1 Pit 5:2 - Naaŋmen Nɔpaalaa Gane

² ka ba kyeenɛ a Naaŋmen peere O naŋ de eŋ ba nuuriŋ ka ba kaara. Yɛ kaara a zu ne popeɛloŋ aŋa lɛ Naaŋmen naŋ boɔrɔ, ka a ta e feroo bee tɔnɔ nyaabo zuiŋ, kyɛ ka a e yɛ naŋ nɔnɔ ka yɛ e zuiŋ.

1 Pit 5:2 ပူးပေါင်းရင်းမြစ်များ

Luka 12:32

“N noba, yɛ ta zoro dabeɛ̃, bonso, a yɛ Saa Naaŋmen poboɔbo la ka O ko yɛ a O naaloŋ.

Toma 20:29

N baŋ ka a N gaabo puoriŋ, noba mine naŋ waa ŋa gboŋgbo-faare na wa kpɛ la yɛ poɔ, a koŋ bare a peere.

Toma 21:13

Lɛ la ka a Pɔɔl da yeli sɔge, “Boŋ la ka yɛ erɛ, a kono a saana n poɔ? Maa eŋ, N ba nare ka ba leŋ ma yoŋ, kyɛ N narɛɛ la ka N kpi a Gyɛruzɛlɛm poɔ a Daana Yeezu yuori eŋɛ.”

Urom 1:15

A lɛnso ka N kyerɛ ka N moɔle a Ŋmen-yelnoore ko yɛ banaŋ meŋ naŋ be a Urom teŋɛ poɔ.

1 Kor 9:7

Nembuo la daŋ tonɔ sogyɛ toma kyɛ maŋ leɛ de o meŋɛ libie yɔɔ ne o meŋɛ? Nembuo la daŋ sɛle dããteere kyɛ daŋ ba di a wɔne kanzaa? Bee nembuo la maŋ kyeenɛ peere kyɛ daŋ ba nyu a beroŋ?

1 Tim 3:3

A ba seŋ ka o waa dããnyukuolo bee a taa sutoloŋ kyɛ a seŋ ka o e neɛ naŋ taa sumaaroŋ, a ta e zɔɔŋmaara ane neɛ naŋ nɔŋ libie.

1 Tim 3:8

A diikin mine meŋ seŋ ka ba taa nimizeɛ, a ta e neŋgagarre, a ta nyuuro dãã yaga, a ta taa libibɔ-gaŋne;

TITU 1:11

A ferɛɛ la ka fo e ka ba pɔge ba nɔɛ, ba naŋ saana a yideme teɛroŋ ne ba wulfaare a naŋ ba taa sori ka ba wuli a ba bombɔ-faare zuiŋ.

TITU 1:7

Bonso, besɔp naŋ waa a Naaŋmen tontonɔ fere ka o ta taa saanaa zaa, a ta e neɛ naŋ wullo o meŋɛ bee a e neɛ naŋ taa sutoloŋ bee a e dããnyukuolo bee a e zɔɔboɔrɔ bee bombɔ-gaŋne soba naŋ boɔrɔ tɔnɔ;

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

TITU 3:1

Leɛ-teɛre ba ka ba sigre bamenne korɔ namine ane a teŋɛ nembɛrɛ, a e noba naŋ sagra noɔre, a maŋ nare ka ba toŋ tonsonne zaa,

Filimɔn 1:14

Kyɛ N ba boɔrɔ ka N e yelzaa ka fo ba tere sori, ka a lɛ vɛŋ ka a fo tonsonne e fo meŋɛ poboɔbo yeli, kyɛ ta e ŋa feroo la ka ba ferɛ fo.

Hiburu 12:15

Yɛ kaara velaa ka neɛzaa ta wa fãã a Naaŋmen garaaseɛ nyaabo, ka a lɛ vɛŋ ka yɛ kanzaa wa iri buli aŋa teɛ nyagre naŋ waa tuo a wa ne dɔɔne naŋ na dɛge yɛ noba yaga.

2 Pit 2:3

A ba bombɔ-gaŋne poɔ, ba na neɛ yɛ la ne ba bɛllɛ yelbie. Naaŋmen di la ba sɛrɛɛ sanzaa, ka ba dɔgroŋ ane ba sããmo peɛle.