1 Pit 1:6 - Naaŋmen Nɔpaalaa Gane

⁶ Yɛ taa kyelloo a ŋaa eŋɛ haali ka yɛneŋ wa kpɛ dɔgɛɛ tɛɛtɛɛ poɔ belaa pampana ŋa.

1 Pit 1:6 ပူးပေါင်းရင်းမြစ်များ

Matio Gane 11:28

“Yɛ wa N zie, yɛ banaŋ zaa naŋ tuo tuotegrɛ a bale, N na ko yɛ la pɛnnoo.

Matio Gane 26:37

O da taa la Piita ane a Zɛbɛdii biiri bayi a poɔ O eŋɛ. Posãã-kpoŋ da piili kpɛ O la ka O da taa O meŋɛ faana.

Matio Gane 5:12

Yɛ kyellɛ, kyɛ taa popeɛloŋ, bonso, yɛ san-yɔɔ waa la kpoŋ a tenvelaa poɔ. A lɛ ne o zu la ka ba da dɔgre a Ŋmen-yelmanneba na naŋ da de yɛ weɛ.

Luka 1:47

Kyɛ ka N seɛ taa kyelloo a n Faara Naaŋmen zie,

Luka 10:20

Anealɛzaa, yɛ ta kyellɛ ne yɛ naŋ nyɛ faŋ sefaare zu, kyɛ yɛ kyellɛ ne yɛ yoe naŋ sɛge a tenvelaa gane poɔ.”

Luka 2:10

Kyɛ a maleke da yeli ko ba la, “Yɛ ta zoro dabeɛ̃, yɛ nyɛ, N waana la ka N yeli yelnoore ko yɛ, yelnoore naŋ na e kyelloo kpoŋ ko a noba zaa.

Gyɔɔn 16:22

Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie.

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Urom 12:12

Yɛ kyellɛ ne teɛretɔroo, a taa kannyiri yɛ dɔgɛɛ diibu poɔ, kyɛ kpimare puoro tegitegilɛ.

Urom 5:11

Kyɛ a gaŋ a lɛ, te erɛ la pɔloo Naaŋmen eŋɛ, a te Daana Yeezu Kirista zuiŋ. A O zuiŋ la ka te ne Naaŋmen leɛ maale taa.

Urom 5:2

A Yeezu Kirista zie la ka te tu a nyɛ garaaseɛ ŋa te naŋ taa; kyɛ ka te erɛ pɔloo a te teɛretɔroo te naŋ taa ka te ne Naaŋmen na laŋ la puubu.

Urom 9:2

N taa la posãã-kpoŋ ka n sukyiri dɔɔnɔ ma yaga zaa a ba taa baaroo.

Korinti 4:17

A tuo belaa ŋa te naŋ nyɛrɛ pampana ŋa, nara te la ka te na nyɛ puubu naŋ ba taa baaroo ka ba kontoɔ̃ manne,

Korinti 6:10

Aŋa noba naŋ taa posaanaa kyɛ ka te taa popeɛloŋ tegitegilɛ, aŋa noba naŋ waa nandaanema kyɛ ka te erɛ ka noba yaga leɛrɛ bondaanema, aŋa noba naŋ ba taa bonzaa kyɛ taa bonzaa.

Galesiya 5:22

Ka teneŋ de manne taa, a Vooroŋ Soŋ wɔmɔ la, nɔmmo, popeɛloŋ, emmaaroŋ, kannyiri, nimimaaroŋ, nuyuobu, yelmennoŋ,

Filipai Deme Gane 2:26

bonso, o da boɔrɔ la ka o wa nyɛ yɛ zaa, kyɛ o poɔ da sãã la yaga ne yɛ naŋ da woŋ ka o beɛrɛ la.

Filipai Deme Gane 3:3

Bonso, tenee la a banaŋ dɛgre ba naŋ iri, ka te puoro Naaŋmen a O Vooroŋ poɔ, kyɛ erɛ pɔloo a Kirista Yeezu eŋɛ kyɛ ba dɛle a eŋgane;

Filipai Deme Gane 4:4

Yɛ kyellɛ a Daana eŋɛ tegitegilɛ, N laboreŋ yelee la, yɛ kyellɛ.

I Tesa 1:6

Kyɛ yɛ da e la noba naŋ tɔglɔ te yel-erre ane a Daana yel-erre, aneazaa ka yɛ da be la dɔgɛɛ poɔ kyɛ yɛ da de la a Naaŋmen yelbiri a Vooroŋ Soŋ naŋ tere ne popeɛloŋ.

Gyimisi 1:2

N yɔɔmine ane n yɔɔpuuli, saŋ na zaa yɛ naŋ maŋ wa be toɔrɔ boorɔ zaa poɔ, yɛ ta de a ka a e yelzaa kyɛ yɛ vɛŋ ka a e popeɛloŋ ko yɛ,

Gyimisi 1:9

Vɛŋ ka yelderɛ naŋ ba taa a eebo kyellɛ ne Naaŋmen naŋ zɛge o ka o do,

Gyimisi 4:9

Yɛ taa posaanaa, a kono kyɛ ŋmaara nentaŋ. Yɛ vɛŋ ka a yɛ laare leɛ konni kyɛ ka yɛ popeɛloŋ leɛ posaanaa.

1 Pit 3:17

Bonso, ka yɛneŋ di dɔgɛɛ naŋ e Naaŋmen poboɔbo a yɛ yelveɛle zuiŋ, a naŋ seɛ yɛ naŋ di dɔgɛɛ yɛ yelfaare eŋɛ.

1 Pit 4:7

A yɛlɛ zaa baaroo peɛlɛɛ la; a lɛ zuiŋ yɛ taa nimizeɛ kyɛ baŋ yɛmenne taabo a yɛ puoruu zuiŋ.

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.