1 Tim 3:16 - Naaŋmen Nɔpaalaa Gane

¹⁶ Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

1 Tim 3:16 ပူးပေါင်းရင်းမြစ်များ

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

Marko Gane 16:19

A Daana Yeezu naŋ da wa yeli a yɛlɛ ko ba baare, ba da de O la do ne tenvelaa ka O te zeŋ Naaŋmen nuduluŋ seŋ.

Urom 16:25

Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga,

Luka 24:4

Ba nɔɛ naŋ da maa ka ba bugi are la ka dɔbɔ mine bayi deɛ wa uri sãã, a wa are peɛle ba. A dɔbɔ bonsuuri da pɛle la a zaa parepare lɛ.

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

1 Gyn 1:2

A nyɔvore ŋa da sããɛ la ka te da nyɛ O, a di O danseɛ, kyɛ manne a nyɔvore naŋ ba taa baaraa naŋ da be a Saa zie yɛlɛ ko yɛ. Ona la ka ba iri wuli te.

1 Pit 3:22

Ona la gaa tenvelaa, a te be Naaŋmen nuduluŋ seŋ, a dire naaloŋ a malekere, a tenvelaa neŋkpeɛne ane faŋ deme zu.

1 Pit 1:12

Ba da iri wuli la a Ŋmen-yelmanneba ka bamenne naane ka ba da tonɔ terɛ kyɛ yɛnee la ka ba da tonɔ terɛ a kyaare ne a yɛlɛ ba naŋ moɔle ko yɛ pampana. Ba da tu la a banaŋ naŋ da taa a yelnoore wa ne yɛ zie a yi a Vooroŋ Soŋ ba naŋ da toŋ ka o yi tenvelaa wa. A malekere da taa la vɔlaa ka ba nyɛ a yɛlɛ ama.

KOLO 2:2

N boɔrɔ la ka ba nyɔge bamenne kyɛ e yeni nɔmmo poɔ, ka ka ba na taa yɛlɛ tɛgɛ bambaare bondaanoŋ zaa, kyɛ taa a Naaŋmen yelsɔglɔ yelbammo, Ona la a Kirista meŋɛ.

KOLO 1:27

Bana la ka Naaŋmen da sage ka O e ka ba baŋ lɛ O puubu yelsɔglɔ bondaanoŋ naŋ da seŋ lɛ a Kirista naŋ be a Nemboore-yobo poɔ, a puubu teɛretɔroo.

KOLO 1:6

naŋ wa yɛ zie. Aŋa lɛ o naŋ wɔnɔ wɔmɔ kyɛ baara a tendaa zaa poɔ, a lɛ ka o wɔnɔ wɔmɔ a yɛmenne poɔ a yi a daare na yɛ naŋ da woŋ a kyɛ baŋ a Naaŋmen garaaseɛ tɛgɛ ka a ta.

Luka 22:43

Lɛ la ka maleke deɛ uri yi tenvelaa sigi wa O zie, a wa ko O faŋ.

Matio Gane 3:16

A Yeezu naŋ da wa de a suobu baare, a wa yire a koɔ̃ poɔ, daadaalɛ ka a saluoni yuo, ka O nyɛ a Naaŋmen Vooroŋ ka o sigre waana aŋa ŋmanee, a wa dɔɔ O zuŋ.

1 Gyn 3:5

Yɛ baŋ ka O da waɛ la ka O wa de yelbebe bare, ka yelbieri zaa ba kye O poɔ.

Hiburu 12:2

a kaara Yeezu naŋ waa a te yeldeebo piiluu ane a baaroo zie. A Yeezu naŋ da kaa a noɔ naŋ bebe ko O nendaare kaŋ zuiŋ, O da sage kpi la a dagaraa zu, a ba zo vi, a pãã do zeŋ O zemmo zie a Naaŋmen naaloŋ nuduluŋ seŋ.

1 Tim 3:9

a seŋ ka ba kpimare a yeldeebo yelsɔgle ne teɛroŋ soŋ.

Gyɔɔn 20:12

a da nyɛ Malekere bayi ka ba da su kparpeɛle a zeŋ a be ba naŋ da gaale a Yeezu eŋɛ. Kaŋ da zeŋ la O zu zie ka kaŋ meŋ zeŋ O gbɛɛ zie.

Matio Gane 1:23

“Nyɛ, bitoro na taa la poɔ a dɔge bidɔɔ ka ba pore o yuori Emaawɛl,” a tɛgɛ la, “Naaŋmen be la te zie.”

Yel-iriwulaa Gane 7:9

A ŋaa puoriŋ, N da kaaɛ la a nyɛ nembeɛoŋ ka neɛzaa da koŋ baŋ sɔre ba. Ba da yi la a tenne zaa poore, a yi a bale zaa poore ane nemboorɔ zaa poɔ ane kɔkɔɛ zaa poɔ. Ba da su la kparpeɛle kyɛ taa kpaakpaa vaare ba nuuri poɔ a da are a nakogi ane a Pilee niŋesogɔ.

1 Pit 1:20

Ba da kaa-iri O la kyɛ ka a tendaa wa bebe, kyɛ pãã e ka O sãã a bebi-baare saŋ yɛ zuiŋ.

Hiburu 7:7

Nɔkpeɛne zaa kyebe ka a kpoŋ soba la maŋ maale a bile soba.

EFESU 6:19

Yɛ puoro korɔ ma, ka ka maa wa yele yɛlɛ, ka Naaŋmen ko ma O yelbie ka N moɔlɔ a O yelnoore yelsɔglɔ kyɛ ta zoro dabeɛ̃,

EFESU 1:9

O vɛŋɛɛ la ka te baŋ O poboɔbo yelsɔglɔ a kyaare ne O yelboɔre O naŋ nare biŋ a Kirista eŋɛŋ.

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

1 Kor 15:47

A nensaal-dɛndɛŋ da yi la tɛne poɔ, a waa tɛne, ka a bayi soba yi tenvelaa.

1 Kor 2:7

Kyɛ te yele la a Naaŋmen yɛmbaŋ yɛlɛ naŋ e yelsɔglɔ a ba sãã. A yɛmbaŋ ŋa la ka Naaŋmen da daŋ nare biŋ a te puubu eŋɛ kyɛ ka bonzaa da naŋ ba kyebe sɛre.

Urom 10:18

Kyɛ N soorɔ la, ba mɔɔ ba woŋ a be? Serɛzaa ba woŋee la; bonso: “A ba kɔkɔre yi ta la a tendaa zaa, ka ba yelbie ta a andonɛɛ lamboe zaa.”

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Galesiya 2:8

(bonso, a soba na naŋ da tu a Piita zie toŋ toma a e ka o leɛ apostolii ko a banaŋ ba naŋ da iri ba dɛgre, ne O zu meŋ la tu n zie toŋ toma kyɛ toŋ ma a Nemboore-yobo zie),

Urom 9:5

Bana la so a sããkommine, a ba boorɔ poɔ la ka a Mɛzaaya yi a nensaaloŋ poɔ, Ona la di naaloŋ a noba zaa zu. Ka Naaŋmen nyɛ puubu tegitegilɛ. Ameena.

Toma 10:34

Lɛ la ka Piita da piili yele korɔ ba, “Yelmeŋɛ zaa, N nyɛɛ la ka Naaŋmen ba erɛ nɔnne,

Urom 8:3

Bonso, Naaŋmen da e la bonna a bege naŋ da kontoɔ̃ e, a nensaala bambaaloŋ naŋ da e ka o ba taa faŋ zuiŋ: A Naaŋmen da toŋ la O meŋɛ Bidɔɔ ka O wa de nensaala waaloŋ naŋ e yelbieri eŋɛ, kyɛ O naŋ da boɔrɔ ka O zɔɔ ne yelbieri, O da sãã la yelbieri yi nensaaloŋ eŋɛ,

Toma 14:27

Ba naŋ da wa te ta, ba da boɔle la a puoruu laŋne deme lantaa, a manne a toma zaa Naaŋmen naŋ da de ba toŋ ne, ane a lɛ O naŋ yuo a yeldeebo dendɔre a ko a Nemboore-yobo meŋ.

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Luka 24:51

O naŋ da naŋ maala ba, O da gyɛŋ yi la ba poɔ ka ba wa de O do ne tenvelaa

Yel-iriwulaa Gane 17:7

Kyɛ ka a maleke da soore ma, “Bonso ka fo noɔre maa lɛ? N na yeli la a pɔge yelsɔglɔ ane a wɛdoŋɔ naŋ taa a zuri ayopoĩ ane a eelɛ pie naŋ tuo a pɔge yɛlɛ ko fo.

Yel-iriwulaa Gane 17:5

kyɛ ka ba da sɛge yuori kaŋ o tɛgɛ naŋ sɔgle eŋ o gbieŋ, “Baabilɔŋ a teŋyuori, gyɛnterre ane a tendaa faaloŋ ma.”

Hiburu 8:1

Pampana a bon te naŋ yele yelzu la ŋa: a Naaŋmen bagmaalkare neŋkpoŋ ŋa tɔ la ka te taa, Ona la a soba na naŋ zeŋ a Naaŋmen naaloŋ nakogi nuduluŋ seŋ a sazu poɔ,

II Tesa 2:7

Bonso, a koŋwoŋwuluu soba yelsɔglaa gba tonɔ la toma, kyɛ a soba na yoŋ naŋ pigi o sori pampana la iri o bare.

II Tesa 1:10

saŋ na O naŋ na wa ka a O nensonne ko O puubu kyɛ e nɔmaa yɛlɛ a bebiri na daare a yelderebɛ zaa sogɔ, yɛ naŋ da sage de a te danseɛ diibu zuiŋ.

Toma 1:19

A Gyɛruzɛlɛm noba zaa da wa baŋ la a yeli ŋa, lɛnso ka ba da boɔlɔ a weɛ bamenne kɔkɔre poɔ ka Akɛldama, “A tɛgɛ la Zẽẽ Weɛ.”)

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 15:26

“Ka a Soŋnɔ, a yelmeŋɛ Vooroŋ N naŋ na toŋ ka O yi a Saa zie wa, na wa di la N danseɛ.

Gyɔɔn 6:62

Ka yɛnee pãã da nyɛ a Nensaala Bie ka O leɛ duoro a be O naŋ da be, wola ka yɛ na yeli?

Luka 2:32

a e kyaane ko a Nemboore-yobo yɛŋ, kyɛ e puubu ko a Izerayɛl noba.”

Marko Gane 16:5

Ba naŋ da wa te kpɛ a yaa poɔ, ba da nyɛ la pɔlbile kaŋ ka o zeŋ a duluŋ seŋ a su kparpelaa, ka dabeɛ̃ da kpɛ ba yaga zaa.

Marko Gane 1:13

O da be la a wɛgyɛŋ poɔ beri lezaayi, ka Setaana da wa e O nyɛ. O da laŋ kpeɛrɛ ne la a wɛdonne; ka a malekere da kaara O zie.

Matio Gane 28:2

A paretɛloŋ lɛ, ba wa berɛ ka a teŋɛ deɛ gbigri yaga zaa, bonso, a Daana maleke da sigi waɛ la a wa billi a kuuri naŋ da pɔge a yaa noɔreŋ bare, a do zeŋ a kuuri zu.

Matio Gane 13:11

Ka O yeli sɔge, “Yɛnee, ba ko yɛ la a bammo ka yɛ na baŋ a tenvelaa naaloŋ yelsɔglɔ, kyɛ ba ba ko bana eŋ.

Matio Gane 4:11

Lɛ la ka a sebɛlbɛllɛ da bare O kyɛ gaa, tɔntɔbaalɛ ka malekere wa kaa O zie.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

Urom 10:12

Bonso, tɛɛtɛɛ ba kye Gyuumine ane a Giriki noba sogɔŋ; a Daana ne O zu la e ba zaa Daana, a korɔ neɛzaa naŋ sɔre bon yi O zie.

Urom 3:4

A koŋ baŋ waa a lɛ! Aneazaa ka neɛzaa waa la zirŋmaara, kyɛ Naaŋmen eŋ taa la yelmeŋɛ, aŋa ba naŋ da sɛge lɛ: “Ka ka fo na nyɛ yelmennoŋ yi a fo yelbie poɔ, ka fo deme bebe a fo sɛrɛɛdiibu poɔ.”

Urom 16:26

kyɛ ka pampana ka ba tu a Ŋmen-yelmanneba sɛgre eŋɛ yuo ka a sãã ka a Nemboore-yobo baŋ a Naaŋmen naŋ bebe tegitegilɛ nɔɛ a nyɛ yeldeebo.

Korinti 1:19

Bonso, a Naaŋmen Bie Yeezu Kirista yɛlɛ te naŋ da moɔle ko yɛ, maa, Silvano ane Timoti ba e, “Õõ ane Ai”; kyɛ Ona eŋ zie a waa la, “Õõ” tegitegilɛ.

1 Pit 1:21

A Kirista zie la ka yɛ tu a wa sage de a Naaŋmen yɛlɛ; Ona la e ka a Yeezu leɛ-iri yi a kũũ poɔ, a ko O puubu, ka ka yɛ yeldeebo ane teɛretɔroo na be Naaŋmen eŋɛ.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

Luka 20:44

Ka a Davil pãã da boɔle O Daana; wola ka O na la waa a Davil bie meŋ?”