1 Pit 5:8 - Naaŋmen Nɔpaalaa Gane

⁸ Yɛ baŋ yɛmenne taabo, a kaara velaa. A yɛ dɔndɔmɔ a sebɛlbɛllɛ yoɔrɔ la a lanna aŋa gbeŋni naŋ kono a boɔrɔ neɛ ka o ɔɔ.

1 Pit 5:8 ပူးပေါင်းရင်းမြစ်များ

Matio Gane 13:39

A dɔndɔmɔ na naŋ bore a narse la a sebɛlbɛllɛ. A boma kyeɛbo saŋ la a teŋɛ baaroo, ka a kakyeɛrebɛ e a malekere.

Matio Gane 24:42

Azuiŋ, yɛ gu yɛmenne velaa, a kaara soŋ, bonso, yɛ ba baŋ a daare na yɛ Daana naŋ waana.

Matio Gane 25:41

Kyɛ O pãã na yeli ko la a O nugɔɔ deme meŋ, ‘Yɛ sɛre yi be N zie, yɛnee neŋkaa-enne. Yɛ gaa te kpɛ a vũũ na poɔ ba naŋ nare bare a Setaana ne o malekefaare ka a ba kpiire;

Matio Gane 4:1

Lɛ la ka a Vooroŋ Soŋ pãã da taa a Yeezu te kpɛ ne a wɛgyɛŋ poɔ ka a sebɛlbɛllɛ na te e o a nyɛ.

Matio Gane 4:11

Lɛ la ka a sebɛlbɛllɛ da bare O kyɛ gaa, tɔntɔbaalɛ ka malekere wa kaa O zie.

Marko Gane 4:15

A bombie na naŋ da le a sobiri zu la a banaŋ naŋ maŋ woŋ a Naaŋmen yelbiri, kyɛ ka Setaana wa wieouŋ lɛ a wa iri a yelbiri naŋ bore eŋ ba sukyie poɔ.

Luka 21:34

“Yɛ gu yɛmenne velaa, a ta wa vɛŋ ka yɛ teɛroŋ zaa kyaare ne tige diibu ane dããnyukuoli, kyɛ bee a vɛŋ ka a teŋɛzu nyɔvore yɛlɛ dɔɔnɔ yɛ, ka a bebiri ta wa uri yɛ aŋa bɛraa.

Luka 21:36

Yɛ gu yɛmenne wagre zaa, a puoro ka ka yɛ na taa faŋ a muri yi a yɛlɛ ama zaa naŋ na wa e poɔ, a kyɛ are a Nensaala Bie niŋesogɔ.”

Luka 22:31

“Saamon, Saamon, kyɛllɛ! Setaana sɔre la sori ka o na yeɛle yɛ zaa aŋa kyi,

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Korinti 2:11

Te e la a lɛ ka te pigi Setaana sori ka o ta toɔ̃ te; bonso, te ba be babammo poɔ a kyaare ne o poteɛrɛ.

EFESU 4:27

Yɛ ta bare vuo ko a sebɛlbɛllɛ.

EFESU 6:11

Yɛ de a Naaŋmen zɔɔzɔɔ-boma zaa yɛre, ka ka yɛ na toɔ̃ zɔɔtoɔ̃ a sebɛlbɛllɛ nyaayɛlɛ.

1 Tim 2:15

Kyɛ a pɔge na nyɛ la faabo yi a biiri dɔgebo poɔ, ka ba naŋ wa kyɛnɛ be a yeldeebo ane nɔmmo ane sonnoŋ poɔ a kyɛ baŋ bamenne taabo.

1 Tim 2:9

N boɔrɔ la ka a pɔgeba meŋ maŋ su boma naŋ seŋ ne kyɛ su peɛmɛ boma naŋ soma a seŋ ne, a ta maŋ leŋ ba zuri a eŋ salema bee kusi-nyegre bee a su boma daaroŋ naŋ ba wono.

1 Tim 3:11

A pɔgeba meŋ seŋ ka ba taa nimizeɛ, a ta e yosaanema, kyɛ ba baŋ bamenne taabo, a taa yelmeŋɛ yelzaa poɔ.

1 Tim 3:2

Azuiŋ, a ferɛɛ la ka a besɔp ta taa saanaa zaa ka ba yele, a taa pɔge yeni, a baŋ o meŋɛ taabo, a baŋ yɛŋ, a taa gyeremɛ, a waa neɛ naŋ maŋ derɛ noba saanoŋ kyɛ e neɛ naŋ maŋ toɔ̃ wuli noba velaa.

2 Tim 4:17

Kyɛ a Daana da are ko ma la, a ko ma faŋ ka ka O na tu n zie moɔle a Ŋmen-yelnoore zaa pabo, ka a Nemboore-yobo zaa woŋ a. Lɛnso ka ba da faa ma yi a gbeŋni noɔreŋ.

TITU 1:8

kyɛ a fere ka o waa neɛ naŋ derɛ noba saanoŋ, a nɔŋ tonveɛle, a baŋ o meŋɛ taabo, a e neɛ naŋ tori, a e neɛ naŋ kpimare Naaŋmen puoruu kyɛ baŋ o meŋɛ nyɔgebo.

TITU 2:12

a wullo te ka te bare yelfaare ane vɔlfaare, kyɛ vɛŋ ka a te nyɔvoɛ te naŋ taa a zenɛ bebiri wuli ka te baŋ la temenne taabo, a e noba naŋ tori kyɛ taa Naaŋmennoŋ,

TITU 2:2

Yeli ko a dɔɔnyaŋne ka ba nyɔgrɔ bamenne, a taa nimizeɛ, a erɛ yɛlɛ ne yɛŋ, a taa yeldeebo naŋ e meŋɛ, a taa nɔmmo kyɛ e noba naŋ taa kannyiri.

TITU 2:4

ka lɛ vɛŋ ka ba toɔ̃ yele yɛlɛ teɛrɛ a pɔgsarre ka ba nɔŋ ba serebɛ ane ba bibiiri.

TITU 2:6

A lɛ ne o zu, sɔre a bipɔlɔ ka ba baŋ bamenne taabo.

Gyimisi 4:7

Azuiŋ, yɛ sigre yɛmenne korɔ Naaŋmen. Yɛ kyaare a sebɛlbɛllɛ ne nyaa, o na zo yi la yɛ zie.

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 4:7

A yɛlɛ zaa baaroo peɛlɛɛ la; a lɛ zuiŋ yɛ taa nimizeɛ kyɛ baŋ yɛmenne taabo a yɛ puoruu zuiŋ.

Yel-iriwulaa Gane 12:10

N pãã da woŋ la kɔkɔre naŋ yele yɛlɛ kpeɛŋaa a tenvelaa poɔ, a moɔlɔ: “Pampana ŋa, a te Naaŋmen faabo ane gandaaloŋ ane naaloŋ taɛ la, ka a O Mɛzaaya kpeɛ̃õ meŋ ta, bonso, ba de la a soba na naŋ maŋ korɔ a te yɔɔmine saanaa lɔɔ bare a teŋɛzu, ona la maŋ korɔ ba saanaa ŋmenaa ane tensogɔ a te Naaŋmen niŋesogɔ.

Yel-iriwulaa Gane 12:12

Yɛnee naŋ be tenvelaa poɔ, yɛ kyellɛ! Kyɛ a tendaa ane a mane yuori la we bonso, a sebɛlbɛllɛ sigi wa la a yɛ zie ne supuriyaaraa, o naŋ baŋ ka a o saŋ ba la seŋ bon zuiŋ!”

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.

Yel-iriwulaa Gane 20:10

Kyɛ ka ba da de a sebɛlbɛllɛ naŋ da bɛlle ba lɔɔ eŋ baa vũũ ane gyirimuri poɔ. A be la ka a wɛdoŋɔ ane a kaŋwaa Ŋmen-yelmanna da be, ka ba na dɔgre ba ŋmenaa ane tensogɔ tegitegilɛ.

Yel-iriwulaa Gane 20:2

O da nyɔge la a wa-beɛ, a dakoroŋ waabo na, ona la a Sebɛlbɛllɛ bee Setaana, a leŋ bare yuomo turi,