1 Pit 5:10 - Naaŋmen Nɔpaalaa Gane

¹⁰ Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

1 Pit 5:10 ပူးပေါင်းရင်းမြစ်များ

Luka 22:32

kyɛ N puori ko fo la, ka ka fo meŋɛ yeldeebo na e kpeɛŋaa. Ka fõõ wa leɛ wa a N zie, teɛ a fo yɔɔmine ka ba meŋ are.”

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

Urom 15:5

Ka a kannyiri ane a yelteɛbo Naaŋmen soŋ yɛ ka yɛ laŋkpeɛrɛ ne yɛ taaba ne yelwontaa, a seŋ a Kirista Yeezu naŋ boɔrɔ lɛ,

Urom 16:25

Pampana ŋa, ka a Naaŋmen naŋ na toɔ̃ ko yɛ faŋ a seŋ a n yelnoore ane a Yeezu Kirista yɛlɛ moɔloo ane a yelsɔgle iri-wuluu ba naŋ da sɔgle bare yuomo yaga,

Urom 9:11

Haali sɛre kyɛ ka ba wa dɔge ba, bee ka ba da wa e yelsoŋ bee yelfaa zaa, (ka ka bon naŋ so ka Naaŋmen maŋ kaa-iri noba naŋ kyɛnɛ bebe gɛrɛ,

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

1 Kor 1:10

N yɔɔmine ane n yɔɔpuuli, N sɔrɔ yɛ la a te Daana Yeezu Kirista yuori eŋɛ, ka yɛ zaa laŋ noɔre, ka wɛltaa ta be yɛ sogɔŋ, kyɛ yɛ taa teɛroŋ yeni ane yelyeni.

1 Kor 1:9

Naaŋmen e la yelmeŋɛ soba. Ona la boɔle yɛ kpɛ ne a O Bie te Daana Yeezu Kirista laŋne poɔ.

Korinti 13:11

A yelbaaraa, N yɔɔmine ane n yɔɔpuuli, N puoro yɛ la. Yɛ kyɛlle woŋ a n sɔroo, a maale yelzaa velaa, a taa yelwontaa ne taa, a kpeɛrɛ ne emmaaroŋ; kyɛ a Naaŋmen naŋ waa nɔmmo ane emmaaroŋ soba na be la yɛ zie.

Korinti 4:17

A tuo belaa ŋa te naŋ nyɛrɛ pampana ŋa, nara te la ka te na nyɛ puubu naŋ ba taa baaroo ka ba kontoɔ̃ manne,

Filipai Deme Gane 4:13

N na baŋ e la yelzaa a yi a soba na naŋ korɔ ma faŋ zie.

KOLO 2:7

a tɛ nyaga kyɛ baa do O eŋɛ a are kpeɛŋaa a yeldeebo poɔ, aŋa lɛ ba naŋ da wuli yɛ, ka a yɛ bareka puoruu duoro zu.

I Tesa 2:12

Te da kpaala yɛ la kyɛ yele yɛlɛ teɛrɛ yɛ, a sɔrɔ ka yɛ taa a yɛ nyɔvoɛ ka a seŋ ne a Naaŋmen naŋ boɔrɔ lɛ. Ona la boɔle yɛ eŋ a O meŋɛ naaloŋ ane a O puubu poɔ.

II Tesa 2:14

A yeli ŋa zuiŋ la ka Naaŋmen tu a yelnoore te naŋ moɔlɔ zie a boɔle yɛ ka ka yɛ na toɔ̃ nyɛ a te Daana Yeezu Kirista puubu.

II Tesa 2:17

kyɛ maa yɛ sukyie a ko ba faŋ tonsonne ane yelbie zaa eŋɛ.

II Tesa 3:3

Kyɛ a Daana e la yelmeŋɛ soba, O na ko yɛ la faŋ kyɛ gu yɛ yi a faaloŋ soba nuuriŋ.

1 Tim 6:12

Zɔɔrɔ a yeldeebo zɔɔre naŋ soma; nyɔge a nyɔvo-babaaraa taa, o eŋɛ la ka ba da boɔle fo ka fo da di danse-soŋ a dansediribe yaga niŋesogɔ.

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

2 Tim 2:10

A lɛ zuiŋ, N di la kannyiri yelzaa poɔ a neŋkaa-irri zuiŋ ka ka ba meŋ na toɔ̃ nyɛ a faabo naŋ be a Kirista Yeezu eŋɛ ne puubu naŋ ba taa baaroo.

Hiburu 9:15

A yeli ŋa zuiŋ la so ka a Kirista e a nɔ-eŋ paalaa yelmaala, ka ka a banaŋ ba naŋ boɔle na toɔ̃ nyɛ a noɔre naŋ ba taa baaraa ba naŋ eŋ gbandiruŋ. Bonso, kũũ koɛ la a faa ba yi ne a dɛndɛŋ nɔ-eŋnaa yelfaare poɔ.

1 Pit 1:15

Kyɛ aŋa lɛ a soba na naŋ boɔle yɛ naŋ waa soŋ, yɛ meŋ waa soŋ yɛ yel-erre zaa poɔ.

1 Pit 4:10

Yɛ naŋ waa a Naaŋmen garaaseɛ tontonema, yɛ yeni yeni zaa de a kyɔɔtaa na zaa o naŋ taa a soŋnɔ ne o taaba.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

1 Gyn 2:25

A bon ŋa la ka a Kirista da eŋ noɔre ka o na ko te la: nyɔvore naŋ ba taa baaraa.

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,