1 Pit 2:16 - Naaŋmen Nɔpaalaa Gane

¹⁶ Yɛ naŋ waa Naaŋmen tontonema, yɛ taa yɛ nyɔvoɛ aŋa noba naŋ so bamenne, kyɛ yɛ ta de a yɛmenne soobo erɛ ne yelfaare.

1 Pit 2:16 ပူးပေါင်းရင်းမြစ်များ

Matio Gane 23:13

“Yɛ yuori la we, yɛnee Naaŋmen bege wulwulibo, ane Faraziimine, yɛnee bampuori-kombampoɔ mine! Bonso, yɛ lare la noba bare yeŋeŋ ka ba ta kpɛ a tenvelaa naaloŋ. Yɛ menne ba kpeɛrɛ kyɛ ba la sage ka noba naŋ boɔrɔ ka ba kpɛ be meŋ kpɛ.

Gyɔɔn 15:22

Ba da koŋ taa yelsaanaa zaa ka maa da ba wa yeli yɛlɛ ko ba. Kyɛ ŋaa eŋ, ba ba taa gaafara zaa na tere kyaare ne a ba yelbebe.

Urom 6:18

ka ka yɛnee ba naŋ da faa yi ne yelbieri poɔ leɛ waa mennoŋ gbaŋgbaare.

Urom 6:22

Kyɛ pampana ŋa yɛ naŋ nyɛ faabo yi yelbieri poɔ, a leɛ Naaŋmen gbaŋgbaare, a tɔnɔ yɛ naŋ na nyɛ la pɛgeyiibu. A baaraa la nyɔvore naŋ ba taa baaraa.

1 Kor 7:22

Bonso, neɛ naŋ da waa gbaŋgbaa kyɛ ka ba boɔle o a Daana eŋɛ, so la o meŋɛ a waa a Daana soobo aŋa neɛ naŋ da so o meŋɛ a saŋ ba naŋ da boɔle o ka o leɛ a Kirista gbaŋgbaa lɛ.

Galesiya 5:1

Temenne soobo la so ka a Kirista faa te. Azuiŋ yɛ are kpeɛŋaa a ta la wa derɛ a gbaŋgbaaloŋ gbogli eŋnɛ.

Galesiya 5:13

N yɔɔmine ane n yɔɔpuuli, ba da boɔle yɛ la eŋ meŋɛ soobo poɔ; kyɛ yɛ ta vɛŋ ka a yɛ meŋɛ soobo ŋa leɛ ennoɔ yoŋ bon, kyɛ nɔmmo zuiŋ yɛ waa gbaŋgbaare ko taa.

EFESU 6:6

Ka a ta e ŋa saŋ na ba naŋ kaara yɛ yoŋ, bee yɛ naŋ boɔrɔ ka yɛ pɛllɛ ba poɔ zuiŋ, kyɛ yɛ erɛ a lɛ yɛ naŋ waa a Kirista gbaŋgbaare naŋ tonɔ a Naaŋmen poboɔbo ne yɛ sukyie zaa.

KOLO 3:24

yɛ naŋ baŋ ka a Daana la na ko yɛ a gbandiruŋ ka o e a yɛ san-yɔɔ, yɛ tonɔ korɔ a Daana Kirista.

I Tesa 2:5

Aŋa yɛ naŋ baŋ kyɛ ka Naaŋmen e te dansedire lɛ, te daŋ ba wa yɛ zie a wa yele nɔnoɔ-yɛlɛ bee a eŋ bombɔ-gaŋne niŋe;

Gyimisi 1:25

Kyɛ banaŋ naŋ maŋ kaa a Naaŋmen bege naŋ tori poɔ, a meŋɛ-soobo bege, a taa kannyiri o poɔ, a ba waa noba naŋ maŋ kyɛlle woŋ kyɛ leɛ inni, kyɛ ba maŋ kyɛlle woŋ la, a e a lɛ ba naŋ woŋ. A noba bama na nyɛ la maaloo a ba yel-erre zuiŋ.

Gyimisi 2:12

A lɛ zuiŋ, yɛ maŋ yeli kyɛ e meŋ aŋa noba ba naŋ na di ba sɛrɛɛ ne a meŋɛ-soobo bege.

2 Pit 2:19

Ba maŋ eŋ la noɔre ko ba ka ba na e la ka ba so bamenne kyɛ ka bamenne waa yelfaare gbaŋgbaare. Bonso, noba maŋ e la gbaŋgbaare ko bon naŋ toɔ̃ ba.

Gyud 1:4

Bonso, nenfaare mine sɔgle kpɛ la yɛ poɔ, a leɛre a te Naaŋmen garaaseɛ ka o waa nemboŋyɛlɛ, kyɛ ka ba zagre a te Neŋkpoŋ yeni yoŋ ane a te Daana Yeezu Kirista bare. Saŋ zaa ka ba da nare ba biŋ kyɛllɛ ne a saamo ŋa aŋa noba naŋ ba baŋ Naaŋmen.