1 Pit 3:11 - Naaŋmen Nɔpaalaa Gane

¹¹ Ba leɛ ba puori ko yelfaare eebo kyɛ erɛ velaa; a boɔrɔ emmaaroŋ kyɛ moɔrɔ ka ba bɔ nyɛ o.

1 Pit 3:11 ပူးပေါင်းရင်းမြစ်များ

Matio Gane 5:45

ka yɛ na toɔ̃ waa a yɛ Saa naŋ be tenvelaa poɔ biiri. Bonso, ona la maŋ e ka ŋmenaa puri eŋ a nenfaare ane a nemmenne; a kyɛ e ka saa mi eŋ a nemmenne ane a nenfaare zaa.

Matio Gane 5:9

“Banaŋ naŋ boɔrɔ ka maaroŋ be noba zie nyɛ la maaloo, bonso, bana la ka ba na boɔlɔ Naaŋmen biiri.

Matio Gane 6:13

Ta e ka te kpɛ enyaabo poɔ, kyɛ faa te yi ne a nenfaa nuuri poɔ.

Marko Gane 14:7

Bonso, nembaalba na maŋ be la yɛ zie tegitegilɛ, ka yɛ na toɔ̃ soŋ ba saŋ na zaa yɛ naŋ boɔrɔ; kyɛ maa koŋ be yɛ zie tegitegilɛ.

Luka 1:79

a ko banaŋ naŋ zeŋ ligruŋ ane kũũ dasuoluŋ poɔ veɛloŋ, a na gu te gbɛɛ emmaaroŋ sori poɔ.”

Luka 6:35

Kyɛ yɛ nɔnɔ yɛ dɔndɔnne, a erɛ soŋ, a pɛŋnɛ noba, kyɛ ta teɛrɛ ka ba leɛ yɔɔ yɛ. A yɛ san-yɔɔ na e la kpoŋ, ka yɛ e a Naaŋmen Kpeɛ̃õ Zaa Daana biiri, bonso, O maŋ taa la nimimaaroŋ ko a potuo deme ane a nenfaare.

Luka 6:9

Lɛ la ka Yeezu yeli ko ba, “Ka N soore yɛ, sori bebe la ka neɛ e yelvelaa bee yelfaa a pɛnnoo bebiri daare, a faa nyɔvore bee a saa nyɔvore?”

Gyɔɔn 17:15

N ba sɔrɔ ka fo iri ba yi ne a tendaa poɔ, kyɛ N sɔrɔ la ka fo guuro ba a faaloŋ soba eŋɛ.

Urom 12:18

Ka anaŋ na toɔ̃ nyɛ eebo yɛ zie, yɛ taa emmaaroŋ ne a noba zaa.

Urom 14:17

Bonso, a Naaŋmen naaloŋ ba e bondirii ane bonnyuuri yɛlɛ, kyɛ o waa la mennoŋ, emmaaroŋ ane popeɛloŋ yɛlɛ a Vooroŋ Soŋ poɔ.

Urom 14:19

Yɛ pãã vɛŋ ka te boɔrɔ yɛlɛ naŋ waana ne emmaaroŋ ane te zaa baabo.

Urom 5:1

Azuiŋ, te naŋ leɛ nensonne a te yeldeebo zuiŋ, te taa la emmaaroŋ ne Naaŋmen a yi te Daana Yeezu Kirista eŋɛ.

Urom 7:19

Bonso, N ba maŋ toɔ̃ e a soŋ na n naŋ maŋ boɔrɔ, kyɛ a faaloŋ na n naŋ ba maŋ boɔrɔ la ka N maŋ e.

Urom 7:21

Azuiŋ, N nyɛɛ la ka o waa bege ka maa wa boɔrɔ ka N e yeli naŋ soma, faaloŋ maŋ peɛle ma la yaga.

Urom 8:6

Neɛ naŋ de o teɛroŋ zaa eŋ nensaaloŋ eŋɛ na kpi la; kyɛ neɛ naŋ de o teɛroŋ zaa eŋ a Vooroŋ Soŋ eŋɛ na taa la nyɔvore ane emmaaroŋ.

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

Galesiya 6:10

A lɛ zuiŋ, saŋ na zaa te naŋ maŋ wa taa a vuo, yɛ vɛŋ ka te erɛ soŋ a korɔ noba zaa, a maaleŋ gaŋ a zaa, a erɛ soŋ korɔ te taaba naŋ e yelderebɛ.

KOLO 3:15

Yɛ vɛŋ ka a Kirista maaroŋ di naaloŋ yɛ sukyie poore, a maaroŋ ŋa poɔ la ka ba da sereŋ boɔle yɛ eŋ a enda-yeni eŋɛ. Yɛ maŋ puoro bareka.

1 Tim 6:18

A seŋ ka ba erɛ soŋ, a leɛ bondaanema tonsonne poɔ, a taa nimibaaloŋ kyɛ pono ba boma,

Hiburu 12:14

Yɛ eŋ faŋ a boɔrɔ ka maaroŋ be yɛ ne noba zaa zie ane a sonnoŋ na neɛ naŋ ba taa o, kontoɔ̃ nyɛ a Daana.

Hiburu 13:16

Yɛ ta nagra ka yɛ erɛ velaa kyɛ pono ne noba a boma yɛ naŋ taa, bonso, a bagmaale ama taaba la pɛllɛ Naaŋmen poɔ.

Gyimisi 4:17

Neɛ na zaa naŋ pãã baŋ yeli naŋ soma ka a seŋ ka o e, kyɛ ba e, a soba e la yelbieri.

1 Pit 3:12

Bonso, a Daana nimie pigre la a nemmenne, kyɛ ka O tobo yuo kyaare a ba puoruu. Kyɛ a Daana zɔɔrɔ ne la banaŋ naŋ erɛ yelfaare.”

3 Gyn 1:11

N poyɛŋ neɛ, ta tɔglɔ yelfaare, tɔglɔ yelveɛle. Soba na zaa naŋ erɛ yelveɛle yi la Naaŋmen zie, ka soba na zaa naŋ erɛ yelfaare ba nyɛ Naaŋmen.