1 Pit 3:8 - Naaŋmen Nɔpaalaa Gane

⁸ A baaraa zaa, yɛ zaa yɛ taa teɛroŋ yeni, a soŋnɔ banaŋ naŋ be tuo poɔ, a nɔnɔ taa, a taa nimibaaloŋ ne taa ane Sigruumilluu.

1 Pit 3:8 ပူးပေါင်းရင်းမြစ်များ

Matio Gane 18:33

Fo meŋ da kontoɔ̃ zo a fo gbaŋgba-tɔ ŋa nyonono, aŋa N naŋ da zo a fo nyonono lɛ be?’

Luka 10:33

Kyɛ Samareya dɔɔ kaŋ meŋ da tu la a sori na waana, a wa nyɛ a dɔɔ ka o gaŋ, ka o nembaaloŋ zaa kpɛ o.

Toma 2:1

A Pɛnteko daare naŋ da wa ta, ba zaa da laŋ la taa ziyeni.

Toma 27:3

A nyaazie daare, te da ta la Sedɔŋ a sigi a be ka Gyuliose da taa a Pɔɔl ne nimimaaroŋ, kyɛ da ko o sori ka o gaa o bamine zie ka ba te kaa o zie.

Toma 28:7

Wɛre mine da peɛle la a teŋɛ ŋa, a da waa dɔɔ kaŋ naŋ taa yuori a teŋɛ ŋa poɔ ka o yuori di Pubeleyo soobo. O da de te la saanoŋ velaa zaa bebie ata.

Toma 4:32

A noba banaŋ zaa naŋ da sage de a yɛlɛ da taa la teɛroŋ yeni ane sukyiri yeni, ka ba kanzaa da ba yeli ka a bon o naŋ da taa waa la o yoŋ soobo; ba zaa da laŋ la boma.

Urom 12:10

yɛ nɔnɔ taa ne yɔɔloŋ nɔmmo; yɛ vɛŋ ka yɛ kanzaa noba emmo maŋ zuo o tɔsoba deni.

Urom 15:5

Ka a kannyiri ane a yelteɛbo Naaŋmen soŋ yɛ ka yɛ laŋkpeɛrɛ ne yɛ taaba ne yelwontaa, a seŋ a Kirista Yeezu naŋ boɔrɔ lɛ,

1 Kor 1:10

N yɔɔmine ane n yɔɔpuuli, N sɔrɔ yɛ la a te Daana Yeezu Kirista yuori eŋɛ, ka yɛ zaa laŋ noɔre, ka wɛltaa ta be yɛ sogɔŋ, kyɛ yɛ taa teɛroŋ yeni ane yelyeni.

1 Kor 12:26

Ka a eŋɛ nandaa kaŋ wa wono tuo, a eŋɛ nandaare zaa maŋ wono la tuo; ka a nandaa kaŋ wa nyɛ yuori, a zaa maŋ laŋ ne o la a kyellɛ.

EFESU 4:2

Yɛ taa Sigruumilluu ane sumaaroŋ ane kannyiri, a nyɔgrɔ yɛmenne, a taa taa yɛlɛ ne nɔmmo,

EFESU 4:31

Yɛ bare potuoloŋ boorɔ zaa, a bare sutoloŋ, suuri, gɔŋweere, yosãã ane kyiiritaa boorɔ zaa,

EFESU 4:32

kyɛ taa nimimaaroŋ ne taa, a taa sukyiri baaloŋ, a dire suuri korɔ taa aŋa lɛ Naaŋmen naŋ di suuri ko yɛ a Kirista eŋɛ.

Filipai Deme Gane 2:3

Yɛ ta e yelzaa yɛmenne bombɔ-faare bee pɔloo zuiŋ, kyɛ meŋɛ sigruu poɔ, yɛ maŋ kaa yɛ taaba ka ba seɛ yɛmenne.

Filipai Deme Gane 3:16

Yɛ vɛŋ ka te nyɔge bon te naŋ taa kpeɛŋaa.

KOLO 3:12

Yɛ naŋ waa Naaŋmen neŋkaa-irri, nensonne ane O poyɛŋ noba zuiŋ, yɛ de nyonono, nimimaaroŋ, sigruumilluu, sumaaroŋ ane kannyiri su pɔge yɛmenne aŋa bonsuuri.

Hiburu 13:1

Yɛ vɛŋ ka nɔmmo naŋ kyɛnɛ be yɛ zie.

Gyimisi 2:13

Bonso, a sɛrɛɛdiibu poɔ, nembaaloŋ zoobu koŋ kyebe ko neɛ na zaa naŋ ba zo nembaaloŋ; kyɛ nembaaloŋ zoobu maŋ toɔ̃ la sɛrɛɛdiibu.

Gyimisi 3:17

Kyɛ yɛŋ naŋ yi Naaŋmen zie maŋ daŋ e la soŋ, a pãã terɛ maaroŋ, a e baaloŋ lɛ, a nare ka o sagra noɔre, a paale ne nembaalonzoe ane tonveɛle, ka nɔmboore bee bampuori-kombampoɔ yɛlɛ zaa ba kyebe.

Gyimisi 5:11

Serɛzaa, banaŋ naŋ di kannyiri te maŋ yeli ka ba nyɛ la maaloo. Yɛ da woŋ la a Gyɔb kannyiri diibu yɛlɛ kyɛ da nyɛ lɛ a Daana yɛlɛ naŋ waa, O nyonono ane O nembaalonzoe.

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.

1 Pit 2:17

Yɛ eŋnɛ noba zaa. Yɛ nɔnɔ a yelderebɛ. Yɛ zoro Naaŋmen. Yɛ eŋnɛ a nakpoŋ.

1 Pit 5:5

A lɛ ne o zu, yɛ banaŋ naŋ waa baapaalba seŋ ka yɛ sagra a yɛ nembɛrɛ nɔɛ. Yɛ zaa seŋ ka yɛ taa Sigruumilluu ne taa, bonso, ba sɛge la a gansoŋ poɔ: “Naaŋmen maŋ zagre la a pɔloo deme yɛlɛ, kyɛ maŋ korɔ a Sigruumilluu deme garaaseɛ.”

2 Pit 1:7

a de yɔɔloŋ nɔmmo teɛ ne a Naaŋmennoŋ, a de nɔmmo teɛ ne a yɔɔloŋ nɔmmo.

1 Gyn 3:14

Te baŋ ka te yi la kũũ poɔ a kpɛ nyɔvore poɔ, te naŋ nɔŋ taa zuiŋ. Soba na zaa naŋ ba taa nɔmmo be la kũũ poɔ.