1 Tim 4:12 - Naaŋmen Nɔpaalaa Gane

¹² Ta vɛŋ ka neɛzaa taa kaabanyɛ ne fo naŋ waa baapaalaa zuiŋ, kyɛ waa neɛ a yelderebɛ naŋ na tɔglɔ, fo yɛlɛ yeluu poɔ, fo eroŋ poɔ, fo nɔmmo poɔ, fo yeldeebo ane fo sonnoŋ poɔ.

1 Tim 4:12 ပူးပေါင်းရင်းမြစ်များ

Matio Gane 18:10

“Yɛ gu yɛ menne velaa a ta wa gyegre a bibiiri bama kanzaa. N yele korɔ yɛ la, a bibiiri malekere maŋ nyɛrɛ la a N Saa naŋ be tenvelaa poɔ niŋe tegitegilɛ.

1 Kor 11:1

Yɛ tɔglɔ ma aŋa N naŋ tɔglɔ a Kirista lɛ.

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

I Tesa 1:6

Kyɛ yɛ da e la noba naŋ tɔglɔ te yel-erre ane a Daana yel-erre, aneazaa ka yɛ da be la dɔgɛɛ poɔ kyɛ yɛ da de la a Naaŋmen yelbiri a Vooroŋ Soŋ naŋ tere ne popeɛloŋ.

I Tesa 2:10

Yɛ waa la te dansediribe, ka Naaŋmen meŋ waa a lɛ, ka a te yel-erre a yɛnee yelderebɛ zie da waa soŋ, a tori a ba taa yelsaanaa zaa.

1 Tim 1:14

Kyɛ a te Daana garaaseɛ da paale ma la ne yeldeebo ane nɔmmo naŋ be a Kirista Yeezu eŋɛ.

2 Tim 2:15

E aneɛ ka fo are a Naaŋmen niŋesogɔ a waa neɛ O poɔ naŋ pɛle ne, a waa tontonɔ naŋ ba zoro vi kyɛ kanna a yelmeŋɛ yelbiri velaa.

2 Tim 2:22

Zagre baapaaloŋ vɔlfaare bare kyɛ laŋ ne a banaŋ naŋ boɔlɔ a Daana yuori ne sukyirpelaa a eŋ faŋ boɔrɔ mennoŋ, yeldeebo, nɔmmo ane emmaaroŋ.

2 Tim 2:7

Teɛre nyɛ bonna N naŋ yele, bonso, a Daana na ko fo la yelbammo yelzaa poɔ.

TITU 2:15

Yele a yɛlɛ ama; yele yɛlɛ teɛrɛ kyɛ kpaana noba ne kpeɛ̃õ. Ta wa vɛŋ ka neɛzaa erɛ fo kaabanyɛ yɛlɛ.

TITU 2:7

Kyɛ fooŋ, wuli yelzaa poɔ ka fo waa la neɛ naŋ seŋ ne ka ba tɔglɔ fo tonsonne. Kyɛ a fo kannoo poɔ, wullo yelmennoŋ, a taa nimizeɛ,

Gyimisi 3:13

Aŋ la taa yɛŋ kyɛ baŋ yɛlɛ tɛgɛ yɛ poɔ? A soba o tu a o yelveɛle zie a wuli ka o tonɔ la a o tonveɛle ne Sigruumilluu ne yɛŋ.

Gyimisi 3:17

Kyɛ yɛŋ naŋ yi Naaŋmen zie maŋ daŋ e la soŋ, a pãã terɛ maaroŋ, a e baaloŋ lɛ, a nare ka o sagra noɔre, a paale ne nembaalonzoe ane tonveɛle, ka nɔmboore bee bampuori-kombampoɔ yɛlɛ zaa ba kyebe.

1 Pit 5:3

Yɛ ta dire gandaaloŋ a banaŋ ba naŋ ko yɛ ka yɛ kaara zu, kyɛ yɛ waa noba ba naŋ na tɔglɔ.