1 Pit 2:1 - Naaŋmen Nɔpaalaa Gane

¹ Azuiŋ, yɛ bare faaloŋ zaa ane zirŋma zaa, a bare nyaayɛlɛ, nyuuri ane yosãã yɛlɛ zaa.

1 Pit 2:1 ပူးပေါင်းရင်းမြစ်များ

Matio Gane 15:7

Yɛnee bampuori-kombampoɔ mine! A Ŋmen-yelmanna Azaaya da yelee yelmeŋɛ kyaare ne yɛ, o naŋ da yeli:

Matio Gane 23:28

Lɛ ka yɛ meŋ waa; a sãã ŋa nemmenne noba niŋeŋ, kyɛ ka yɛ poore kpɛ paale ne faaloŋ ane koŋwoŋyɛlɛ.”

Matio Gane 24:51

A gbaŋgbaa ŋa daana na wa kyɛ o la ŋmaare puropuro, a de o poɔ a bampuori-kombampoɔ mine poɔ, be ka ba na be kono kyɛ nyerɛ nyemɛ.”

Matio Gane 7:5

Fõõ bampuori-kombampoɔ ŋa, daŋ iri a wɛge naŋ be fo meŋɛ nimiri poɔ bare, lɛ ka fo na nyɛrɛ velaa a pãã toɔ̃ iri a muri bare fo tɔsoba nimiri poɔ.

Marko Gane 12:15

Te yɔɔ bee te ta yɔɔ?” Kyɛ Yeezu naŋ da baŋ a ba gagarre yɛlɛ zuiŋ, O da soore ba la, “Bonso ka yɛ boɔrɔ ka yɛ e ma nyɛ? Yɛ iri warbiri wa ne ka N nyɛ.”

Luka 11:44

Yɛ yuori la we! Yɛ waa ŋa yaare naŋ ba maŋ sãã, ka noba ba baŋ kyɛ maŋ do kyɛnɛ a zu.”

Luka 12:1

A noba naŋ da wa lantaa a te ta ŋa turi ne dɔglɔ, a neɛrɛ taa gbɛɛ la ka Yeezu da piili yele korɔ a O potuuribo, “Yɛ gu yɛmenne velaa a yi a Faraziimine gagarre yɛlɛ poɔ. A ba bampuori-kombampoɔ yɛlɛ la ka N yele.

Luka 6:42

Bee, wola ka fo na toɔ̃ yeli ko fo tɔ, ‘N ba, vɛŋ ka n iri a muri fo nimiri poɔ’, kyɛ ba nyɛ a wɛge naŋ be a fo meŋɛ nimiri poɔ? Fõõ bampuori-kombampoɔ ŋa, daŋ iri a wɛge naŋ be a fo meŋɛ nimiri poɔ bare, lɛ la ka fo na nyɛrɛ velaa a pãã toɔ̃ iri a muri bare fo tɔ nimiri poɔ.”

Gyɔɔn 1:47

A Yeezu naŋ da wa nyɛ Nataneɛl ka o waana O zie la ka O da yeli, “Izerayɛl bie sereŋ la a ŋa, ka bonnoo zaa ba kye o zie!”

Urom 1:29

Ba da paale ne la potuoloŋ boorɔ zaa, faaloŋ, bombɔ-gaŋne ane yosãã. Ba da paale ne la nyuuri, neŋko, zɔɔzɔɔ-yɛlɛ, bɛllɛ, nyaayɛlɛ ane pozu,

1 Kor 14:20

N yɔɔmine ane n yɔɔpuuli, yɛ ta taa bibil-yɛŋ yɛ teɛrɛ poɔ, kyɛ yɛ waa bilɛɛre faaloŋ eebo poɔ, kyɛ waa nembɛrɛ yɛ teɛrɛ poɔ.

1 Kor 5:8

Azuiŋ, yɛ e ka te maale a tigri, kyɛ ta maale ne dããbel-korɔ, potuoloŋ ane faaloŋ dããbel-korɔ, kyɛ yɛ e ka te maale a tigri ne sonnoŋ ane yelmennoŋ naŋ waa ŋa boroboro dambo.

Korinti 12:20

N zoro la dabeɛ̃ ka a saŋ N naŋ na wa ta, N na nyɛ yɛ la ka yɛ ba waa lɛ N naŋ boɔrɔ, ka yɛ meŋ nyɛ ma ka N ba waa lɛ yɛ naŋ boɔrɔ. N zoro la dabeɛ̃ ka kaapɔge, zɔɔre, nyuuri, suuri, meŋɛ nɔŋ gaŋ, yosãã, gagarre yɛlɛ, pɔloo ane dɔɔne na bebe la.

EFESU 4:31

Yɛ bare potuoloŋ boorɔ zaa, a bare sutoloŋ, suuri, gɔŋweere, yosãã ane kyiiritaa boorɔ zaa,

I Tesa 2:3

Bonso, a te kpɛlle te naŋ ŋmeɛrɛ da ba yi bɛllɛ, bee teɛroŋ faare bee nyaayɛlɛ poɔ,

1 Tim 3:11

A pɔgeba meŋ seŋ ka ba taa nimizeɛ, a ta e yosaanema, kyɛ ba baŋ bamenne taabo, a taa yelmeŋɛ yelzaa poɔ.

TITU 2:3

A lɛ ne o zu, yeli ko a pɔgenyaŋne ka ba e ka ba gyogo taa emmo, a ta e noba naŋ na saana ba taaba yoe bee a e dããnyu gbaŋgbaare; kyɛ a seŋ ka ba wullo yelsonne,

Hiburu 12:1

Azuiŋ, a dansediribe yaga naŋ seŋ ŋaa ŋmaagyili te, yɛ e ka te togi tuobu zaa ane a yelbieri na naŋ maŋ gbiŋ te taa bare. Yɛ e ka te zo a zogantaa zoobu na poɔ te naŋ be ne kannyiri,

Gyimisi 1:21

Azuiŋ, yɛ bare yeldɛgɛ ane faaloŋ e gaŋ taa boorɔ zaa, kyɛ tuori de a Naaŋmen yelbiri O naŋ eŋ yɛ sukyie poore ne Sigruumilluu. A yelbiri taa la kpeɛ̃õ a na faa yɛ seere.

Gyimisi 3:14

Kyɛ ka yɛnee wa taa potu-nyuuri ane meŋɛ-yoŋ boɔbo yɛlɛ yɛ sukyie poore, yɛ ta wullo yɛmenne kyɛ ŋmaara zirii pɔgrɔ a yelmeŋɛ.

Gyimisi 4:11

N yɔɔmine ane n yɔɔpuuli, yɛ ta yele yelfaare korɔ taa. Soba na zaa naŋ yeli yelfaa kyaare ne o tɔsoba bee a di o tɔsoba sɛrɛɛ, o soba yeli la yelfaa kyaare ne a bege kyɛ di a bege sɛrɛɛ. Kyɛ ka yɛnee wa di a bege sɛrɛɛ, yɛ ba waa noba naŋ tuuro a bege kyɛ yɛ dire la a bege sɛrɛɛ.

Gyimisi 4:5

A gansoŋ da yelee la, “Naaŋmen taa la a vooroŋ O naŋ e ka o kpeɛrɛ te poɔ yɛlɛ yaga zaa,” yɛ teɛre ka a gansoŋ naŋ da yeli a lɛ waa la weɛlɛ be?

Gyimisi 5:9

N poyɛŋ noba, yɛ ta ŋmoonɔ yɛlɛ ne taa ka ba ta wa di yɛ sɛrɛɛ. Yɛ nyɛ, a sɛredire are la a dendɔɛ eŋɛ!

1 Pit 2:16

Yɛ naŋ waa Naaŋmen tontonema, yɛ taa yɛ nyɔvoɛ aŋa noba naŋ so bamenne, kyɛ yɛ ta de a yɛmenne soobo erɛ ne yelfaare.

1 Pit 2:22

“O da ba e yelbieri zaa, ka zirii zaa ba yi O noɔre poɔ.”

1 Pit 3:10

Bonso: “Banaŋ naŋ boɔrɔ nyɔvore, a boɔrɔ ka ba nyɛ bebi-sonne, seŋ ka ba gu ba nɔɛ yi yelfaare yeluu poɔ kyɛ bare zirii ŋmaabo.

1 Pit 4:2

ka ka yɛ ta la kyɛnɛ a yɛ eŋgane vɔlfaare poɔ a teŋɛzu, kyɛ na kyɛnɛ a Naaŋmen poboɔbo poɔ.

1 Pit 4:4

Ba nɔɛ maaɛ la ne yɛ naŋ ba la laŋna ne ba erɛ a yeldɛgɛ, ka a lɛ vɛŋ ka ba toorɔ yɛ zoma.

Yel-iriwulaa Gane 14:5

ka zirii zaa daŋ ba yi ba nɔɛ poore; ba ba taa saanaa zaa.