1 Pit 2:12 - Naaŋmen Nɔpaalaa Gane

¹² Yɛ kaara yɛ yel-erre velaa a Nemboore-yobo poɔ, ka ba naŋ wa yele ka yɛ waa la yelfa-erebɛ, ka ba nyɛ a yɛ yelveɛle a de dannoo ko Naaŋmen ka O naŋ wa wa ka O di sɛrɛɛ.

1 Pit 2:12 ပူးပေါင်းရင်းမြစ်များ

Matio Gane 10:25

A seŋɛɛ la ka zanzanna boɔrɔ ka o zanne te ta o wulwullo, ka gbaŋgbaa meŋ boɔrɔ ka o waa ŋa o daana. Ka ba naŋ pãã boɔle a yidandɔɔ Bɛlezɛbu, ba koŋ boɔle a yideme yofaare gaŋ a lɛ bee!”

Matio Gane 5:11

“Banaŋ noba naŋ toorɔ, a dɔgrɔ ba, kyɛ derɛ yelfa-boorɔ zaa duoro ba, a ŋmaara zirii dɔglɔ ba N zuiŋ nyɛ la maaloo.

Matio Gane 5:16

A lɛ ne o zu, yɛ vɛŋ ka yɛ veɛloŋ kyaana yɛ taaba zie ka ba na nyɛ a yɛ tonveɛle kyɛ de puubu ko a yɛ Saa naŋ be tenvelaa poɔ.

Matio Gane 9:8

A nembeɛoŋ naŋ da wa nyɛ a lɛ, dabeɛ̃ da kpɛ ba la yaga zaa, ka ba puuro Naaŋmen yuori, ane O naŋ de kpeɛ̃õ ŋa tɔ ko nensaalba.

Luka 1:68

“Ka a Daana, a Izerayɛl Naaŋmen nyɛ puubu, bonso, O leɛ la O nimimaaroŋ kyaare ne O noba kyɛ faa ba.

Luka 19:44

Ba na ŋmore fo la lɔɔ teŋɛ a laŋ ne a fo biiri zaa naŋ be fo poɔ. Ba koŋ bare kuuri zaa ka o dɔgle o tɔ zu, bonso, fo da ba kyɛlle a saŋ na Naaŋmen naŋ wa ka O faa fo.”

Luka 6:22

“Yɛ banaŋ noba naŋ na kyiiri yɛ, kyɛ zagre yɛ bare, a to yɛ zoma, a kyɛ boɔle yɛ nenfaare a Nensaala Bie zuiŋ nyɛ la maaloo.

Gyɔɔn 13:31

A Gyudase naŋ da wa yi baare, Yeezu da yelee la, “Ŋaa eŋ a Nensaala Bie nyɛ la puubu, ka Naaŋmen nyɛ puubu O zie.

Toma 15:14

Simeon da manne la lɛnɛɛ Naaŋmen naŋ da daŋ kaa a Nemboore-yobo ne nimimaaroŋ, a kaa-iri noba ba poɔ, a O yuori eŋɛ.

Toma 24:13

Ba gba kontoɔ̃ wuli fo ka a saanaa na ba naŋ de duoro ne ma waa la yelmeŋɛ.

Toma 25:7

O naŋ da wa ta, a Gyuumine naŋ yi a Gyɛruzɛlɛm sigi wa a be da ŋmaagyili la a Pɔɔl, a da de saanaa naŋ e nimizeɛ yaga ba naŋ da kontoɔ̃ manne wuli ka a waa la yelmeŋɛ a duori ne o.

Toma 28:22

Kyɛ te boɔrɔ la ka fo manne a fo poteɛrɛ ka te woŋ, bonso, te baŋ ka a puoruu ŋa eŋ, ba yele zɔɔrɔ ne la o yɛlɛ zie zaa.”

Urom 12:17

Yɛ ta de faaloŋ yɔɔ ne neɛzaa naŋ e yɛ faaloŋ; kyɛ yɛ maŋ moɔrɔ ka yɛ erɛ yɛlɛ naŋ soma noba zaa zie.

Urom 13:13

Yɛ vɛŋ ka te taa gyeremɛ aŋa noba naŋ be veɛloŋ poɔ, kyɛ bare yeldɛgɛ ane daanyukuoli, a bare vɔlfaare ane nenfa-yɛlɛ, a bare zɔɔre ane nyuuri.

Urom 14:18

Naaŋmen poɔ maŋ pɛle ne la soba na naŋ tonɔ korɔ a Kirista, kyɛ ka nensaalba meŋ de o yɛlɛ.

Urom 15:9

kyɛ e ka a Nemboore-yobo toɔ̃ iri Naaŋmen yuori a O nembaalonzoe zuiŋ. A ŋa ba naŋ da sɛge lɛ: “Azuiŋ N na moɔle la fo yɛlɛ a Nemboore-yobo poɔ, kyɛ yieli dannoo yiele iri fo yuori.”

1 Kor 14:25

Ka a neɛ naŋ ba sage de a Kirista yɛlɛ sukyiri yelsɔglɔ wa sãã baare, o soba na le vɔgle la muro a Naaŋmen niŋesogɔ kyɛ puori O, a yele, “Naaŋmen sereŋ be la yɛ sogɔŋ.”

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Korinti 13:7

Kyɛ te puoro la Naaŋmen ka yɛ ta wa erɛ yelfaa zaa; a ba e ŋa te boɔrɔ la ka te wuli te naŋ ba e fãã, kyɛ te boɔrɔ la ka yɛ maŋ erɛ yɛlɛ ka a toro, aneazaa ka a waa ŋa te e fããɛ la.

Korinti 8:21

bonso, te ba boɔrɔ ka te toŋ soŋ a Daana niŋesogɔ yoŋ, kyɛ te boɔrɔ la a lɛ nensaalba meŋ niŋesogɔ.

EFESU 2:3

Te zaa da poɔ la a poɔ, a be a te eŋgane vɔlfaare poɔ, a tuuro a te enne ane te yɛŋ yelboɔre, kyɛ da waa supuriyaaraa biiri a te nensaaloŋ poɔ, aŋa lɛ neɛzaa naŋ da waa.

EFESU 4:22

Ba da wuli yɛ la ka yɛ bare a yɛ saŋ kaŋ yelkorɔ eebo, a yɛ waaloŋ koraa na naŋ poɔ̃ ka o vɔlfaare bɛllɛ yɛ.

Filipai Deme Gane 1:27

Yeli yoŋ naŋ ferɛ la ka yɛ taa a yɛ nyɔvoɛ ka a seŋ ne lɛ a Kirista yelnoore naŋ wullo, ka maa wa nyɛ yɛ bee ka maa ba wa, kyɛ woŋ yɛ yɛlɛ, N na baŋ ka yɛ are la kpeɛŋaa ne noɔre yeni, a laŋ moɔrɔ ne teɛroŋ yeni a kyaare ne a Ŋmen-yelnoore yeldeebo,

Filipai Deme Gane 4:8

A baaraa zaa, n poyɛŋ noba, bonna zaa naŋ e yelmeŋɛ, bonna zaa naŋ taa yuori, bonna zaa naŋ taa mennoŋ, bonna zaa naŋ pɛgeyi fanana, bonna zaa naŋ waana ne popeɛloŋ, bonna zaa naŋ seŋ ne garebanyɛ teroo, ka bonzaa bebe a veɛlɛ, ka yelzaa wa bebe a seŋ ne puubu, yɛ teɛrɛ a yɛlɛ ama yɛlɛ.

I Tesa 4:12

ka ka yɛ na toɔ̃ erɛ velaa korɔ a banaŋ naŋ ba poɔ a yɛ poɔ, a ta de yɛ toɔrɔ dɔgle neɛzaa zu.

1 Tim 2:2

Yɛ puoro korɔ namine ane neɛzaa naŋ e wederɛ, ka te na taa te nyɔvoɛ zomm ane emmaaroŋ, a taa o Naaŋmennoŋ ane gyeremɛ poɔ.

1 Tim 4:12

Ta vɛŋ ka neɛzaa taa kaabanyɛ ne fo naŋ waa baapaalaa zuiŋ, kyɛ waa neɛ a yelderebɛ naŋ na tɔglɔ, fo yɛlɛ yeluu poɔ, fo eroŋ poɔ, fo nɔmmo poɔ, fo yeldeebo ane fo sonnoŋ poɔ.

1 Tim 5:10

A seŋ ka o taa yosoŋ a o tonveɛle zuiŋ, a waa neɛ naŋ kaa o biiri ka ba baa, a derɛ saama saanoŋ, a maŋ pɛge a nensonne gbɛɛ, a soŋ a dɔgɛɛ deme kyɛ kpimare tonɔ tonveɛle yelzaa poɔ.

Hiburu 13:18

Yɛ puoro korɔ te. Te ba taa bonnoo ka te sukyie ba taa saanaa zaa, a maŋ nɔnɔ ka te erɛ velaa yelzaa poɔ.

Hiburu 13:5

Yɛ gu yɛmenne yi libi-nɔŋ eŋɛ, kyɛ vɛŋ ka yɛ niŋe paale ne bon yɛ naŋ taa, bonso, Naaŋmen yelee la, “N daŋ koŋ bare yɛ zaa bee a gyɛ yɛ bare.”

Gyimisi 3:13

Aŋ la taa yɛŋ kyɛ baŋ yɛlɛ tɛgɛ yɛ poɔ? A soba o tu a o yelveɛle zie a wuli ka o tonɔ la a o tonveɛle ne Sigruumilluu ne yɛŋ.

1 Pit 2:15

Bonso, a e la Naaŋmen poboɔbo ka a yɛ yelveɛle eebo vɛŋ ka a babaŋneba ta taa noɔre na yeli yɛlɛ a ba damboluŋ zuiŋ.

1 Pit 3:16

kyɛ yɛ maŋ manne a yɛlɛ ne sumaaroŋ ane emmo. Yɛ taa teɛroŋ sonne ka ka ba naŋ wa toorɔ yɛ, ka vi kpɛ a banaŋ naŋ erɛ yɛ faa a yɛ yelveɛle yɛ naŋ erɛ a Kirista zuiŋ.

1 Pit 4:11

Soba na zaa naŋ moɔlɔ a yelbiri seŋ ka o moɔlɔ aŋa neɛ naŋ moɔlɔ a Naaŋmen meŋɛ yelbie; soba na zaa naŋ tonɔ, seŋ ka o tonɔ ne a kpeɛ̃õ na Naaŋmen naŋ ko o. Lɛ la ka Naaŋmen pãã na nyɛ puubu yelzaa poɔ a Yeezu Kirista eŋɛ. Ona la so puubu ane kpeɛ̃õ tegitegilɛ. Ameena.

2 Pit 3:11

A boma ama zaa naŋ pãã na di vũũ moore ŋaa, nemboŋ boorɔ la ka a seŋ ka yɛ waa a yɛ sonnoŋ ane mennoŋ nyɔvore taabo poɔ,