1 Pit 4:11 - Naaŋmen Nɔpaalaa Gane

¹¹ Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

1 Pit 4:11 ပူးပေါင်းရင်းမြစ်များ

Matio Gane 6:13

Ta e ka te kpɛ enyaabo poɔ, kyɛ faa te yi ne a nenfaa nuuri poɔ.

Gyɔɔn 13:31

A Gyudase naŋ da wa yi baare, Yeezu da yelee la, “Ŋaa eŋ a Nensaala Bie nyɛ la puubu, ka Naaŋmen nyɛ puubu O zie.

Toma 7:38

Ona la a neɛ naŋ da be a Izerayɛl biiri laŋne deme poɔ a dalempoɔ poɔ. O da be la a be ane a te sããkommine ane a maleke na naŋ da yeli yɛlɛ ko o a Sanae taŋ zu, ka o da de a yelbi-voba wa ko te.

Urom 11:36

Bonso, a O zie la ka boma zaa yi, a O zie la ka boma zaa tu kyɛ wa, a O zie la ka a boma zaa be. Ona la seŋ ne puubu tegitegilɛ. Ameena.

Urom 12:3

A yi a garaaseɛ ba naŋ ko ma zuiŋ, N yele korɔ la neɛzaa naŋ be yɛ poɔ, ka o ta teɛre ka o meŋɛ do gaŋ la lɛ a naŋ da seŋ ka o teɛre. Kyɛ yɛ kanzaa maŋ sigre o meŋɛ kyɛ di o meŋɛ sɛrɛɛ a seŋ lɛ Naaŋmen naŋ ko yɛ yeni yeni zaa yeldeebo a seŋ lɛ.

Urom 16:27

Ka a Naaŋmen na yoŋ naŋ waa yɛŋ soba nyɛ puubu tegitegilɛ a Yeezu Kirista eŋɛ! Ameena.

Urom 3:2

A taa la tɔnɔ yaga yɛlɛ zaa poɔ. Bonso, a Gyuumine la ka Naaŋmen da daŋ de O yelbiri tere ka ba kaara o zu.

1 Kor 10:31

Azuiŋ, bonzaa yɛ naŋ dire bee a nyuuro bee bonzaa yɛ naŋ erɛ, yɛ erɛ a zaa Naaŋmen puubu eŋɛ.

1 Kor 12:4

Kyɔɔtaare tɛɛtɛɛ la bebe, kyɛ a Vooroŋ Soŋ ne O zu zie la ka a zaa yi;

1 Kor 3:10

A seŋ ne lɛ Naaŋmen naŋ ko ma O garaaseɛ, N biŋ la a yiri pare aŋa mɛmeɛr-gɔbaa naŋ baŋ meɛbo yaga, ka neɛ kaŋ meŋ meɛrɛ dɔglɔ. Kyɛ a seŋ ka kanzaa baŋ lɛ o naŋ na mɛ dɔgle velaa.

1 Kor 6:20

Ba da yɛ la ne daaroŋ naŋ ba wono, azuiŋ yɛ de a yɛ enne danna ne Naaŋmen.

Korinti 2:17

Bonso, te ba de a Naaŋmen yelbiri moɔloo ka o waa yɛroŋ aŋa noba yaga naŋ erɛ lɛ, kyɛ Naaŋmen la toŋ te ka te are O niŋesogɔŋ a Kirista poɔŋ, a yele yɛlɛ ne yelmennoŋ.

Korinti 9:13

A tonnoɔre ŋa ba naŋ tegre nyɛ zie, yɛ maŋ puuro la Naaŋmen a yɛ Kirista yelnoore sagedeebo eŋɛ ane a yɛ kyɔɔtaa yɛ naŋ tere ka ba pono korɔ ba ane a noba zaa,

EFESU 1:19

a baŋ a O kpeɛ̃õ naŋ ba taa mannoo naŋ be tenee a yelderebɛ zie, a seŋ a O faŋ kpoŋ naŋ tonɔ toma lɛ.

EFESU 4:29

Yɛ ta vɛŋ ka yelfaare yire yɛ nɔɛ poore, kyɛ yɛ maŋ yele yɛlɛ naŋ terɛ maaloo a seŋ a naŋ ferɛ lɛ, ka lɛ na vɛŋ ka a yɛ yelbie taa maaloo ko a banaŋ naŋ kyɛllɛ wono a.

EFESU 5:20

a puoro a Saa Naaŋmen bareka tegitegilɛ yelzaa poɔ a te Daana Yeezu Kirista yuori eŋɛ.

EFESU 6:10

A baaraa zaa, yɛ are kpeɛŋaa a Daana eŋɛ, a taa faŋ a O kpeɛ̃õ poɔ.

Filipai Deme Gane 1:11

a taa a Yeezu Kirista mennoŋ, a Naaŋmen puubu ane O dannoo zuiŋ.

Filipai Deme Gane 2:11

kyɛ ka zele zaa yeli ka Yeezu Kirista la a Daana ka a e puubu ko a Saa Naaŋmen.

KOLO 4:6

Yɛ maŋ yele yɛlɛ ne kɔkɔbaaloŋ tegitegilɛ, ka a noma aŋa bon ba naŋ tɛŋ ne nyɛnnoo, ka yɛ na toɔ̃ baŋ lɛ yɛ naŋ na maŋ yeli sɔge neɛzaa.

I Tesa 2:4

kyɛ aŋa lɛ a Naaŋmen naŋ da nyɛ ka te seŋ ne a ka O de a O yelnoore duoro eŋ te nuuriŋ, a lɛ meŋ la ka te moɔlɔ a yelnoore. Te ba moɔlɔ a yelnoore ka te pɛllɛ nensaalba poore, kyɛ te moɔlɔ a la ka te pɛllɛ Naaŋmen poɔ. Ona la maŋ tegre a te sukyie nyɛ.

1 Tim 1:17

Ka a yuomo zaa Naa, a Naaŋmen yeni yoŋ naŋ koŋ baŋ kpi, ka neɛ kontoɔ̃ nyɛ O ne nimiri, nyɛ emmo ane puubu tegitegilɛ. Ameena.

1 Tim 6:16

O yoŋ la koŋ baŋ kpi kyɛ kpeɛrɛ veɛloŋ poɔ neɛzaa naŋ kontoɔ̃ ta. Ona la ka neɛzaa daŋ ba nyɛ bee a na baŋ nyɛ; Ona la so puubu ane kpeɛ̃õ naŋ ba taa baaroo. Ameena.

TITU 2:1

Kyɛ fõõ eŋ, wullo wuluu naŋ tori ne a wul-meŋɛ.

TITU 2:15

Yele a yɛlɛ ama; yele yɛlɛ teɛrɛ kyɛ kpaana noba ne kpeɛ̃õ. Ta wa vɛŋ ka neɛzaa erɛ fo kaabanyɛ yɛlɛ.

Hiburu 13:7

Yɛ ta inni a yɛ wederebɛ yɛlɛ, a banaŋ naŋ da manne a Naaŋmen yelbiri ko yɛ. Yɛ kaa nyɛ a ba nyɔvoɛ yɛlɛ kyɛ tɔglɔ a ba yeldeebo.

Hiburu 5:12

Bonso, a naŋ wa ta ŋaa, a da seŋ ka yɛ waa wulwulibo, kyɛ ka yɛ naŋ boɔrɔ ka neɛ la wuli yɛ a Naaŋmen yelbiri zannoo piiluu yelbie. A naŋ da seŋ ka yɛ dire saabo, yɛ naŋ kyɛnɛ nyuuro la beroŋ koɔ̃.

Gyimisi 1:19

N poyɛŋ noba, a ferɛɛ la ka yɛ baŋ a yeli ŋa tɛgɛ: yɛ vɛŋ ka neɛzaa maŋ e fɔ̃ɔ̃ ne yɛlɛ kyɛlle wommu, a ta pagra ne yɛlɛ yeluu, ka o suuri ta ŋmorɔ ire;

Gyimisi 1:26

Ka neɛzaa wa teɛre ka o waa la puoripuoro kyɛ ba baŋ o zele taabo, o bɛllɛ la o meŋɛ, ka a o puoruu ba taa tɛgɛ.

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:5

Yɛ naŋ waa kusi-voɛ, yɛ vɛŋ ka Naaŋmen de yɛ mɛ ne seeloŋ die, ka yɛ waa Naaŋmen bagmaale wederebɛ naŋ waa soŋ, ka yɛ maala seeloŋ bagre naŋ seŋ ne Naaŋmen deebo a Yeezu Kirista eŋɛ.

1 Pit 4:10

Yɛ naŋ waa a Naaŋmen garaaseɛ tontonema, yɛ yeni yeni zaa de a kyɔɔtaa na zaa o naŋ taa a soŋnɔ ne o taaba.

1 Pit 4:16

Kyɛ ka yɛ kanzaa wa dire dɔgɛɛ o naŋ waa Kiristabie zuiŋ, o ta vɛŋ ka a e o vi, kyɛ o puu Naaŋmen o naŋ taa a yuori ŋa zuiŋ.

1 Pit 5:11

Ona la so a kpeɛ̃õ tegitegilɛ. Ameena.

Gyud 1:25

ka a Naaŋmen yeni, a te Faara tu a te Daana Yeezu Kirista zie nyɛ puubu, gandaaloŋ, kpeɛ̃õ ane naaloŋ wagre zaa, pampana ane tegitegilɛ. Ameena.