1 Pit 3:14 - Naaŋmen Nɔpaalaa Gane

¹⁴ Kyɛ ka yɛneŋ gba dire dɔgɛɛ yɛ naŋ erɛ yelveɛle zuiŋ, yɛ nyɛ la maaloo. Yɛ ta zoro neɛzaa dabeɛ̃ bee a vɛŋ ka ba tɔ dabeɛ̃ eŋ yɛ,

1 Pit 3:14 ပူးပေါင်းရင်းမြစ်များ

Matio Gane 10:28

Yɛ ta zoro banaŋ naŋ na toɔ̃ iri a nensaala nyɔvore kyɛ kontoɔ̃ ko o seɛ. Kyɛ yɛ zoro onaŋ naŋ na toɔ̃ iri a nensaala nyɔvore kyɛ naŋ toɔ̃ de o seɛ meŋ eŋ dazugovũũ poɔ.

Matio Gane 10:31

Azuiŋ yɛ ta zoro dabeɛ̃. Yɛ taa la tɔnɔ yaga zaa a gaŋ a daviime.”

Matio Gane 10:39

Banaŋ zaa naŋ boɔrɔ bamenne nyɔvoɛ, na kɔŋ la ba nyɔvoɛ, kyɛ banaŋ zaa meŋ naŋ kɔŋ ba nyɔvoɛ N zuiŋ, na leɛ nyɛ la ba nyɔvoɛ.

Matio Gane 16:25

Bonso, banaŋ zaa naŋ boɔrɔ ka ba faa ba nyɔvoɛ na wɛ la. Kyɛ banaŋ zaa meŋ naŋ sage ka ba kɔŋ ba nyɔvoɛ N zuiŋ, ba na nyɛ la ba nyɔvoɛ.

Matio Gane 19:29

Kyɛ neɛzaa naŋ bare o yie, bee o yɔɔmine, bee o yɔɔpuuli, bee o saa, bee o ma, bee bibiiri, bee wɛre, N yuori zuiŋ, a soba na nyɛ a la a dɔgle gbɛɛ kɔɔ kyɛ la nyɛ nyɔvore naŋ ba taa baaroo meŋ poɔ.

Marko Gane 10:29

Ka a Yeezu yeli, “Yelmeŋɛ ka N yele korɔ yɛ, neɛzaa kyebe a bare o yiri, bee o yɔɔmine, bee o yɔɔpuuli, bee ma, bee saa, bee biiri, bee wɛre N zuiŋ, bee a Ŋmen-yelnoore zuiŋ,

Marko Gane 8:35

Bonso, banaŋ zaa naŋ boɔrɔ ka ba faa bamenne nyɔvoɛ, na kɔŋaa la, kyɛ banaŋ zaa meŋ naŋ sage ka ba kɔŋ ba nyɔvoɛ N zuiŋ ane a Ŋmen-yelnoore zuiŋ na leɛ nyɛ la a ba nyɔvoɛ.

Gyɔɔn 14:1

“Yɛ ta vɛŋ ka yɛ sukyie dɔɔnɔ yɛ. Yɛ sage de Naaŋmen yɛlɛ, a sage de N meŋ yɛlɛ.

Gyɔɔn 14:27

N bara la emmaaroŋ korɔ yɛ. N korɔ yɛ la N emmaaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

Toma 9:16

Maa meŋɛ na wuli o la lɛ o naŋ na di dɔgɛɛ seŋ a N zuiŋ.”

Korinti 12:10

Azuiŋ, N poɔ pɛle ne la bambaaloŋ, zoma, tuo, dɔgroŋ ane yelwolɔ a Kirista zuiŋ, bonso, saŋ na zaa N naŋ maŋ wa waa bambaala, lɛ la ka N maŋ taa faŋ.

Filipai Deme Gane 1:29

Bonso, O ko yɛ la sori ne O poɔ zaa, ka ka yɛ na ta sage de a Kirista yɛlɛ yoŋ, kyɛ yɛ na dire la dɔgɛɛ O zuiŋ meŋ;

Gyimisi 1:12

Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

Gyimisi 5:11

Serɛzaa, banaŋ naŋ di kannyiri te maŋ yeli ka ba nyɛ la maaloo. Yɛ da woŋ la a Gyɔb kannyiri diibu yɛlɛ kyɛ da nyɛ lɛ a Daana yɛlɛ naŋ waa, O nyonono ane O nembaalonzoe.

1 Pit 3:6

A lɛ la ka Saara da sagra Aboraham noɔre a da maŋ boɔle o daana. Yɛ leɛ la o pɔgeyaare, saŋ na zaa yɛ naŋ wa erɛ velaa a ba zoro dabeɛ̃.