1 Tim 1:5 - Naaŋmen Nɔpaalaa Gane

⁵ Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

1 Tim 1:5 ပူးပေါင်းရင်းမြစ်များ

Matio Gane 12:35

Nemmeŋɛ maŋ iri la bonsonne yi o nabonsonne poɔ, ka nenfaa meŋ maŋ iri bonfaare yi o nabonfaare poɔ.

Matio Gane 5:8

“Banaŋ naŋ taa sukyiri peɛle nyɛ la maaloo, bonso, bana la na nyɛ Naaŋmen.

Toma 15:9

A ba yeldeebo zuiŋ, O pɛge la a ba sukyie ka a veɛlɛ, ka tɛɛtɛɛ zaa ba kyebe te ne ba zie.

Toma 23:1

A Pɔɔl da kaara la a sɛrediribe polipoli kyɛ yeli, “N yɔɔmine, N toŋ la a Naaŋmen toma ne teɛroŋ velaa a wa tɔ a zenɛ bebiri.”

Toma 24:16

Azuiŋ, N erɛ la aneɛ ka N taa teɛroŋ soŋ Naaŋmen zie ane nensaalba zaa zie.

Urom 10:4

Bonso, a Kirista la a bege baaroo zie ka ka mennoŋ na bebe ko neɛzaa naŋ sage de.

Urom 12:9

Yɛ vɛŋ ka yɛ nɔmmo waa meŋɛ; yɛ kyiiri faaloŋ, kyɛ kpimare bon naŋ soma eŋɛ;

Urom 14:15

Ka bon fo naŋ dire wa vɛŋ ka fo yɔɔ bee fo yɔɔpuulee poɔ wa sãã, ka lɛ, fo ba la kyɛnɛ nɔmmo poɔ. Ta vɛŋ ka bon fo naŋ dire e ka neɛ na zuiŋ a Kirista naŋ da kpi, wɛ.

Urom 9:1

N yele la a yelmeŋɛ a Kirista eŋɛ, N ba ŋmaara zirii. N zoma di la danseɛ a Vooroŋ Soŋ eŋɛ.

1 Kor 13:1

Ka maa yele yɛlɛ ne nensaalba ane malekere kɔkɔɛ kyɛ ba taa nɔmmo, N waa la gaŋgaa ba naŋ ŋmeɛrɛ ka o pɔgrɔ gɔmɔ bee buulo naŋ dɔɔnɔ.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

Galesiya 5:6

Bonso a Kirista Yeezu poɔ, dɛgre iruu bee dɛgre ba-iruu ba poɔ yeli zaa poɔ; yeli yoŋ naŋ poɔ yɛlɛ poɔ la yeldeebo naŋ tonɔ toma ne nɔmmo.

1 Tim 1:18

N bie Timoti, N korɔ fo la a wuluu ama a seŋ a Ŋmen-yelmanna yelyelii ba naŋ da yeli kyaare ne fo, ka fõõ wa tuuro a, fo na zɔɔ la zɔɔre naŋ soma,

1 Tim 1:19

a taa yeldeebo ane teɛroŋ soŋ. A noba mine naŋ da zagre a teɛroŋ soŋ ŋa bare zuiŋ, a ba yeldeebo da lee la.

1 Tim 3:9

a seŋ ka ba kpimare a yeldeebo yelsɔgle ne teɛroŋ soŋ.

2 Tim 1:3

N puoro la Naaŋmen bareka yaga zaa (Ona la ka N puoro ne teɛroŋ soŋ aŋa n sããkommine naŋ da e lɛ) ka maa wa leɛ-teɛre fo yɛlɛ tegitegilɛ a n puoruu poɔ ŋmenaa ane tensogɔ.

2 Tim 1:5

N leɛ-teɛre la a fo yeldeebo naŋ e meŋɛ yɛlɛ. A yeldeebo ŋa la ka fo makoma Lowesi ane fo ma Yunisi da daŋ taa, kyɛ pampana ŋa, N baŋ la velaa ka fo meŋ taa o la.

2 Tim 2:22

Zagre baapaaloŋ vɔlfaare bare kyɛ laŋ ne a banaŋ naŋ boɔlɔ a Daana yuori ne sukyirpelaa a eŋ faŋ boɔrɔ mennoŋ, yeldeebo, nɔmmo ane emmaaroŋ.

TITU 1:15

A banaŋ naŋ taa sukyiri peɛle, boma zaa maŋ e la peɛle, kyɛ banaŋ naŋ taa sukyiri dɛgɛ ane a yelbaderebɛ bonzaa ba e pelaa ba zie. Ba teɛrɛ ane ba zomɔ zaa dɛgɛɛ la.

Hiburu 10:22

yɛ e ka te tage ta Naaŋmen zie ne sukyiri menne naŋ paale ne yeldeebo, ka ba pɛge a te sukyie yelbebe bare ka te ta taa saanaa zaa ka a dɔɔnɔ te teɛroŋ kyɛ ka ba pɛge te enne ne koɔ̃ naŋ soma.

Hiburu 13:18

Yɛ puoro korɔ te. Te ba taa bonnoo ka te sukyie ba taa saanaa zaa, a maŋ nɔnɔ ka te erɛ velaa yelzaa poɔ.

Hiburu 9:14

wola ka a Kirista zẽẽ O naŋ tu a Vooroŋ Soŋ naŋ ba taa baaraa zie a de O meŋɛ naŋ ba taa saanaa zaa ko Naaŋmen koŋ baŋ maale a te sukyie yaga zaa a yi ne yɛlɛ naŋ ba taa tɔnɔ zie ka te na toɔ̃ puoro a Naaŋmen-vore!

Gyimisi 4:8

Yɛ tage peɛle Naaŋmen, O na tage peɛle yɛ la. Yɛ pɛge yɛ nuuri, yɛnee yelbebe deme kyɛ pɛge a yɛ sukyie ka a veɛlɛ, yɛnee teɛroŋ-kpara deme.

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.

1 Pit 3:16

kyɛ yɛ maŋ manne a yɛlɛ ne sumaaroŋ ane emmo. Yɛ taa teɛroŋ sonne ka ka ba naŋ wa toorɔ yɛ, ka vi kpɛ a banaŋ naŋ erɛ yɛ faa a yɛ yelveɛle yɛ naŋ erɛ a Kirista zuiŋ.

1 Pit 3:21

A koɔ̃ ŋa da e la yelmannaa naŋ are ko suobu deebo naŋ maŋ faa yɛ pampana. A ba e ŋa eŋgane dɛgre sobaroo la, kyɛ a noɔre yɛ naŋ eŋ ko Naaŋmen ne teɛroŋ velaa a Yeezu Kirista kũũ leɛ-iruu eŋɛ la.

1 Pit 4:8

A gaŋ a zaa, yɛ nɔnɔ taa tegitegilɛ, bonso, nɔmmo maŋ pɔge la yelbebe yaga.

2 Pit 1:7

a de yɔɔloŋ nɔmmo teɛ ne a Naaŋmennoŋ, a de nɔmmo teɛ ne a yɔɔloŋ nɔmmo.

1 Gyn 3:10

A ŋaa la na wuli a banaŋ naŋ waa a Naaŋmen bibiiri ane banaŋ naŋ waa a sebɛlbɛllɛ bibiiri: banaŋ zaa naŋ ba erɛ yɛlɛ ka a toro bee a nɔŋ ba yɔɔmine ane ba yɔɔpuuli ba yi Naaŋmen zie.

1 Gyn 3:23

Kyɛ a O noɔre la ŋa, ka te sage de a O Bie Yeezu Kirista yuori kyɛ nɔnɔ taa aŋa lɛ O naŋ da eŋ noɔre ko te.

1 Gyn 3:3

Banaŋ zaa naŋ taa a teɛretɔroo ŋa a Kirista poɔ maŋ pɛge la bamenne, aŋa O naŋ pɛge yi lɛ.