1 Pit 1:7 - Naaŋmen Nɔpaalaa Gane

⁷ A dɔgɛɛ ŋa la na tegre a yɛ yeldeebo nyɛ ka o waa la meŋɛ aŋa salema ba naŋ eŋ vũũ poɔ ka o soli, kyɛ a yɛ yeldeebo waa la bon naŋ taa yuori gaŋ salema naŋ waa bon naŋ maŋ wɛ. A yɛ yeldeebo ba naŋ tegre ka o waa meŋɛ la na tere dannoo, puubu ane emmo ka a Yeezu wa leɛ de O meŋɛ wuli.

1 Pit 1:7 ပူးပေါင်းရင်းမြစ်များ

Matio Gane 19:28

Ka Yeezu yeli ko ba, “Yelmeŋɛ ka N yele korɔ yɛ, a saŋ na a boma zaa naŋ na leɛ e paala, ka a Nensaala Bie zeŋ o puubu nakogi zu, yɛ meŋ na zeŋ la nakogri pie ne ayi zu a dire a Izerayɛl boorɔ pie ne bayi na sɛrɛɛ.

Matio Gane 25:21

Ka a o daana yeli ko o, garebanyɛ! gbaŋgba-soŋ, fo seŋ ne la dɛloo. Fo naŋ moɔ nimiri kaa bonfee zu velaa N na e la ka fo kaara bon-yaga zu. Kpɛ wa laŋne ma a wono noɔ.

Matio Gane 25:23

Ka a o daana yeli ko o, garebanyɛ! gbaŋgba-soŋ, fo e la neɛ naŋ seŋ ne dɛloo. Fo moɔ la nimiri kaa bonfee zu velaa, N na e la ka fo kaara bon-yaga zu. Kpɛ wa laŋne ma a wono noɔ.

Luka 12:33

Yɛ koɔre yɛ boma a de a libie ko nembaalba. Yɛ maale libi-woore na naŋ koŋ sãã ko yɛmenne, a boɔrɔ tenvelaa naboma naŋ ba baara, be ka nannyige zaa kontoɔ̃ wa zu a, ka danduli zaa kontoɔ̃ di a.

Luka 17:30

Lɛ ka a na waa a bebiri na daare a Nensaala Bie naŋ na de O meŋɛ wuli.

Gyɔɔn 12:26

Soba na zaa naŋ tonɔ korɔ ma, a ferɛɛ la ka o tuuro ma. Zie N naŋ be la ka N tontonɔ meŋ na be. Soba na zaa naŋ tonɔ korɔ ma, a N Saa na eŋ la o soba.”

Gyɔɔn 5:44

Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen?

Toma 8:20

Kyɛ ka a Piita da yeli ko o, “Ka fõõ ne a fo libiri zaa wɛ, bonso, fo teɛre ka fo na toɔ̃ da la a Naaŋmen kyɔɔtaa ne libiri!

Urom 2:10

Kyɛ neɛzaa naŋ tonɔ tonsonne na nyɛ la puubu, emmo ane emmaaroŋ, a Gyuumine na la a dɛndɛŋ deme, kyɛ ka a Giriki noba meŋ pãã tu.

Urom 2:29

Kyɛ neɛ naŋ waa Gyuu neɛ meŋɛ la neɛ naŋ waa kaŋ o sukyiri poɔ, ka dɛgre iruu naŋ e serɛ be o soba sukyiri poɔ. A e la seɛ poɔ yeli, a ba e nimiri yelnyɛraa. A soba ŋa tɔ ba nyɛrɛ puubu yire o taaba zie, kyɛ Naaŋmen zie la ka o puubu maŋ yi.

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

Urom 8:19

Bonso, a Naaŋmen bon-iri zaa kyɛllɛ ne la eŋkyere a bebiri na daare ba naŋ na iri a Naaŋmen biiri wuli;

1 Kor 3:13

a mɛmeɛrɛ kanzaa toma na sãã la weliweli, bonso, a Bebiri na e la ka a sãã. A vũũ na e la ka a toma sãã, ka a vũũ nyoɔ a toma na neɛzaa naŋ toŋ.

1 Kor 4:5

Azuiŋ, yɛ ta daŋ di sɛrɛɛ kyɛ ka a saŋ ba ta; kyɛ ka a Daana waabo naŋ ba ta sɛre. A Daana la na wa e ka yɛlɛ naŋ sɔgle lige poɔ sãã veɛloŋ ka bon naŋ be sukyiri poɔ meŋ sãã. Lɛ la ka neɛzaa pãã na nyɛ garebanyɛ yi Naaŋmen zie.

Gyimisi 1:12

Soba na zaa naŋ di kannyiri toɔrɔ poɔ na nyɛ la maaloo. A neɛ ŋa soba naŋ toɔ̃ are a enyaabo poɔ zuiŋ, o na nyɛ la a nyɔvore nazupili na a Daana naŋ da eŋ noɔre ka O na ko la banaŋ naŋ nɔŋ O.

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 1:5

A Naaŋmen kpeɛ̃õ zuiŋ, yeldeebo gu yɛ la taa ka yɛ na nyɛ faabo ba naŋ nare biŋ ka o na wa sãã a baaraa saŋ.

1 Pit 2:4

Yɛ wa O zie, a kusi-vore zie, aneazaa ka nensaalba da zagre O la bare kyɛ Naaŋmen kaa-iri O la ka O waa kusi-yuori.

1 Pit 2:7

Yɛ banaŋ naŋ pãã sage de O yɛlɛ, O waa la emmo bon ko yɛ; kyɛ yɛ banaŋ naŋ ba de O yɛlɛ: “A kuuri na a mɛmeɛrebɛ naŋ da zagre bare, la leɛ a yiri pare kusi-yuori,”

1 Pit 4:12

N poyɛŋ noba, yɛ ta vɛŋ ka yɛ nɔɛ maa ne a woore ŋa naŋ pɔgrɔ yɛ ka a tegre yɛ nyɛ, aŋa yelsaana kaŋ la pɔgrɔ yɛ.

1 Pit 4:13

Kyɛ yɛ kyellɛ ne yɛ naŋ poɔ a Kirista dɔgɛɛ poɔ ka lɛ vɛŋ ka yɛ meŋ na kyaara ne popeɛloŋ ka a O veɛloŋ wa sãã.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

2 Pit 1:1

Maa Saamon Piita, naŋ waa Yeezu Kirista tontonɔ ane O apostolii la sɛgrɛ a lɛtɛ ŋa korɔ banaŋ naŋ nyɛ a yeldeebo naŋ e bon-yuori aŋa te deni a yi a mennoŋ naŋ be a te Naaŋmen ane te Daana Yeezu Kirista zie:

2 Pit 1:4

A lɛ zuiŋ, O tu la a boma ama zie a eŋ noɔre naŋ taa yuori kyɛ e kpoŋ yaga ko te, ka ka yɛ tu a zie a zo yi a faaloŋ na naŋ be a teŋɛzu a vɔlfaare zuiŋ, a pãã toɔ̃ poɔ a Naaŋmen waaloŋ poɔ.

2 Pit 3:14

Azuiŋ, N poyɛŋ noba, yɛ naŋ kyɛllɛ a yɛlɛ ama, yɛ mɔ ka O wa nyɛ yɛ ka yɛ taa emmaaroŋ, kyɛ ta taa dɛgre bee saanaa zaa.

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,

Yel-iriwulaa Gane 1:7

Yɛ nyɛ! O yi la a sagama poɔ waana; ka nensaala zaa na nyɛ O, haali a banaŋ naŋ kyɔge O ne a kpane; kyɛ a tendaa nemboorɔ zaa na koŋ la O yɛlɛ. A lɛ la ka a na waa. Ameena.

Yel-iriwulaa Gane 2:10

Ta zoro a tuo na fo naŋ na woŋ dabeɛ̃. Gu fo meŋɛ velaa, a sebɛlbɛllɛ boɔrɔ la ka o de yɛ mine eŋ nempagdie poɔ, ka ba na toɔ̃ e yɛ nyɛ, kyɛ ka yɛ be woore poɔ beri pie. Taa yelmennoŋ te ta fo kũũ saŋ, kyɛ N na ko fo la nyɔvore nazupili.

Yel-iriwulaa Gane 3:10

Fo naŋ da sage de a N yɛlɛ taa ane kannyiri zuiŋ, N na gu fo la taa ka a dɔgɛɛ na naŋ waana a tendaa zaa ka o e a noba naŋ be a teŋɛzu nyɛ, ta pɔge fo.

Yel-iriwulaa Gane 3:18

Azuiŋ, N yele wullo fo la ka fo wa da salema ba naŋ nyoɔ ne vũũ yi N zie, a toɔ̃ e bondaana; wa da kparpeɛle su pɔge fo vi, ka ba ta nyɛrɛ a fo eŋkpoŋkpoli; kyɛ da tẽẽ a sɔ a fo nimie a na toɔ̃ nyɛrɛ.