1 Pit 3:5 - Naaŋmen Nɔpaalaa Gane

⁵ A ŋaa la ka a dakoroŋ saŋ pɔgsonne naŋ da de ba teɛretɔroo eŋ Naaŋmen eŋɛ da maŋ vɛŋ ka ba veɛloŋ waa. Ba da maŋ sigre la bamenne korɔ ba serebɛ.

1 Pit 3:5 ပူးပေါင်းရင်းမြစ်များ

Luka 2:37

Lɛ la ka o da leɛ pɔgekoɔre te ta yuomo lezaanaare ne anaare. O da ba yire a Naaŋmen die poɔ, kyɛ da maŋ leŋ noɔre, a puoro Naaŋmen ŋmenaa ane tensogɔ.

Toma 1:14

A bama zaa da kpimare la puoruu, ba ne pɔgeba mine ane Mareya a Yeezu ma, ane a O yɔɔmine.

Toma 9:36

A potuuro kaŋ da be la a Gyopa poɔ ka o yuori di Tabita kyɛ ka ba boɔlɔ o Dɔɔkase a Giriki kɔkɔre poɔ. O da kpi mare la tonsonne eebo ane nɔmmo toma.

EFESU 5:33

A naŋ waa lɛ, yɛ kanzaa seŋ ka o nɔŋ o pɔge aŋa o meŋɛ, ka a pɔge meŋ ennɛ a o serɛ.

1 Tim 2:10

Kyɛ ba tonɔ tonsonne aŋa lɛ a naŋ seŋ ne pɔgeba naŋ eŋnɛ Naaŋmen.

1 Tim 2:15

Kyɛ a pɔge na nyɛ la faabo yi a biiri dɔgebo poɔ, ka ba naŋ wa kyɛnɛ be a yeldeebo ane nɔmmo ane sonnoŋ poɔ a kyɛ baŋ bamenne taabo.

1 Tim 5:10

A seŋ ka o taa yosoŋ a o tonveɛle zuiŋ, a waa neɛ naŋ kaa o biiri ka ba baa, a derɛ saama saanoŋ, a maŋ pɛge a nensonne gbɛɛ, a soŋ a dɔgɛɛ deme kyɛ kpimare tonɔ tonveɛle yelzaa poɔ.

1 Tim 5:5

Pɔgekoɔre na naŋ sereŋ e pɔgekoɔre, a kpeɛrɛ o yoŋ tɛge, a ba taa neɛzaa naŋ kaara o zu, maŋ de la o teɛretɔroo eŋ Naaŋmen, a sɔrɔ O kyɛ puoro tegitegilɛ ŋmenaa ane tensogɔ.

Hiburu 11:11

Yeldeebo zuiŋ la so ka Aboraham da kore yaga zaa kyɛ da nyɛ faŋ a dɔge bie ne o pɔge Saara naŋ da e pɔg-ɔre, bonso, a Aboraham da sage ka Naaŋmen naŋ eŋ a noɔre waa la yelmeŋɛ soba.

1 Pit 1:3

Ka Naaŋmen, a te Daana Yeezu Kirista Saa, nyɛ puubu! A O nembaalonzoe naŋ e kpoŋ eŋɛ la ka ba leɛ dɔge te paalaa, ka te pãã taa teɛretɔroo naŋ e vore a Yeezu Kirista kũũ leɛ-iruu eŋɛ,