie puoro a Saa Naaŋmen bareka.

1 Tim 2:4

Ona la boɔrɔ ka neɛzaa nyɛ faabo a kyɛ wa baŋ a yelmeŋɛ.

1 Tim 4:4

Bonso, bonzaa Naaŋmen naŋ iri e la soŋ, ka a ba seŋ ka ba zagre kanzaa, ka ba naŋ wa puori bareka kyɛ dire.

1 Tim 5:14

Azuiŋ, N na boɔrɔ la ka pɔg-kɔbɔ naŋ ba kore kuli serebɛ, a dɔge biiri a kyɛ kaara ba yie, ka a dɔndɔmɔ ta nyɛ sori to te zoma.

Hiburu 13:4

Yɛ zaa yɛ taa emmo kyaare ne kultaa kyɛ gu a kultaa sɛŋ ka o ta wa sãã, bonso, Naaŋmen na di la peɛ̃mo toma ane moɔrɔ toma deme sɛrɛɛ.

Hiburu 13:9

Yɛ ta vɛŋ ka wulsaama zaa leɛre yɛ teɛroŋ; bonso, a e la soŋ ka garaaseɛ ko a yɛ sukyie faŋ, kyɛ ka a ta e yeldɔlɔ naŋ kyaare ne bondirii naŋ da ba yi tɔnɔ ko banaŋ naŋ da tuuro a.