1 Tim 4:16 - Naaŋmen Nɔpaalaa Gane

¹⁶ Kaara fo meŋɛ ane a fo kannoo zu velaa; naŋ kyɛnɛ erɛ a yɛlɛ ama, bonso, ka fõõ wa erɛ a ŋaa, fo na faa la fo meŋɛ ane a banaŋ naŋ kyɛllɛ wono a fo yɛlɛ.

1 Tim 4:16 ပူးပေါင်းရင်းမြစ်များ

Marko Gane 13:9

“Kyɛ yɛnee, yɛ gu yɛmenne velaa, bonso, ba na de yɛ la ko a sɛrediribe; ba na ŋmɛ yɛ la a puoruuderi pooreŋ; kyɛ taa yɛ gaa ne a gɔbena ane namine niŋesogɔ N zuiŋ, ka a e danseɛ ba zie.

Luka 21:34

“Yɛ gu yɛmenne velaa, a ta wa vɛŋ ka yɛ teɛroŋ zaa kyaare ne tige diibu ane dããnyukuoli, kyɛ bee a vɛŋ ka a teŋɛzu nyɔvore yɛlɛ dɔɔnɔ yɛ, ka a bebiri ta wa uri yɛ aŋa bɛraa.

Toma 26:22

Naaŋmen la gu ma taa a wa ta a zenɛ bebiri, lɛnso ka N are a kyɛ a dire danseɛ bibiiri ane nembɛrɛ zie, a ba yele yelzaa ka anaŋ a Ŋmen-yelmanneba ane Moozul naŋ da yeli ka a na e la:

Toma 6:4

kyɛ ka tenee kpimare puoruu ane a yelbiri moɔloo.”

Urom 11:14

ka ka N e ka n meŋɛ noba nyuuri iri, ka a lɛ e ka N toɔ̃ faa ba mine.

Urom 16:17

N sɔrɔ yɛ la n yɔɔmine ane n yɔɔpuuli, ka yɛ baŋ ne a banaŋ naŋ maŋ waana ne wɛltaa kyɛ dɔɔnɔ noba suuri, a zɔɔrɔ ne a Naaŋmen yɛlɛ yɛ naŋ da zanne; yɛ tage yɛmenne yi ba zie.

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

1 Kor 1:21

Bonso, a Naaŋmen yɛŋ bammo poɔ, a tendaa noba da ba toɔ̃ baŋ O ne ba yɛŋ, a lɛ la so ka a Naaŋmen da nare biŋ ka O tu a dambol-yɛlɛ na te naŋ moɔlɔ zie kyɛ faa banaŋ naŋ sage de.

1 Kor 9:22

N leɛ la bambaala, a bambaalba zie, ka ka N na toɔ̃ nyɛ a bambaalba ko a Kirista. N waa la bonzaa a noba zaa zie, ka ka anaŋ waa wola zaa, ka N na toɔ̃ faa ba mine ko a Kirista.

1 Kor 9:27

Kyɛ N dɔgrɔ la n eŋɛ, a nyɔge o taa, ka ka maa wa moɔle a Ŋmen-yelnoore ko a noba baare, ka ba ta yeli ko ma ka N ba seŋ ne.

EFESU 4:14

A ba la seŋ ka te naŋ waa bibiiri ka noba daara te viire ne ba wuluu sobie saseɛ zaa naŋ fuuro, ane ba nyaayɛlɛ a yi ba bɛlbɛl-sobie.

KOLO 4:17

Yɛ yeli ko Akyipu, “Mɔ kyɛ toŋ a toma a Daana naŋ ko fo ka a baare.”

I Tesa 2:16

ne ba naŋ da pigre te sori ka te na ta wa moɔle a Ŋmen-yelnoore ko a Nemboore-yobo ka ba nyɛ faabo. A lɛ ka ba erɛ ka a ba yelbebe gboŋno duoro zu tegitegilɛ; kyɛ a baaraa zaa, Naaŋmen supuriyaaraa na do ba la.

1 Tim 1:3

N kpaana fo la aŋa lɛ N naŋ da yeli a saŋ N naŋ da gɛrɛ Masedoniya paaloŋ, ka fo be a Efesu teŋɛ poɔ ka lɛ vɛŋ ka fo kanne a noba mine, ka ba ta wullo wuluu zaa naŋ e o toɔraa,

1 Tim 4:15

De a yɛlɛ ama tonɔ ne, a kpimare a ne fo poɔ zaa ka a noba zaa na nyɛ lɛ fo naŋ baara a fo Kiristaaloŋ poɔ.

1 Tim 4:6

Ka fooŋ wa wuli a yɔɔmine ane a yɔɔpuuli a yɛlɛ ama, fo na waa la a Kirista Yeezu tontombi-meŋɛ ba naŋ guoli ne a yeldeebo yelbie ka fo tuuro a wulsoŋ.

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

2 Tim 3:14

Kyɛ fõõ eŋ, naŋ kyɛnɛ taa kpeɛŋaa bonna fo naŋ da zanne kyɛ da sage de. Fo baŋ la neɛ na zie fo naŋ da zanne a.

2 Tim 4:2

moɔlɔ a Naaŋmen yelbiri; ka a naŋ waa wola zaa, kpimare moɔlɔ; a erɛ ka ba sagra derɛ, a kpaana ba kyɛ yele yɛlɛ teɛrɛ ba ne kannyiri kpoŋ a fo wuluu poɔ.

TITU 1:9

A seŋ ka o e neɛ naŋ baŋ a yelbiri naŋ seŋ ne dɛloo ka a ta aŋa lɛ a kannoo naŋ wuli, ka ka o na toɔ̃ wullo wuluu naŋ soma kyɛ toɔ̃ yeli lɔɔ a banaŋ naŋ tullo a yelmeŋɛ.

TITU 2:15

Yele a yɛlɛ ama; yele yɛlɛ teɛrɛ kyɛ kpaana noba ne kpeɛ̃õ. Ta wa vɛŋ ka neɛzaa erɛ fo kaabanyɛ yɛlɛ.

TITU 2:7

Kyɛ fooŋ, wuli yelzaa poɔ ka fo waa la neɛ naŋ seŋ ne ka ba tɔglɔ fo tonsonne. Kyɛ a fo kannoo poɔ, wullo yelmennoŋ, a taa nimizeɛ,

Filimɔn 1:19

Maa Pɔɔl sɛgrɛ la a yeli ŋa ne n meŋɛ nu: N na leɛ yɔɔ la a sane. N ba yele yelzaa kyaare ne fo naŋ di n sane yɛlɛ, haali fo meŋɛ zaa tɔre e la n sane bon.

Hiburu 12:15

Yɛ kaara velaa ka neɛzaa ta wa fãã a Naaŋmen garaaseɛ nyaabo, ka a lɛ vɛŋ ka yɛ kanzaa wa iri buli aŋa teɛ nyagre naŋ waa tuo a wa ne dɔɔne naŋ na dɛge yɛ noba yaga.

Hiburu 13:9

Yɛ ta vɛŋ ka wulsaama zaa leɛre yɛ teɛroŋ; bonso, a e la soŋ ka garaaseɛ ko a yɛ sukyie faŋ, kyɛ ka a ta e yeldɔlɔ naŋ kyaare ne bondirii naŋ da ba yi tɔnɔ ko banaŋ naŋ da tuuro a.

Gyimisi 5:20

a soba baŋ ka neɛ na zaa naŋ taa a yelbe-erɛ yi ne a o bɔroo poɔ leɛ wa ne, na faa la a yelbe-erɛ seɛ yi ne kũũ poɔ kyɛ e ka yelbebe yaga nyɛ sudi.