1 Pit 2:20 - Naaŋmen Nɔpaalaa Gane

²⁰ Ka yɛneŋ di kannyiri ba naŋ ŋmeɛrɛ yɛ a yɛ saanaa zuiŋ, boŋ tɔnɔ la ka a taa? Kyɛ ka yɛneŋ wa taa kannyiri a yɛ yelveɛle eebo poɔ a di dɔgɛɛ, yɛ nyɛ la Naaŋmen maaloo.

1 Pit 2:20 ပူးပေါင်းရင်းမြစ်များ

Matio Gane 26:67

Lɛ la ka ba da toore nentaare waare O niŋe, a tɔ O daa yaga; ka ba mine meŋ fale O lampɛgreŋ,

Matio Gane 5:47

Ka yɛneŋ puoro yɛ yɔɔmine ane yɛ yɔɔpuuli yoŋ, boŋ yeli kpoŋ la ka yɛ erɛ gaŋ yɛ taaba? A Nemboore-yobo meŋ ba maŋ erɛ a lɛ be?

Marko Gane 14:65

Ka ba mine piili toorɔ nentaare waara O, a leŋ O niŋe pɔge, a kyɛ maŋ ŋmɛ O, a yele korɔ O, “Baŋna baŋna, aŋ la ŋmɛ fo!” A guguribo meŋ da tuori nyɔge O la a ŋmɛ.

Luka 6:32

“Ka fõõ nɔnɔ banaŋ yoŋ naŋ nɔŋ fo, boŋ tɔnɔ la ka fo na nyɛ? Haali gba, a nenfaare meŋ nɔnɔ la banaŋ naŋ nɔnɔ ba.

1 Kor 4:11

A naŋ wa tɔ pampana, te taa la kɔŋ ane kɔŋnyuuri, a su bonzagra ka ba ŋmɛ te, ka te ba taa zie na kpɛ,

Galesiya 4:18

A soma la ka ba maŋ taa yɛ yɛlɛ ne poteɛroŋ naŋ soma tegitegilɛ, ka a ta e ka saŋ na N naŋ maŋ wa be yɛ zie yoŋ.

EFESU 5:10

Yɛ e aneɛ kyɛ bɔ a baŋ yɛlɛ naŋ pɛllɛ a Daana poɔ.

Filipai Deme Gane 4:18

Ba yɔɔ ma la ka a ta ka N taa ka a gaŋ lɛ N naŋ boɔrɔ. N taaɛ la ka a seŋ ma ne a kyɔɔtaare yɛ naŋ da tere ka Epafiroditu wa ko ma. A waa la kyɔɔtaare nyuu naŋ noma kyɛ e bagmaale bon naŋ seŋ ne deebo kyɛ pɛllɛ Naaŋmen poɔ.

1 Pit 2:19

Bonso, a na e la maaloo ko yɛ, ka yɛneŋ wa sage di kannyiri a woŋ tuo yɛ naŋ ba seŋ ka yɛ nyɛ, a Naaŋmen noɔre sagoo zuiŋ.

1 Pit 3:14

Kyɛ ka yɛneŋ gba dire dɔgɛɛ yɛ naŋ erɛ yelveɛle zuiŋ, yɛ nyɛ la maaloo. Yɛ ta zoro neɛzaa dabeɛ̃ bee a vɛŋ ka ba tɔ dabeɛ̃ eŋ yɛ,

1 Pit 3:17

Bonso, ka yɛneŋ di dɔgɛɛ naŋ e Naaŋmen poboɔbo a yɛ yelveɛle zuiŋ, a naŋ seɛ yɛ naŋ di dɔgɛɛ yɛ yelfaare eŋɛ.