1 Tim 2:4 - Naaŋmen Nɔpaalaa Gane

⁴ Ona la boɔrɔ ka neɛzaa nyɛ faabo a kyɛ wa baŋ a yelmeŋɛ.

1 Tim 2:4 ပူးပေါင်းရင်းမြစ်များ

Matio Gane 28:19

Yɛ pãã gaa a tenne zaa a te e ka a nemboorɔ zaa leɛ a N potuuribo, ka yɛ korɔ ba suobu; a Saa ane a Bie ane a Vooroŋ Soŋ yuori eŋɛ,

Marko Gane 16:15

A Yeezu pãã da yeli ko ba la, “Yɛ gaa a tendaa zaa a te moɔle a Ŋmen-yelnoore ko a Naaŋmen bon-iri zaa.

Luka 1:77

a na ko O noba faabo yelbammo a ba yelbebe naŋ nyɛ sudi zuiŋ.

Luka 14:23

Lɛ la ka a daana pãã yeli ko a gbaŋgbaa, ‘Yi gaa a sobilii zu ane a foɔle poore a te fere a noba ka ba kpɛ wa ka a N yiri paale.

Luka 24:47

Ba na piili la a Gyɛruzɛlɛm poɔ a moɔlɔ korɔ a tendaa nemboorɔ zaa ka ba leɛ ba eebo kyɛ nyɛ yelbebe sudi a Yeezu yuori eŋɛ.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 17:17

Maale ba eŋ a yelmeŋɛ poɔ. A fo yelbiri waa la yelmeŋɛ.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Urom 11:14

ka ka N e ka n meŋɛ noba nyuuri iri, ka a lɛ e ka N toɔ̃ faa ba mine.

1 Tim 4:10

Bonso, a wa tɔ ŋaa, te kyeenɛ la wale a wono tuo, te naŋ de te teɛretɔroo eŋ a Naaŋmen-vore eŋɛ zuiŋ. Ona la a noba zaa Faara, a gaŋ a zaa, a banaŋ naŋ sage de O yɛlɛ.

2 Tim 2:25

a dɛnnɛ o taaba ne sumaaroŋ. Kaapɔge Naaŋmen na e la ka ba leɛ ba eebo a leɛ baŋ a yelmeŋɛ,

2 Tim 3:7

Bana la ka ba maŋ wullo tegitegilɛ kyɛ ka ba daŋ ba baŋ a yelmeŋɛ.

TITU 1:1

Maa Pɔɔl naŋ waa a Naaŋmen tontonɔ ane a Yeezu Kirista apostolii, a Naaŋmen neŋkaa-irri yeldeebo ane a yelmeŋɛ bammo naŋ kyaare ne a Naaŋmennoŋ zuiŋ,

TITU 2:11

Bonso, a Naaŋmen garaaseɛ sããɛ la a wa ko nensaalba zaa faabo,

Hiburu 10:26

Bonso, ka tenee baŋ ne a kyɛ kpãã toori erɛ yelbebe, te naŋ wa baŋ a yelmeŋɛ puoriŋ, yelbebe sudi bagmaale zaa ba la kyebe.

Gyimisi 3:14

Kyɛ ka yɛnee wa taa potu-nyuuri ane meŋɛ-yoŋ boɔbo yɛlɛ yɛ sukyie poore, yɛ ta wullo yɛmenne kyɛ ŋmaara zirii pɔgrɔ a yelmeŋɛ.

2 Pit 3:9

A Daana ba e maaroŋ ne a noɔre O naŋ eŋ, aŋa noba mine naŋ teɛre ka O ba pagra, kyɛ O dire la kannyiri ne yɛ, a ba boɔrɔ ka neɛzaa wɛ, kyɛ O boɔrɔ la ka neɛzaa leɛ o eebo.

2 Gyn 1:1

Maa, a Neŋkpoŋ la sɛgrɛ a lɛtɛ ŋa korɔ a pɔge ba naŋ kaa-iri ane a o bibiiri N naŋ nɔŋ a yelmeŋɛ poɔ. N yoŋ naane nɔŋ ba, kyɛ a banaŋ zaa naŋ baŋ a yelmeŋɛ meŋ nɔŋ ba la,

Yel-iriwulaa Gane 14:6

N pãã da nyɛ la a maleke kaŋ ka o ɛgrɛ a sazu poɔ, a da taa a Ŋmen-yelnoore na naŋ ba taa baaraa ka o moɔle ko a banaŋ naŋ be a teŋɛzu; a tenne zaa ane a nemboorɔ zaa ane a kɔkɔɛ zaa ane a nensaalba zaa.