1 Pit 2:5 - Naaŋmen Nɔpaalaa Gane

⁵ Yɛ naŋ waa kusi-voɛ, yɛ vɛŋ ka Naaŋmen de yɛ mɛ ne seeloŋ die, ka yɛ waa Naaŋmen bagmaale wederebɛ naŋ waa soŋ, ka yɛ maala seeloŋ bagre naŋ seŋ ne Naaŋmen deebo a Yeezu Kirista eŋɛ.

1 Pit 2:5 ပူးပေါင်းရင်းမြစ်များ

Urom 12:1

Azuiŋ n yɔɔmine ane n yɔɔpuuli, N sɔrɔ yɛ la ne a Naaŋmen nyonono zoobu, ka yɛ de yɛ enne ka a e kyɔɔta-voɛ, naŋ waa soŋ, ka Naaŋmen na sage de. A ŋaa la a yɛ seeloŋ poɔ Naaŋmen puoruu.

Urom 15:16

ka N waa a Kirista Yeezu tontonɔ a Nemboore-yobo zie. N poɔ la a Ŋmen-yelnoore toma poɔ, ka ka lɛ e ka Naaŋmen sage de a Nemboore-yobo kyɔɔtaare a Vooroŋ Soŋ naŋ pɛge ka a yi.

1 Kor 3:16

Yɛ ba baŋ ka yɛ waa la a Naaŋmen die ka a Naaŋmen Vooroŋ kpeɛrɛ yɛ poɔ be?

1 Kor 3:9

Bonso, te waa la Naaŋmen tontonema naŋ laŋ tonɔ, yɛnee la a Naaŋmen weɛ, a Naaŋmen yiri.

1 Kor 6:19

Bee yɛ ba baŋ ka a yɛ enne waa la a Vooroŋ Soŋ Naaŋmen naŋ ko yɛ kpeɛbozie, ka yɛ ba la so a yɛ enne?

Korinti 6:16

Boŋ yelwontaa la ka Naaŋmen puoruu die taa ne tebɛ die? Bonso, te waa la a Naaŋmen-vore die; aŋa Naaŋmen naŋ da yeli: “N na kpeɛrɛ la ba poɔ, kyɛ kyɛnɛ ba sogɔŋ, N na waa la ba Naaŋmen, ka ba meŋ waa N noba.

Galesiya 6:10

A lɛ zuiŋ, saŋ na zaa te naŋ maŋ wa taa a vuo, yɛ vɛŋ ka te erɛ soŋ a korɔ noba zaa, a maaleŋ gaŋ a zaa, a erɛ soŋ korɔ te taaba naŋ e yelderebɛ.

Filipai Deme Gane 1:11

a taa a Yeezu Kirista mennoŋ, a Naaŋmen puubu ane O dannoo zuiŋ.

Filipai Deme Gane 2:17

Kyɛ haali ka ba naŋ kyiri n zẽẽ bare aŋa bagmaale koɔ̃ ba naŋ bara, a yɛ Naaŋmen bagmaale ane a yɛ yeldeebo kyɔɔtaare teroo zuiŋ, n poɔ na pɛle la ka N kyellɛ a yɛ zaa zuiŋ;

Filipai Deme Gane 4:18

Ba yɔɔ ma la ka a ta ka N taa ka a gaŋ lɛ N naŋ boɔrɔ. N taaɛ la ka a seŋ ma ne a kyɔɔtaare yɛ naŋ da tere ka Epafiroditu wa ko ma. A waa la kyɔɔtaare nyuu naŋ noma kyɛ e bagmaale bon naŋ seŋ ne deebo kyɛ pɛllɛ Naaŋmen poɔ.

KOLO 3:17

Yelzaa yɛ naŋ yele bee a erɛ, yɛ erɛ a zaa a Daana Yeezu yuori eŋɛ, a tu O zie puoro a Saa Naaŋmen bareka.

1 Tim 3:15

maa wa kɔɔre, ka yɛ na baŋ lɛ kanzaa naŋ seŋ ka o taa o meŋɛ a Naaŋmen yiri poɔ. Ona la a Naaŋmen-vore puoruu laŋne, a waa a yelmeŋɛ dalugri ane a yelmeŋɛ kpeɛ̃õ zie.

Hiburu 3:6

Kyɛ Kirista naŋ waa a Naaŋmen bidɔɔ, O da taa la yelmennoŋ a Naaŋmen yiri zaa zu. Tenee la a O yiri, ka teneŋ wa nyɔge a te bambaare taa kpeɛŋaa ane a pɔloo naŋ kyaare ne teɛretɔroo.

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

1 Pit 4:17

Bonso, a saŋ taɛ la ka sɛrɛɛdiibu na piili ne Naaŋmen yideme. Ka a sɛrɛɛdiibu pãã na piili ne te, wola ka a baaraa na waa ko banaŋ naŋ zagre a Ŋmen-yelnoore bare?

Yel-iriwulaa Gane 1:6

a kyɛ e ka te waa namine boorɔ, Naaŋmen bagmaale wederebɛ, a tonɔ korɔ a O Naaŋmen ane a O Saa nyɛ puubu ane kpeɛ̃õ tegitegilɛ. Ameena.

Yel-iriwulaa Gane 20:6

Banaŋ naŋ poɔ a dɛndɛŋ kũũ leɛ-iruu poɔ nyɛ la maaloo ane sonnoŋ. A kũũ boyi soba ba taa kpeɛ̃õ ba zu, kyɛ ba na e la Naaŋmen ane a Kirista bagmaale wederebɛ a laŋ ne O di naaloŋ yuomo turi.

Yel-iriwulaa Gane 3:12

Ka fõõ wa zɔɔtoɔ̃, N na e la ka fo waa ŋa dalugri a N Naaŋmen puoruudie poɔ; fo daŋ koŋ yi o poɔ togitogi zaa. N na sɛge eŋ la fo eŋɛ a N Naaŋmen yuori ane a N Naaŋmen teŋkpoŋ yuori, a Gyɛruzɛlɛm paalaa naŋ yi a N Naaŋmen zie a tenvelaa poɔ sigre waana ane a N meŋɛ yopaalaa.

Yel-iriwulaa Gane 5:10

Fo eɛɛ la ka ba waa namine ane Naaŋmen bagmaale wederebɛ, a tonɔ korɔ a te Naaŋmen, kyɛ ba na di la naaloŋ a teŋɛzu.”