1 Tim 1:12 - Naaŋmen Nɔpaalaa Gane

¹² N puoro la a Kirista Yeezu a te Daana bareka yaga zaa, Ona la da ko ma faŋ, bonso, O da nyɛ ma la ka N taa dɛloo ka O da kaa-iri ma ka N tonɔ O toma,

1 Tim 1:12 ပူးပေါင်းရင်းမြစ်များ

Matio Gane 20:4

ka o yeli ko ba, ‘Yɛ meŋ gaa te toŋ a n weɛ poɔ, n na yɔɔ yɛ la bon naŋ seŋ ka n yɔɔ yɛ.’ Lɛ la ka ba gaa.

Gyɔɔn 5:23

ka ka noba zaa na de emmo ko a Bidɔɔ aŋa lɛ ba naŋ eŋnɛ a Saa. Soba na zaa naŋ ba eŋnɛ a Bidɔɔ, ba eŋnɛ a Saa naŋ toŋ a Bidɔɔ.

Toma 16:15

A Lidiya ane o yideme naŋ da wa de suobu, o da sɔre te la a yele, “Ka yɛnee wa sage ka N waa la a Daana yelderɛ serɛzaa, yɛ wa kpeɛrɛ n yiri poɔ.” Kyɛ o da sɔre te la yaga zaa ka te da te sage.

Toma 9:15

Kyɛ a Daana da yeli ko o la, “Gaa, bonso, a neɛ ŋa e la n tontombone ka N kaa-iri, ka o taa N yuori gaa ne a Nemboore-yobo ane a namine ane a Izerayɛl noba zie.

Toma 9:22

A Sɔɔl kannoo da naŋ kyɛnɛ duoro la saa kpeɛŋaa zaa, ka a lɛ e ka a Gyuumine naŋ da be a Damasko poɔ nɔɛ da kpɛ kpore ne o naŋ da kanna a wullo ka a Yeezu la a Mɛzaaya.

1 Kor 15:10

Kyɛ a Naaŋmen garaaseɛ zuiŋ la ka N waa a lɛ N naŋ waa, ka a O garaaseɛ naŋ be n zie ba e weɛlɛ. Kyɛ N toŋ gaŋ la ba zaa, aneazaa ka maa meŋɛ naane da tonɔ, kyɛ a Naaŋmen garaaseɛ naŋ be n zie la da tonɔ.

1 Kor 3:5

Aŋ pãã la Apolo? Aŋ la Pɔɔl? Te waa la tontonema naŋ e ka yɛ da sage de a Naaŋmen yɛlɛ, te kanzaa toŋ la a toma na a Daana naŋ ko o.

1 Kor 7:25

A Daana ba ko ma noɔre zaa a kyaare ne a bitorri, kyɛ N yele la n poteɛroŋ aŋa neɛ a Daana nembaalonzoe naŋ e ka N seŋ ne dɛloo.

Korinti 4:1

A Naaŋmen naŋ la ko te a tonnoɔre ŋa a O nembaalonzoe zuiŋ, te nuuri ba yoɔrɔ.

Galesiya 3:26

bonso a Kirista Yeezu poɔ, yɛ zaa waa la Naaŋmen biiri a yi yeldeebo eŋɛ.

Galesiya 3:28

Azuiŋ te ba la taa Gyuu neɛ bee Giriki neɛ, a ba la taa gbaŋgbaare bee noba naŋ ba waa gbaŋgbaare, a ba la taa dɔɔ bee pɔge; bonso yɛ zaa waa la yeni a Kirista eŋɛ.

Filipai Deme Gane 2:11

kyɛ ka zele zaa yeli ka Yeezu Kirista la a Daana ka a e puubu ko a Saa Naaŋmen.

Filipai Deme Gane 4:13

N na baŋ e la yelzaa a yi a soba na naŋ korɔ ma faŋ zie.

KOLO 1:25

N leɛ la a puoruu laŋne tontonɔ a seŋ lɛ Naaŋmen naŋ da kaa-iri ma a yɛ zuiŋ, ka N e ka ba baŋ a Naaŋmen yelbiri ka a ta,

1 Tim 1:1

Maa Pɔɔl, a Naaŋmen te Faara naŋ e ka N waa a Kirista Yeezu apostolii ane a Kirista Yeezu naŋ e a te teɛretɔroo,

1 Tim 1:11

a seŋ a yelnoore naŋ veɛlɛ ka a puubu Naaŋmen da de ko ma.

1 Tim 1:2

la sɛgrɛ korɔ Timoti naŋ e n bi-meŋɛ a yeldeebo poɔ: Ka garaaseɛ, nembaalonzoe ane maaroŋ naŋ yi a Saa Naaŋmen zie ane a Kirista Yeezu, a te Daana, be fo zie.

1 Tim 6:13

N kpaana fo la a Naaŋmen naŋ korɔ a boma zaa nyɔvore ane a Kirista Yeezu niŋesogɔ, a Onaŋ naŋ da di a yelmeŋɛ danseɛ a Ponsi Pilato zie,

2 Tim 2:2

kyɛ bonna fo naŋ da woŋ yi n zie a yi a dansediribe yaga poɔ, manne ko a yelmeŋɛ deme na naŋ na toɔ̃ wuli a ba taaba meŋ.

2 Tim 4:17

Kyɛ a Daana da are ko ma la, a ko ma faŋ ka ka O na tu n zie moɔle a Ŋmen-yelnoore zaa pabo, ka a Nemboore-yobo zaa woŋ a. Lɛnso ka ba da faa ma yi a gbeŋni noɔreŋ.

TITU 1:4

N sɛgrɛ la a lɛtɛ ŋa korɔ Tiitu naŋ e a n bi-meŋɛ a yeldeebo te naŋ laŋ poɔ: Ka a Saa Naaŋmen ane a te Faara Kirista Yeezu garaaseɛ ane maaroŋ be fo zie.

Filimɔn 1:9

kyɛ N na sɔre fo la ne nɔmmo; kyɛ maa Pɔɔl, nyɛ erɛ la a ŋaa N naŋ e dɔɔnyaŋaa kyɛ ka pampana meŋ ka N waa nempɔgraa a Kirista Yeezu zuiŋ.