1 Tim 3:4 - Naaŋmen Nɔpaalaa Gane

⁴ A ferɛɛ la ka o kaara o meŋɛ yideme zu velaa, a e ka o bibiiri sigre bamenne kyɛ eŋnɛ noba yelzaa poɔ;

1 Tim 3:4 ပူးပေါင်းရင်းမြစ်များ

Toma 10:2

O ne o yideme zaa da waa la puoruu nimizeɛ deme a kyɛ da zoro Naaŋmen. O da maŋ soŋnɔ la nembaalba yaga zaa a kyɛ puoro Naaŋmen tegitegilɛ.

EFESU 5:24

Aŋa lɛ a puoruu laŋne naŋ sigre o meŋɛ korɔ a Kirista, a lɛ meŋ la ka a seŋ ka pɔgeba sigre bamenne korɔ ba serebɛ yelzaa poɔ.

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

1 Tim 3:12

A diikin mine seŋ ka ba taa pɔge yeni, a kaara ba bibiiri ane ba yideme zaa zu velaa;

TITU 1:6

A seŋ ka yɛ iri neɛ naŋ ba taa saanaa zaa, kyɛ taa pɔge yeni, ka o bibiiri waa yelderebɛ, ka noba ta yele ba yelfaare yɛlɛ bee a ta waa biiri naŋ ba sagra ba dɔgrebɔ nɔɛ.

TITU 2:2

Yeli ko a dɔɔnyaŋne ka ba nyɔgrɔ bamenne, a taa nimizeɛ, a erɛ yɛlɛ ne yɛŋ, a taa yeldeebo naŋ e meŋɛ, a taa nɔmmo kyɛ e noba naŋ taa kannyiri.

TITU 2:7

Kyɛ fooŋ, wuli yelzaa poɔ ka fo waa la neɛ naŋ seŋ ne ka ba tɔglɔ fo tonsonne. Kyɛ a fo kannoo poɔ, wullo yelmennoŋ, a taa nimizeɛ,