1 Pit 2:9 - Naaŋmen Nɔpaalaa Gane

⁹ Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 2:9 ပူးပေါင်းရင်းမြစ်များ

Matio Gane 4:16

a noba naŋ da zeŋ lige poɔ nyɛ la veɛloŋ kpoŋ, ka banaŋ meŋ naŋ da zeŋ a kũũ dasuoluŋ poɔ, veɛloŋ kpoŋ kyaane ba la.”

Matio Gane 5:16

A lɛ ne o zu, yɛ vɛŋ ka yɛ veɛloŋ kyaana yɛ taaba zie ka ba na nyɛ a yɛ tonveɛle kyɛ de puubu ko a yɛ Saa naŋ be tenvelaa poɔ.

Luka 1:79

a ko banaŋ naŋ zeŋ ligruŋ ane kũũ dasuoluŋ poɔ veɛloŋ, a na gu te gbɛɛ emmaaroŋ sori poɔ.”

Gyɔɔn 17:19

Kyɛ a ba eŋɛ la ka N maale N meŋɛ, ka ka ba meŋ na maale bamenne a yelmeŋɛ poɔ.”

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Toma 26:18

ka fo te yuo ba nimie ka ba na bare ligruŋ toma kyɛ kpɛ kyaane poɔ, a yi Setaana naaloŋ poɔ kyɛ kpɛ Naaŋmen naaloŋ poɔ, ka a lɛ na vɛŋ ka ba nyɛ yelbebe sudi kyɛ kpɛ a banaŋ yeldeebo naŋ e ka ba leɛ nensonne poɔ.’

Toma 26:28

Ka a Ageripa soore a Pɔɔl, “Fo teɛre ka fo na toɔ̃ e la ka N leɛ Kiristabie wieouŋ lɛ be?”

Urom 9:24

a laŋ ne te meŋ O naŋ da boɔle, a ba e a Gyuumine yoŋ poɔ kyɛ a Nemboore-yobo meŋ poɔ.

1 Kor 3:17

Ka neɛzaa wa sãã a Naaŋmen die, Naaŋmen meŋ na sãã la o soba, bonso, a Naaŋmen die waa la soŋ, kyɛ yɛnee meŋ la a Naaŋmen die ŋa.

EFESU 1:14

A te gbandiruŋ nɔ-eŋnaa la ŋa te naŋ taa kyaare ne a faabo te naŋ nyɛ a waa a Naaŋmen meŋɛ noba, a na danna O yuori a korɔ O puubu.

EFESU 1:6

ka a e puubu ko a O garaaseɛ kyɔɔta-kpoŋ O naŋ de ko te weɛlɛ a O Poyɛŋ Bie eŋɛ.

EFESU 3:21

Ona la so puubu, a puoruu laŋne poɔ ane a Kirista Yeezu poɔ tegitegilɛ ane yuoni yuoni zaa. Ameena.

Filipai Deme Gane 3:14

N erɛ la aneɛ a gɛrɛ niŋe ka N ta a taabo zie a nyɛ a tenvelaa kyɔɔtaare na eŋɛ Naaŋmen naŋ boɔle ma eŋ a Kirista Yeezu eŋɛ.

KOLO 1:13

O faa te la yi a ligruŋ kpeɛ̃õ poɔ kyɛ taa te wa eŋ a O poyɛŋ Bie naaloŋ poɔ,

2 Tim 1:9

Ona la da faa te kyɛ boɔle te ne boɔlaa naŋ e soŋ, a ba e a te toma zuiŋ kyɛ O meŋɛ poboɔbo ane O garaaseɛ zuiŋ la. O da ko te la a garaaseɛ ŋa a Kirista Yeezu eŋɛ kyɛ ka a tendaa wa bebe.

TITU 2:14

Ona la da de O meŋɛ tere ka O faa te yi yelbebe zaa poɔ kyɛ peere te ka te yi fanana a waa O meŋɛ noba naŋ kyerɛ ne tonsonne tommo.

1 Pit 1:2

A Saa Naaŋmen la kaa-iri yɛ a seŋ O naŋ nare biŋ kyɛ maale yɛ ne a Vooroŋ Soŋ ka yɛ waa soŋ a sagra a Yeezu Kirista yɛlɛ, ka ba mere yɛ ne a O zẽẽ: Ka a Naaŋmen garaaseɛ ane maaroŋ be yɛ zie yaga lɛ.

1 Pit 2:5

Yɛ naŋ waa kusi-voɛ, yɛ vɛŋ ka Naaŋmen de yɛ mɛ ne seeloŋ die, ka yɛ waa Naaŋmen bagmaale wederebɛ naŋ waa soŋ, ka yɛ maala seeloŋ bagre naŋ seŋ ne Naaŋmen deebo a Yeezu Kirista eŋɛ.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

Yel-iriwulaa Gane 1:6

a kyɛ e ka te waa namine boorɔ, Naaŋmen bagmaale wederebɛ, a tonɔ korɔ a O Naaŋmen ane a O Saa nyɛ puubu ane kpeɛ̃õ tegitegilɛ. Ameena.

Yel-iriwulaa Gane 20:6

Banaŋ naŋ poɔ a dɛndɛŋ kũũ leɛ-iruu poɔ nyɛ la maaloo ane sonnoŋ. A kũũ boyi soba ba taa kpeɛ̃õ ba zu, kyɛ ba na e la Naaŋmen ane a Kirista bagmaale wederebɛ a laŋ ne O di naaloŋ yuomo turi.

Yel-iriwulaa Gane 5:10

Fo eɛɛ la ka ba waa namine ane Naaŋmen bagmaale wederebɛ, a tonɔ korɔ a te Naaŋmen, kyɛ ba na di la naaloŋ a teŋɛzu.”