1 Pit 2:4 - Naaŋmen Nɔpaalaa Gane

⁴ Yɛ wa O zie, a kusi-vore zie, aneazaa ka nensaalba da zagre O la bare kyɛ Naaŋmen kaa-iri O la ka O waa kusi-yuori.

1 Pit 2:4 ပူးပေါင်းရင်းမြစ်များ

Matio Gane 11:28

“Yɛ wa N zie, yɛ banaŋ zaa naŋ tuo tuotegrɛ a bale, N na ko yɛ la pɛnnoo.

Matio Gane 12:18

“A N tontonɔ N naŋ kaa-iri la ŋa, A N poyɛŋ neɛ, ona la ka N poɔ pɛle ne. N na de la N Vooroŋ Soŋ eŋ O, ka O na moɔle N sɛrɛɛdiibu naŋ tori ko a Nemboore-yobo.

Matio Gane 21:42

Ka a Yeezu yeli ko ba, “Yɛ mɔɔ daŋ ba sɔre a gansoŋ poɔ nyɛ be: ‘A kuuri na a mɛmeɛrebɛ naŋ zagre bare la leɛ a yiri pare kuuri, a Daana tontonne la, a e la nɔmaa ko te.’

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 5:26

Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie.

Gyɔɔn 5:40

Kyɛ ka yɛ zagre ka yɛ wa N zie a wa nyɛ nyɔvore.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Gyɔɔn 6:57

Aŋa lɛ a Saa vore naŋ toŋ ma, ka N voorɔ a Saa zuiŋ, lɛ meŋ la ka soba na zaa naŋ di N eŋɛ na voorɔ a N zuiŋ.

Urom 5:10

Ka teneŋ da naŋ waa dɔndɔnne kyɛ ka te ne Naaŋmen da leɛ maale taa yi a O Bidɔɔ kũũ eŋɛ, serɛzaa, te naŋ leɛ maale taa, te na nyɛ la faabo a O Bidɔɔ nyɔvore zuiŋ.

1 Kor 3:11

Bonso, neɛzaa koŋ la baŋ biŋ yiri pare zaa ka a onaŋ ba naŋ biŋ naane; a yiri pare ŋa la a Yeezu Kirista.

KOLO 3:4

Ka a Kirista naŋ waa a yɛ nyɔvore wa sãã, lɛ meŋ la ka yɛ ne O pãã na laŋ sãã a O puubu poɔ.

1 Pit 1:19

kyɛ a Kirista zẽẽ naŋ taa yuori la ka ba de faa ne yɛ; aŋa pilee naŋ ba taa faaloŋ bee saanaa zaa.

1 Pit 1:7

A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

1 Pit 2:7

Yɛ banaŋ naŋ pãã sage de O yɛlɛ, O waa la emmo bon ko yɛ; kyɛ yɛ banaŋ naŋ ba de O yɛlɛ: “A kuuri na a mɛmeɛrebɛ naŋ da zagre bare, la leɛ a yiri pare kusi-yuori,”

2 Pit 1:1

Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie:

2 Pit 1:4

A lɛ zuiŋ, O tu la a boma ama zie a eŋ noɔre naŋ taa yuori kyɛ e kpoŋ yaga ko te, ka ka yɛ tu a zie a zo yi a faaloŋ na naŋ be a teŋɛzu a vɔlfaare zuiŋ, a pãã toɔ̃ poɔ a Naaŋmen waaloŋ poɔ.