1 Pit 3:16 - Naaŋmen Nɔpaalaa Gane

¹⁶ kyɛ yɛ maŋ manne a yɛlɛ ne sumaaroŋ ane emmo. Yɛ taa teɛroŋ sonne ka ka ba naŋ wa toorɔ yɛ, ka vi kpɛ a banaŋ naŋ erɛ yɛ faa a yɛ yelveɛle yɛ naŋ erɛ a Kirista zuiŋ.

1 Pit 3:16 ပူးပေါင်းရင်းမြစ်များ

Matio Gane 5:11

“Banaŋ noba naŋ toorɔ, a dɔgrɔ ba, kyɛ derɛ yelfa-boorɔ zaa duoro ba, a ŋmaara zirii dɔglɔ ba N zuiŋ nyɛ la maaloo.

Toma 24:16

Azuiŋ, N erɛ la aneɛ ka N taa teɛroŋ soŋ Naaŋmen zie ane nensaalba zaa zie.

Toma 28:22

Kyɛ te boɔrɔ la ka fo manne a fo poteɛrɛ ka te woŋ, bonso, te baŋ ka a puoruu ŋa eŋ, ba yele zɔɔrɔ ne la o yɛlɛ zie zaa.”

Urom 9:1

N yele la a yelmeŋɛ a Kirista eŋɛ, N ba ŋmaara zirii. N zoma di la danseɛ a Vooroŋ Soŋ eŋɛ.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Korinti 4:2

Te zagre la a vi yɛlɛ na neɛ naŋ maŋ sɔgle. Te koŋ sage de nyaayɛlɛ bɛllɛ ne neɛzaa bee a ŋmaara zirii ne a Naaŋmen yelbiri, kyɛ te yele la a yɛlɛ weliweli ka a yelmeŋɛ na sãã kyɛ boɔrɔ ka neɛzaa nyɛ ka te waa la nemmenne a Naaŋmen niŋesogɔ.

1 Tim 1:19

a taa yeldeebo ane teɛroŋ soŋ. A noba mine naŋ da zagre a teɛroŋ soŋ ŋa bare zuiŋ, a ba yeldeebo da lee la.

1 Tim 1:5

Kyɛ a wuluu ŋa yelnyɔgraa la nɔmmo naŋ yire sukyirpelaa, teɛroŋ soŋ ane yeldeebo naŋ waa meŋɛ zie.

2 Tim 1:3

N puoro la Naaŋmen bareka yaga zaa (Ona la ka N puoro ne teɛroŋ soŋ aŋa n sããkommine naŋ da e lɛ) ka maa wa leɛ-teɛre fo yɛlɛ tegitegilɛ a n puoruu poɔ ŋmenaa ane tensogɔ.

TITU 2:8

ka a fo yelyelii waa soŋ ka neɛzaa ta nyɛ fo yelfaa zaa yeli; a lɛ la ka banaŋ naŋ zɔɔrɔ ne te na di vi, ba naŋ koŋ nyɛ yelfaa zaa a na yeli kyaare ne te zuiŋ.

Hiburu 13:18

Yɛ puoro korɔ te. Te ba taa bonnoo ka te sukyie ba taa saanaa zaa, a maŋ nɔnɔ ka te erɛ velaa yelzaa poɔ.

Hiburu 9:14

wola ka a Kirista zẽẽ O naŋ tu a Vooroŋ Soŋ naŋ ba taa baaraa zie a de O meŋɛ naŋ ba taa saanaa zaa ko Naaŋmen koŋ baŋ maale a te sukyie yaga zaa a yi ne yɛlɛ naŋ ba taa tɔnɔ zie ka te na toɔ̃ puoro a Naaŋmen-vore!

1 Pit 2:12

Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:15

Bonso, a e la Naaŋmen poboɔbo ka a yɛ yelveɛle eebo vɛŋ ka a babaŋneba ta taa noɔre na yeli yɛlɛ a ba damboluŋ zuiŋ.

1 Pit 2:19

Bonso, a na e la maaloo ko yɛ, ka yɛneŋ wa sage di kannyiri a woŋ tuo yɛ naŋ ba seŋ ka yɛ nyɛ, a Naaŋmen noɔre sagoo zuiŋ.

1 Pit 3:21

A koɔ̃ ŋa da e la yelmannaa naŋ are ko suobu deebo naŋ maŋ faa yɛ pampana. A ba e ŋa eŋgane dɛgre sobaroo la, kyɛ a noɔre yɛ naŋ eŋ ko Naaŋmen ne teɛroŋ velaa a Yeezu Kirista kũũ leɛ-iruu eŋɛ la.

1 Pit 4:4

Ba nɔɛ maaɛ la ne yɛ naŋ ba la laŋna ne ba erɛ a yeldɛgɛ, ka a lɛ vɛŋ ka ba toorɔ yɛ zoma.