1 Pit 1:8 - Naaŋmen Nɔpaalaa Gane

⁸ Aneazaa ka yɛ ba nyɛ a Kirista kyɛ yɛ nɔŋ O la. Yɛ ba nyɛ O pampana kyɛ yɛ sage de la O yɛlɛ, a kyellɛ ne popeɛloŋ naŋ ba taa mannoo,

1 Pit 1:8 ပူးပေါင်းရင်းမြစ်များ

Matio Gane 10:37

Soba na zaa naŋ nɔŋ o saa bee o ma yaga a gaŋ ma, ba seŋ ne N tuubu. Soba na zaa meŋ naŋ nɔŋ o bidɔɔ bee o pɔgeyaa yaga a gaŋ ma ba seŋ ne N tuubu;

Gyɔɔn 14:15

Ka yɛnee wa nɔŋ ma, yɛ na sagra la a N nɔɛ.

Gyɔɔn 14:21

Banaŋ naŋ taa a N nɔɛ kyɛ tuuro a la nɔŋ ma. Kyɛ a N Saa na nɔŋ la banaŋ naŋ nɔŋ ma, ka N meŋ nɔŋ ba kyɛ de N meŋɛ wuli ba.”

Gyɔɔn 14:24

Soba na zaa naŋ ba nɔŋ ma, ba tuuro N yɛlɛ. Kyɛ a yelbie yɛ naŋ wono ka a yire N zie ba e N meŋɛ yelbie, kyɛ a yi la a Saa naŋ toŋ ma zie.”

Gyɔɔn 16:22

Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie.

Gyɔɔn 20:29

Ka Yeezu da yeli ko o, “Fo naŋ nyɛ ma la so ka fo sage de wɛ? Banaŋ naŋ ba nyɛ kyɛ sage de nyɛ la maaloo.”

Gyɔɔn 8:42

Ka a Yeezu da yeli ko ba, “Ka Naaŋmen da waa yɛ Saa, yɛ da na nɔŋ ma la, bonso, Naaŋmen zie la ka N yi, kyɛ pampana, maa la be kyɛ. N ba wa N meŋɛ waabo, kyɛ Ona la toŋ ma.

Toma 16:34

O da taa ba la do ne o yiri, a te ko ba bondirii kyɛ ka o ne o yideme da taa popeɛloŋ, o naŋ da sage de a Naaŋmen yɛlɛ zuiŋ.

Urom 14:17

Bonso, a Naaŋmen naaloŋ ba e bondirii ane bonnyuuri yɛlɛ, kyɛ o waa la mennoŋ, emmaaroŋ ane popeɛloŋ yɛlɛ a Vooroŋ Soŋ poɔ.

Urom 15:13

Ka a teɛretɔroo Naaŋmen paale yɛ ne popeɛloŋ ane emmaaroŋ a yɛ yeldeebo poɔ, ka ka yɛ na paale ne teɛretɔroo a Vooroŋ Soŋ kpeɛ̃õ eŋɛ.

1 Kor 16:22

Neɛzaa naŋ ba nɔnɔ a Daana e la neɛ ba naŋ kaa-eŋ. Te Daana wa!

Korinti 1:22

a eŋ te O ŋmaaroŋ, kyɛ ko te a O Vooroŋ Soŋ ka O be a te sukyie poɔ a waa a bon dɛndɛŋ O naŋ da ko te.

Korinti 12:4

Ba da de o la do ne Tenvelaa ka o da te woŋ yɛlɛ a naŋ ba seŋ ka ba yeli, ka nensaala zaa ba taa sori a na leɛ yeli a.

Korinti 4:18

bonso, te teɛroŋ ba be boma na nimiri naŋ na toɔ̃ nyɛ poɔ, kyɛ te teɛroŋ be la boma na nimiri naŋ kontoɔ̃ nyɛ poɔ. Bonso, boma na te naŋ nyɛrɛ na tɔle gaa la, kyɛ boma te naŋ ba nyɛrɛ na bebe la tegitegilɛ.

Korinti 5:7

bonso, yeldeebo la ka te kyɛnɛ ne, a ba e yɛlɛ te naŋ nyɛrɛ.

Korinti 9:15

Naaŋmen taa la ameseɛrɛ ne a O kyɔɔtaa naŋ ba taa mannoo!

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

Galesiya 5:6

Bonso a Kirista Yeezu poɔ, dɛgre iruu bee dɛgre ba-iruu ba poɔ yeli zaa poɔ; yeli yoŋ naŋ poɔ yɛlɛ poɔ la yeldeebo naŋ tonɔ toma ne nɔmmo.

EFESU 3:19

kyɛ baŋ a Kirista nɔmmo naŋ gaŋ yɛmbammo zaa, ka yɛ na toɔ̃ paale ne a Naaŋmen waaloŋ zaa.

EFESU 6:24

Ka Naaŋmen garaaseɛ be a yɛ zie, a yɛ banaŋ zaa naŋ nɔŋ a Daana Yeezu Kirista ne nɔmmo naŋ ba kpiire.

Filipai Deme Gane 1:25

N naŋ baŋ a yeli ŋa ta zuiŋ, N baŋ ka N na kyɛnɛ be la yɛ zaa zie, a yɛ niŋe gaabo ane a yɛ popeɛloŋ a yeldeebo poɔ zuiŋ,

Filipai Deme Gane 3:3

Bonso, tenee la a banaŋ dɛgre ba naŋ iri, ka te puoro Naaŋmen a O Vooroŋ poɔ, kyɛ erɛ pɔloo a Kirista Yeezu eŋɛ kyɛ ba dɛle a eŋgane;

Filipai Deme Gane 4:4

Yɛ kyellɛ a Daana eŋɛ tegitegilɛ, N laboreŋ yelee la, yɛ kyellɛ.

Hiburu 11:1

Yeldeebo la teɛretɔroo neɛ naŋ taa ka bonnoo zaa ba kyebe ka o na nyɛ la boma o naŋ ba nyɛ kyɛ sage ka a bebe la.

Hiburu 11:27

Yeldeebo zuiŋ la ka Moozul da zo yi a Igyipiti teŋɛ poɔ, a da ba zoro a naa dabeɛ̃, bonso, a Moozul da nyɔge la o meŋɛ aŋa o naŋ nyɛ neɛ ba naŋ koŋ baŋ nyɛ.

1 Pit 1:6

Yɛ taa kyelloo a ŋaa eŋɛ haali ka yɛneŋ wa kpɛ dɔgɛɛ tɛɛtɛɛ poɔ belaa pampana ŋa.

1 Pit 2:7

Yɛ banaŋ naŋ pãã sage de O yɛlɛ, O waa la emmo bon ko yɛ; kyɛ yɛ banaŋ naŋ ba de O yɛlɛ: “A kuuri na a mɛmeɛrebɛ naŋ da zagre bare, la leɛ a yiri pare kusi-yuori,”

1 Pit 5:4

Ka a pekyee-naa wa wa, yɛ na nyɛ la puubu nazupili naŋ ba yire kyeɛ.