1 Pit 1:5 - Naaŋmen Nɔpaalaa Gane

⁵ A Naaŋmen kpeɛ̃õ zuiŋ, yeldeebo gu yɛ la taa ka yɛ na nyɛ faabo ba naŋ nare biŋ ka o na wa sãã a baaraa saŋ.

1 Pit 1:5 ပူးပေါင်းရင်းမြစ်များ

Gyɔɔn 12:48

Soba na naŋ zagre ma, a ba sage de N yɛlɛ taa la sɛredire. A bebi-baaraa daare, a yɛlɛ na N naŋ yeli la na di a o sɛrɛɛ.

Gyɔɔn 17:15

N ba sɔrɔ ka fo iri ba yi ne a tendaa poɔ, kyɛ N sɔrɔ la ka fo guuro ba a faaloŋ soba eŋɛ.

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Urom 11:20

A lɛ waa la yelmeŋɛ. Ba da kɔɔre a la bare, ba naŋ da ba sage de zuiŋ, kyɛ yɛnee are la yeldeebo yoŋ zuiŋ. Azuiŋ yɛ ta wullo yɛmenne, kyɛ yɛ taa Naaŋmen dabeɛ̃ zoobu.

Urom 8:18

N nyɛɛ la ka a dɔgɛɛ te naŋ nyɛrɛ pampana ŋa koŋ baŋ manne ne a puubu na ba naŋ na wa iri wuli te.

1 Kor 1:21

Bonso, a Naaŋmen yɛŋ bammo poɔ, a tendaa noba da ba toɔ̃ baŋ O ne ba yɛŋ, a lɛ la so ka a Naaŋmen da nare biŋ ka O tu a dambol-yɛlɛ na te naŋ moɔlɔ zie kyɛ faa banaŋ naŋ sage de.

Korinti 1:24

N ba boɔrɔ ka N wuli ka te dire la kpeɛ̃õ yɛ zu a yɛ yeldeebo poɔ, kyɛ te laŋ tonɔ ne yɛ la ka yɛ nyɛ popeɛloŋ, yɛ naŋ are kpeɛŋaa a yeldeebo poɔ zuiŋ.

Galesiya 2:20

ka maa meŋɛ naane la voorɔ, kyɛ a Kirista naŋ be n eŋɛŋ la voorɔ. Kyɛ a nyɔvore N naŋ taa pampana a eŋgane poɔ, N taa o la a yeldeebo n naŋ taa a Naaŋmen Bie eŋɛ, Ona la da nɔŋ ma a de O meŋɛ tere N zuiŋ.

EFESU 2:8

Bonso, garaaseɛ zuiŋ la ka yɛ nyɛ faabo yi a yɛ yeldeebo eŋɛ, kyɛ ka a ba e a yɛmenne tontonne; o e la a Naaŋmen kyɔɔtaa;

EFESU 3:17

kyɛ ka a Kirista tu a yɛ yeldeebo zie a wa be yɛ sukyie poore ka yɛ tɛ nyaga a are kpeɛŋaa nɔmmo poɔ.

Filipai Deme Gane 1:6

N ba bonnɔ ne a yeli ŋa, ka a soba na naŋ da piili a tonsoŋ yɛ poɔ na toŋ a la ka a te baare, a te ta a Yeezu Kirista waabo daare.

Filipai Deme Gane 4:7

Lɛ la ka a Naaŋmen maaroŋ naŋ zuo bammo zaa na gu yɛ sukyie ane yɛ teɛrɛ a Kirista Yeezu eŋɛ.

2 Tim 3:15

A yi a fo biiluŋ saŋ, fo baŋ la a gansoŋ poɔ yɛlɛ naŋ na toɔ̃ wuli fo ka fo nyɛ faabo naŋ yi a yeldeebo naŋ be a Kirista Yeezu eŋɛ.

TITU 2:13

kyɛ ka te naŋ kyɛllɛ a maaloo bebiri te naŋ taa teɛretɔroo kyaare ne ane a te Naaŋmen kpoŋ ane a te Faara Yeezu Kirista puubu naŋ na wa sãã.

Hiburu 6:12

ka ka entuo ta wa kpɛ yɛ. Kyɛ yɛ tɔglɔ banaŋ naŋ tu ba yeldeebo ane kannyiri diibu a di a gbandiruŋ na ba naŋ eŋ noɔre ko ba.

Hiburu 9:28

lɛ la ka Kirista da de O meŋɛ maale bagre dayeni yoŋ ka O de neŋyaga yelbebe bare. O na la leɛ wa la a boyi soba kyɛ a koŋ e yelbebe zuiŋ, kyɛ O na wa la ka O faa banaŋ naŋ eŋ faŋ a kyɛllɛ O.

1 Pit 1:13

Azuiŋ, yɛ nare yɛ teɛroŋ gu ka yɛ toŋ toma. Yɛ baŋ yɛmenne taabo; a de yɛ teɛretɔroo zaa eŋ a garaaseɛ na a Yeezu Kirista naŋ na wa ko yɛ ka O naŋ wa wa.

1 Pit 4:13

Kyɛ yɛ kyellɛ ne yɛ naŋ poɔ a Kirista dɔgɛɛ poɔ ka lɛ vɛŋ ka yɛ meŋ na kyaara ne popeɛloŋ ka a O veɛloŋ wa sãã.

1 Pit 5:1

Pampana, N meŋɛ naŋ e neŋkpoŋ kyɛ waa a Kirista dɔgɛɛ dansedire, ane neɛ naŋ poɔ a puubu naŋ na wa sãã poɔ, N sɔrɔ la a nembɛrɛ naŋ be yɛ poɔ

2 Pit 1:3

A O Naaŋmennoŋ kpeɛ̃õ ko te la bonzaa a naŋ seŋ ka te taa te nyɔvore poɔ ane Naaŋmennoŋ a yi te naŋ baŋ a soba na naŋ boɔle te a O meŋɛ puubu ane O mennoŋ eŋɛ.

1 Gyn 3:2

N poyɛŋ noba, pampana, te waa la Naaŋmen biiri, kyɛ bon te naŋ na waa naŋ ba sãã sɛre. Bon te naŋ baŋ la ŋa: ka O naŋ wa sãã te na waa ŋa lɛ O naŋ waa, bonso, te na nyɛ O la a lɛ O naŋ waa.

Gyud 1:1

Maa Gyud naŋ e a Yeezu Kirista tontonɔ kyɛ waa Gyimisi yɔɔ la sɛgrɛ a lɛtɛ korɔ a banaŋ a Saa Naaŋmen naŋ boɔle ka ba e O poyɛŋ noba, ka O gu ba taa velaa ko a Yeezu Kirista:

Gyud 1:24

Ka a soba na naŋ toɔ̃ gu yɛ taa ka yɛ ta le, kyɛ e ka yɛ are O puubu niŋesogɔ ne popeɛloŋ a ba taa faaloŋ zaa,