1 Pit 3:9 - Naaŋmen Nɔpaalaa Gane

⁹ Yɛ ta leɛ yɔɔ neɛ naŋ e yɛ faa ne faaloŋ bee a leɛ to neɛ naŋ to yɛ, kyɛ yɛ maŋ leɛ yɔɔ neɛ naŋ sãã yɛ ne maaloo. A ŋaa eŋɛ la ka Naaŋmen da boɔle yɛ ka ka yɛ na di O maaloo gbandiruŋ.

1 Pit 3:9 ပူးပေါင်းရင်းမြစ်များ

Matio Gane 19:29

Kyɛ neɛzaa naŋ bare o yie, bee o yɔɔmine, bee o yɔɔpuuli, bee o saa, bee o ma, bee bibiiri, bee wɛre, N yuori zuiŋ, a soba na nyɛ a la a dɔgle gbɛɛ kɔɔ kyɛ la nyɛ nyɔvore naŋ ba taa baaroo meŋ poɔ.

Matio Gane 25:34

A naa pãã na yeli ko la banaŋ naŋ be o nuduluŋ seŋ, ‘Yɛ wa, yɛnee N Saa naŋ maale, yɛ wa di a naaloŋ gbandiruŋ ba naŋ nare bare yɛ, a yi a tendaa piiluu saŋ.

Matio Gane 5:39

Kyɛ maa yele korɔ yɛ la: Ta yɔɔ neɛ naŋ e fo faa ne faaloŋ. Kyɛ ka neɛ wa va fo duluŋ lampɛgreŋ, leɛ a gɔɔ meŋ ko o ka o fale;

Matio Gane 5:44

Kyɛ maa yele korɔ yɛ, yɛ nɔŋ yɛ dɔndɔnne, a puoro korɔ banaŋ naŋ dɔgrɔ yɛ,

Marko Gane 10:17

A Yeezu naŋ da nara ka O tu sori, dɔɔ kaŋ da zo wa gbi la dumo O niŋesogɔ kyɛ soore O, “Wulwulsoŋ, boŋ ka N na e a nyɛ nyɔvore naŋ ba taa baaroo?”

Luka 10:25

Lɛ la ka a bege baŋna kaŋ da vaa-iri are ka o gyenne a Yeezu. O da soore la a Yeezu, “Wulwullo, boŋ ka a fere ka N e a nyɛ nyɔvore naŋ ba taa baaroo?”

Luka 18:18

Naa kaŋ da wa soore la a Yeezu, “Wulwulsoŋ, boŋ ka N na e a nyɛ nyɔvore naŋ ba taa baaroo?”

Urom 12:14

Yɛ maala banaŋ naŋ dɔgrɔ yɛ, yɛ maala ba kyɛ ta kaara eŋnɛ ba.

Urom 12:17

Yɛ ta de faaloŋ yɔɔ ne neɛzaa naŋ e yɛ faaloŋ; kyɛ yɛ maŋ moɔrɔ ka yɛ erɛ yɛlɛ naŋ soma noba zaa zie.

Urom 8:28

Te baŋ ka yɛlɛ zaa maŋ laŋ tonɔ la a waana ne yelsoŋ a ko banaŋ naŋ nɔŋ Naaŋmen, a banaŋ O naŋ boɔle O poboɔbo zuiŋ.

Urom 8:30

Ka a banaŋ O naŋ da daŋ nare bare, bana meŋ la ka O boɔle, ka a banaŋ O naŋ boɔle, bana meŋ la ka O e ka ba leɛ nemmenne; ka a banaŋ O naŋ e ka ba leɛ nemmenne, bana meŋ la ka O e ka ba nyɛ puubu.

Galesiya 3:14

A ŋaa da eɛɛ la ka ka a Aboraham maaloo na toɔ̃ ta a Nemboore-yobo naŋ be a Kirista Yeezu eŋɛ, kyɛ ka te na toɔ̃ tu a yeldeebo eŋɛ a nyɛ a Vooroŋ Soŋ ba naŋ da eŋ noɔre ko te.

EFESU 4:32

kyɛ taa nimimaaroŋ ne taa, a taa sukyiri baaloŋ, a dire suuri korɔ taa aŋa lɛ Naaŋmen naŋ di suuri ko yɛ a Kirista eŋɛ.

I Tesa 5:15

Yɛ kaara soŋ ka yɛ kanzaa ta wa derɛ faaloŋ yɔɔrɔ ne faaloŋ, kyɛ yɛ maŋ moɔrɔ ka yɛ erɛ soŋ korɔ taa ane a noba zaa.

Hiburu 12:17

Yɛ baŋ ka a lɛ puoriŋ, o naŋ da wa boɔrɔ ka o di a o saa maaloo gbandiruŋ, ba da mɔŋ o la, bonso, vuo da ba kyebe ka o na leɛ o eebo, aneazaa ka o da bɔ la a maaloo ne nentaŋ.

Hiburu 6:14

a yele, “N sereŋ na maale fo la, a e ka fo boorɔ pare yɛlle.”

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.