1 Pit 3:17 - Naaŋmen Nɔpaalaa Gane

¹⁷ Bonso, ka yɛneŋ di dɔgɛɛ naŋ e Naaŋmen poboɔbo a yɛ yelveɛle zuiŋ, a naŋ seɛ yɛ naŋ di dɔgɛɛ yɛ yelfaare eŋɛ.

1 Pit 3:17 ပူးပေါင်းရင်းမြစ်များ

Matio Gane 26:39

A Yeezu naŋ da wa kyɛŋ tɔle nimitɔɔre belaa, O da le vɔgle la teŋɛ a puoro yele, “N Saa, ka a naŋ da na taa eebo, vɛŋ ka a zuŋmanekoɔ̃ ŋa wa pare ma bare, kyɛ anealɛzaa, ka a ta e seŋ lɛ maa naŋ boɔrɔ, kyɛ lɛ fõõ naŋ boɔrɔ.”

Matio Gane 26:42

A Yeezu da la maaleŋ gaa la a boyi soba a te puori a yele, “N Saa, ka a zuŋmanekoɔ̃ ŋa kontoɔ̃ wa pare ma bare, kyɛ ka a ferɛ ka N nyu o, ka a e seŋ lɛ fo naŋ boɔrɔ.”

Toma 18:21

kyɛ o naŋ da wa bare ba, o da yelee la, “N na leɛ wa la yɛ zie ka Naaŋmen wa boɔrɔ.” A lɛ puoriŋ, o da kpɛ la gbori a yi a Efesu teŋɛ poɔ.

Toma 21:14

O naŋ da ba sage na de a te yɛlɛ, te da ba taa yeli zaa na yeli ka a yeluu ŋa yoŋ naane, “Ka a Daana poboɔbo nyɛ eebo.”

1 Pit 1:6

Yɛ taa kyelloo a ŋaa eŋɛ haali ka yɛneŋ wa kpɛ dɔgɛɛ tɛɛtɛɛ poɔ belaa pampana ŋa.

1 Pit 2:15

Bonso, a e la Naaŋmen poboɔbo ka a yɛ yelveɛle eebo vɛŋ ka a babaŋneba ta taa noɔre na yeli yɛlɛ a ba damboluŋ zuiŋ.

1 Pit 2:20

Ka yɛneŋ di kannyiri ba naŋ ŋmeɛrɛ yɛ a yɛ saanaa zuiŋ, boŋ tɔnɔ la ka a taa? Kyɛ ka yɛneŋ wa taa kannyiri a yɛ yelveɛle eebo poɔ a di dɔgɛɛ, yɛ nyɛ la Naaŋmen maaloo.

1 Pit 3:14

Kyɛ ka yɛneŋ gba dire dɔgɛɛ yɛ naŋ erɛ yelveɛle zuiŋ, yɛ nyɛ la maaloo. Yɛ ta zoro neɛzaa dabeɛ̃ bee a vɛŋ ka ba tɔ dabeɛ̃ eŋ yɛ,

1 Pit 4:15

Kyɛ yɛ ta vɛŋ ka yɛ kanzaa wa nyɛrɛ dɔgroŋ o naŋ e neŋkoorɔ zuiŋ bee nannyige, bee yelfa-errɛ, bee nen-gagaraa.

1 Pit 4:19

Azuiŋ, yɛ vɛŋ ka banaŋ naŋ nyɛrɛ dɔgɛɛ a Naaŋmen poboɔbo eŋɛ, de bamenne ko a Boma Zaa Ire naŋ e meŋɛ kyɛ naŋ kyɛnɛ erɛ yelveɛle.