1 Pit 4:13 - Naaŋmen Nɔpaalaa Gane

¹³ Kyɛ yɛ kyellɛ ne yɛ naŋ poɔ a Kirista dɔgɛɛ poɔ ka lɛ vɛŋ ka yɛ meŋ na kyaara ne popeɛloŋ ka a O veɛloŋ wa sãã.

1 Pit 4:13 ပူးပေါင်းရင်းမြစ်များ

Matio Gane 16:27

“A Nensaala Bie ne O malekere na wa la a O Saa veɛloŋ poɔ. A pãã wa ko neɛzaa san-yɔɔ a seŋ lɛ o naŋ toŋ.

Matio Gane 25:21

Ka a o daana yeli ko o, garebanyɛ! gbaŋgba-soŋ, fo seŋ ne la dɛloo. Fo naŋ moɔ nimiri kaa bonfee zu velaa N na e la ka fo kaara bon-yaga zu. Kpɛ wa laŋne ma a wono noɔ.

Matio Gane 25:23

Ka a o daana yeli ko o, garebanyɛ! gbaŋgba-soŋ, fo e la neɛ naŋ seŋ ne dɛloo. Fo moɔ la nimiri kaa bonfee zu velaa, N na e la ka fo kaara bon-yaga zu. Kpɛ wa laŋne ma a wono noɔ.

Matio Gane 25:31

“Ka a Nensaala Bie wa wa a O veɛloŋ poɔ, a laŋ ne a malekere zaa, O pãã na wa zeŋ la O veɛloŋ nakogi zu.

Matio Gane 25:34

A naa pãã na yeli ko la banaŋ naŋ be o nuduluŋ seŋ, ‘Yɛ wa, yɛnee N Saa naŋ maale, yɛ wa di a naaloŋ gbandiruŋ ba naŋ nare bare yɛ, a yi a tendaa piiluu saŋ.

Matio Gane 5:12

Yɛ kyellɛ, kyɛ taa popeɛloŋ, bonso, yɛ san-yɔɔ waa la kpoŋ a tenvelaa poɔ. A lɛ ne o zu la ka ba da dɔgre a Ŋmen-yelmanneba na naŋ da de yɛ weɛ.

Marko Gane 8:38

Banaŋ zaa naŋ zoro N vi ane N yelbie vi a zenɛ noba naŋ ba zoro Naaŋmen ane yelbe-erebɛ zie, a Nensaala Bie meŋ na zo la ba vi ka O naŋ wa leɛ waana ne a O maleke sonne a O Saa veɛloŋ poɔ.”

Luka 17:30

Lɛ ka a na waa a bebiri na daare a Nensaala Bie naŋ na de O meŋɛ wuli.

Toma 16:25

Aŋa tensogpozentaa saŋ, Pɔɔl ane Selase da puoro la kyɛ yiele puubu yieluŋ korɔ Naaŋmen, ka a nempɔgre da kyɛllɛ wono.

Toma 5:41

Ba naŋ da wa yi a sɛrɛɛdiibu zie, ba da kyellɛ la ne ba meŋ naŋ seŋ ne ka ba di vi a Yeezu yuori eŋɛ.

Urom 5:3

Kyɛ a lɛ yoŋ naane, te erɛ la pɔloo meŋ a te dɔgɛɛ diibu poɔ, a baŋ ka dɔgɛɛ diibu maŋ waana ne la kannyiri,

Urom 8:17

ka tenee wa waa biiri, ka lɛ te waa la gbandiribe, a waa Naaŋmen gbandiribe, ka te ne a Kirista laŋ gbandiruŋ. Serɛzaa, ka te ne a Kirista wa laŋ woŋ tuo, te ne O na la laŋ nyɛ la puubu.

Urom 8:18

N nyɛɛ la ka a dɔgɛɛ te naŋ nyɛrɛ pampana ŋa koŋ baŋ manne ne a puubu na ba naŋ na wa iri wuli te.

Korinti 1:5

Aŋa lɛ a Kirista dɔgɛɛ naŋ waa yaga a gore te, lɛ meŋ la ka a te mooreteroo gore a yi a Kirista zie.

Korinti 1:7

Te daŋ ba bonnɔ ne a teɛretɔroo te naŋ taa yɛ eŋɛ, bonso, te baŋ ka yɛ naŋ laŋ ne te a te dɔgɛɛ poɔ, lɛ meŋ la ka yɛ poɔ a te mooreteroo poɔ.

Korinti 4:10

A maŋ taa a Yeezu kũũ ŋmaaroŋ a te enne poɔ tegitegilɛ ka ka a Yeezu nyɔvore meŋ na toɔ̃ sãã a te enne poɔ.

Korinti 4:17

A tuo belaa ŋa te naŋ nyɛrɛ pampana ŋa, nara te la ka te na nyɛ puubu naŋ ba taa baaroo ka ba kontoɔ̃ manne,

Filipai Deme Gane 3:10

N boɔrɔ la ka N baŋ a Kirista ane a O kũũ poɔ leɛ-iruu kpeɛ̃õ, kyɛ laŋ ne O di dɔgɛɛ a waa ŋa lɛ O naŋ da waa a O kũũ poɔ,

KOLO 1:24

Pampana, N kyellɛ la n dɔgɛɛ poɔ yɛ zuiŋ, kyɛ a n eŋgane poɔ, N baare dire la a Kirista dɔgɛɛ naŋ kyɛre, a puoruu laŋne naŋ waa a O eŋgane zuiŋ.

2 Tim 2:12

ka teneŋ di kannyiri, te meŋ na laŋ ne O la di naaloŋ; ka teneŋ zagre O bare, O meŋ na zagre te la bare;

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 2:21

A ŋaa zuiŋ la ka ba boɔle yɛ, bonso, a Kirista meŋ da di la dɔgɛɛ a yɛ zuiŋ, a bare yelwulaa ko yɛ, ka ka yɛ na tuuro a O gbɛbogri.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,

Yel-iriwulaa Gane 1:7

Yɛ nyɛ! O yi la a sagama poɔ waana; ka nensaala zaa na nyɛ O, haali a banaŋ naŋ kyɔge O ne a kpane; kyɛ a tendaa nemboorɔ zaa na koŋ la O yɛlɛ. A lɛ la ka a na waa. Ameena.

Yel-iriwulaa Gane 1:9

Maa Gyɔɔn, a yɛ yɔɔ naŋ laŋ ne yɛ a Yeezu poɔ ka te zaa laŋ dire dɔgɛɛ, a laŋ naaloŋ, a laŋ dire kannyiri, da be la mandoba kaŋ naŋ be a mane sogɔŋ ka ba da boɔlɔ Patmɔse, a Naaŋmen yelbiri ane a Yeezu danseɛ zuiŋ.